Ralow sau hu rilo menuac takre mbang, abih di nyu nan lac menuac menyum alak mbia. Min mBan Khik iek siam mekre pandap mbang ban raya HCM bahrau hu panuac kakei bhap bini oh mbang ralow sau, kayua mbang ralow sau lac bruk bhian randap oh siam, njauk klaak nao, abih di nyu lac dalam tuk mbeiok drei tame dunya, piah daong padang rup binguk taneh ia Việt Nam văn minh, hiện đại.

 

Gam saong dom janih ralow athur karei, ralow sau hu maong lac 1 dalam dom kaya mbang bhian randap meng lavik mai di dom menuac urang. Dom urang mbang ralow sau khan lac ralow sau nyu bingi, hu rilo đạm, pabak rilo năng lượng.

 

Min sau lac athur raong kak kajap haong raidiuk di anek menuac meng kan mai saong nyu hu iek lac ayut sahabat di anek menuac. Dalam dom baoh sang, sau hu daong ka po sang khik iek sang danaok saong hu maong yau sa urang dalam sang, lac athur raong biak anit ranam. Jaik di ini, rilo phòng khám thú y saong tiệm glang iek thú cưng tamuh tabiak rilo meng hatai caong di dom po raong sau, brei mboh hatai anit di anek menuac brei ka sau dak harei dak praong, dalam.

 

Daok tui jabat khik ramik karja, mBan khik iek siam mekre pandap mbang ban raya Hồ Chí Minh ye pandap mbang ini hu rilo kadha oh siam, kayua mbang ralow sau dalam tuk bruk raong, sik, khik piah yau urak ini, takik khik hu siam mekre hacih sa-at, mbuan ba tal metai lahik meyah mbang njauk ralow sau njom ruak sau gila atau dom vi sinh vật ba tal ruak karei.

 

Tui Hukum Thú y ye bruk pandar ralow athur raong, menuk ada piah ngak pandap mbang brei pabak bruk duk iek, tui iek sik ngak ralow saong siam mekre hacih sa-at pandap mbang.Urak ini, adat hukum Việt Nam oh pakauk mbang ralow sau min jeng oh ba sau tame angan athur raong piah sik ngak ralow mbang ka anek menuac. Lingiu di nan, bruk mbang ralow sau mbuan ba tal ruak kik ka anek menuac meng bruk raong glaong, sik ngak oh tapa dut iek, oh hu tui iek di jabat karja.

 

Tui mBan khik iek siam mekre pandap mbang ban raya HCM, ralow sau meda njom dom vi sinh vật ba tal ruak, abih di nyu lac virus ruak gila. Njom kí sinh trùng, abih di nyu lac baoh saong ấu trùng oh praong jeng ula pui dalam tung bo nyu njom tame gan, phổi, dom phủ tạng karei, gaok mai nyu njom tame glo akaok saong meta. Bruk ini lac hội chứng ấu trùng nao tame dalam rup ba tal rilo ruak kan kandah ka anek menuac.

 

Ralow sau jeng meda njom jru kandaong labaih dalam ralow, abih di nyu lac jru piah chap mek sau, dom janih jru ini bhian hu jru mek khang saong meda ngak brei metai menuac. Nan ye mBan khik iek siam mekre hacih sa-at pandap mbang ndom lac: mbang ralow sau lac bruk bhian randap oh siam, bhap bini njauk klaak nao. Mbang ralow sau daok lac bruk biak jhak, biak độc ác ngan saong athur raong hu maong lac ayut sahabat di anek menuac. Kayua yau nan ye, klaak bruk bhian randap mbang ralow sau lac bruk pachreih tui jalan diukrai siam mekre./.

Urang lang: Mousahuong – 10/11

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân