Akaok cục papar sap papar binguk  song thông tin hu panuac ndom pak di  ni

Mintri Thông tin song  Truyền thông bahrau peih pasak langyah tin ja Việt Nam piah taduan mek, duah mboh, taong yaom, pagam angan tin ja, brei thau bruk biak. Pasak nao duah dom asal kadha hu urang klah rabha, mong iek rilo piah tong yaom, duah thau, pagam angan song hu panuac kakei urang mong iek ; tacei jalan piah thau, plaih nyaik tin ja. Gam haong nan, bhap bini meda khan brei thau ka tin ja tapa laik phone 18008108 piah dom urang jakar taong yaom, pagam angan

Mintri jalan mbak pajeng ba hu panuac ieu lac tok brei radaih nduac 1 gah tuk harei di angaok mbaok jalan tuh patau randaih sit di jalan cao tốc Trung Lương - Mỹ Thuận tuk jalan roya 1 nyu gar radaih di tukvak Tết Nguyên đán 2021. Tui nan, tal harei 31-12-2020 danak dak jalan cao tốc Trung Lương - Mỹ Thuận pabak  hu bruk brei radaih peih tạm tapa tui pato tacei di Thủ tướng. Min piah khik salamat bruk nao mai angaok jalan mbak, mintri jalan mmbak brei ka radaih nao sa gah jalan di mbaok jalan tuh patau randaih sit di jalan cao tốc Trung Lương - Mỹ Thuận dalam tukvak katut (5 harei dalau di tết saong 5 harei hadei di tết) ngan haong prein brei nduac lac 40km/h.

Sở jien ndua TPHCM brei adat ka dom doanh nghiệp hu mbaok tame tani tanat drak pasa rilaow pabui hu ramik yaom pablei  tagok 6.000 -15.000 đồng/kg, lac meng  4,1%-10%/kg. Bruk ni hu makna lac, Sở jien ndua hu brei yaom pablei rilaow pabui dalam tuk Tết thun sak kubao 2021 song khik tani tanat dalam luac  60 harei anak tal. Meyah yaom pabui diuk trun, dom DN brei ngak habar ka yaom pablei tuk halei jeng beir jang yaom di darak pasa takik di abih  lac meng 5%-10%.

Tui Sở ngak nong saong patagok palei pala tỉnh Tiền Giang, tapa yaok pataom hu labaih 500 ha padai bhum ia taba Gò Công bahrau hu pala drak bilan xuân hè. Ni lac mblang taneh padai pala drak oh njauk tukvak mbuan gaok khat lahik kayua langik pandiak njom mbak. Dom mblang taneh ngak padai ni rilo meng lac di ban sit Gò Công, huyện Gò Công Tây… Sở ngak nong saong patagok palei pala tỉnh hu kakei  dom palei njauk jak ba urang ngak nong ngak tui jalan ba tabiak, khik ginup ia ka bruk pala drak saong abih di nyu nan lac oh ngak kan kandah tal năng suất padai saong dom janih phun mbang baoh karei.

Harei 12/1, Cục khik ramik alam môi trường gah merong negar (di Tổng cục Môi trường- mintri Tài nguyên song  Môi trường) pambuak bruk song gah chức năng Đồng Nai pasang iek langyah nerak tasuak kanyah jhak  di Công ty TNHH Cù Lao Xanh bo rayo sap ndom Việt Nam hu khan brei thau bloh. Bruk pasang iek dui atah 3 tal 7 harei. Hu thau, dahlau di nan, urang ngak di công ty ni hu mek jamriak jnuk  piah jnuk ia nerak bak gluh baok meng danao ia nerak oh ka tapa langyah  tabiak labik taneh  prong yaok ribau m2 taom dar sang mac.

Phó Tổng thống Mỹ Mai Mike Pence hu payua harak thư tal akaok Hạ viện Nancy Pelosy piah brei thau lac ong oh ba tabiak Tu chính án ka 25 piah pajaleih Tổng thống Donald Trumph kayua lac bruk ngak ni meda peih tabiak sa jalan oh siam. Tui Tu chính án ka 25, Phó Tổng thống saong dom urang dalam rajaei hu quyền brei padeih bruk mayah mboh lac Tổng thống oh ngak hu bruk di drei. Harei ni (13/1), Hạ viện Mỹ meda buh phiếu tapa sarak kaoh duas ong Trump. Mayah sarak ni hu brei tapa, ong Trump jeng Tổng thống Mỹ camriep njauk kaoh duas dua mbang dalam sa tukvak ngak bruk.

Harei 12/1, dom lô vắc-xin Covid-19 camereip abih di Ấn Độ hu mai tal labik khik ramik, parabha di negar Ấn Đô, caga ka bruk klauk pacang Covid-19 di negar ni. Ni hu mong lac tukvak njauk kanal hadar di urang  Ấn Độ, peih tabiak jalan ka negar hu 1,3 tỷ menuac ni padang hu jalan pacang virus SARS-CoV-2 song samar tabiak truh bruk srau kadau kayua jit prong Covid-19. Dalam mbang ka 1 di bruk klauk jru, Ấn Độ batabiak bruk klauk pacang caga ka labaih 300 triệu urang.

      Hadei di dom mbang tuyết laik kapan di puac adit blaoh, bhap bini gah kreih negar Tây Ban Nha daok tame tukvak laar biak khang. Hu takik di nyu 7 urang, dalam nan hu 2 urang oh hu sang danaok metai kayua langik biak jhak. Nhiệt độ di rilo labik trun bier. Di ban ine Madrid, nhiệt độ trun daok âm 16 độ C. labik gah bhum ceik trun ala âm 25 độ C. Gam saong langik biak laar, dom mbang tuyết laik tapan ngak kaphun kayau, jalan mbak, jalan kraong ia jeng patau. Dom urang jaka Tây Ban Nha njauk ieu pataom 1 ribau 300 radaih mai kuac kuah saong ngak hacih tuyết, ngak bruk luac melam harei./.

Urang lang: Thu Thảo & Hanipha  13/1/2021 10:28:54 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân