Ninh Thuận nan lac sa tỉnh hu rilo urang Cam, daok pataom gauk di 28 palei dalam 6 huyện, ban sit nan lac: Ninh Hải, Ninh Phước, Ninh Sơn, Thuận Bắc, Thuận Nam saong bal Phan Rang – Tháp Chàm. Dalam nan njauk ndom tal palei Hậu Sanh (palei Thuer), xã Phước Hữu, huyện Ninh Phước. Dalam palei ini, hu bimon Pô Rô-mê. Dalam kadha "Ranam sap bangsa Cam” adit ini, khaol drei duah thau ka sajarah di palei Thuer.

 

Tui panuac khan di dom urang taha dalam palei, meng kan labik ini (palei Hậu Sanh urak ini) lac glai ram, rilo athur sahanak, tok hu dom baoh sang urang Cam Awal di palei Ram mai daok. Gam haong urang Cam Awal, atah 1 mbaik jalan nao gah Tây – Bắc daok hu urang Cam Ahier mai meng palei Mblang Tang nan lac but pajaih “Yang mư-in”, urak ini jeng daok dalam palei Thuer. Atah 2 mbaik jalan nao gah Đông – Nam hu palei Thái Định, urang Cam iew lac palei Hamu Kleing di bhap bani urang Yuan, dalam jaman mesruh taong Prang, taong Mỹ, dom urang Yuan nan ba gauk mai daok dalam palei Thuer ngak mbang. Hadei di harei taneh aia peih paha ye jaik abih urang Yuan daok dalam palei Thuer trun nao daok di Phú Quý, Mông Nhuận saong La Chữ piah ngak mbang, tok daok takik dom baoh sang daok veik dalam palei Thuer.

Urang lang: Jasi - 15/5/2020

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân