# Harei 14/7, di Phủ Chủ tịch, akaok taneh ia Trương Tấn Sang hu var taom gaok labaih 100 thanh thiếu niên Việt Nam hadah krah daok bac megru di taneh ia langiu dalam tuk mai taneh ia hu mbaok dalam Trại hè thun 2015. Akaok taneh ia ndom lac, tapa Trại hè Việt Nam thun 2015, dom sarak di Đảng, karja caik ka kieu bao daok hu ngak cambaih saong dak harei dak tame dalam raidiuk, ba mbuan lagaih piah ka taong abih bhapbini hu mai veik palei negar, maong mboh bruk salih bahrau di taneh ia. Ini lac bruk ngak biak hu makna, rik daong ka dom adei thau cambaih jang ka ilimo, ka  sajarah di Viet Nam.

# 18 tuk harei 14/7 tui tukvak di CH Sec,  Rayo sap ndom Việt Nam peih mbaok jabat thường trú di ban ine Praha - Cộng hòa Séc, brei mboh bruk hu mbaok di Rayo pak Trung saong Đông Âu. Brei panuac di tuk nan,  Tổng giám đốc rayo sap ndom Việt Nam Nguyễn Đăng Tiến brei thau, ini lac jabat thường trú ka 10 di rayo sap ndom Việt Nam daok di taneh ia lingiu, piah khan brei thau dom bruk praong pak nan jeng yau bruk di urang Việt daok di labik nan, brei ka urang pang rayo daok di Việt Nam saong angaok dunya thau. Tổng giám đốc Nguyễn Đăng Tiến lac: Bruk tabiak rai di jabat thường trú di Cộng hòa Sécmai meng bruk ini lac sa taneh ia hu labik dang praong di Trung Âu, lac taneh ia hu labaih 65.000 urang Việt Nam daok diukra, bac megru saong ngak bruk, abih di nyu nan lac tuk urang Việt hu rajaei Séc công nhận lac urang bangsa takik ka 14. taphia di nan, Cộng hóa Séc, dahlau deih lac Liên bang Cộng hòa Xã hội chủ nghĩa Tiệp Khắc, hu ta;lei pambuak bruk khang kjapa siam mekre haong Việt Nam, urak ini lac gah pambuak bruk praong di Việt Nam.

          # Melam kabroi (14/7), mintri Thông tin saong Truyền thông pambuak bruk saong uy mban bhapbini tinh Quảng Bình peih parang iek thaot binguk saong phim phóng sự- Tài liệu dalam bhapbini ASEAN di  Việt Nam. Parang iek yaih khan labaih 200 tác phẩm saong jaik 50 phim phóng sự- tài liệu hu giai saong tame Vòng chung khảo di harei pataom pakat negar thaot binguk saong phim Phóng sự-Tài liệu ka taneh ia anek menuac thun 2010.  Dom tác phẩm hu biak rilo asal kadha yau ye : bruk gheih mekre di taneh ia, anek menuac dom taneh ia ASEAN, ilimo meng kan dom taneh ia ASEAN, khik caga alam moi truong, pacang biến đổi khí hậu. Parang iek daok hu dom mẫu tem saong mẫu dấu chung di dom taneh ia ASEAN. Brei panuac tuk peih parang iek, Thứ trưởng mintri thông tin saong Truyền thông Trương Minh Tuấn brei thau : Mai tal parang iek kol drei thau jang ka ilimo anek menuac saong bruk diukrai di dom taneh ia dalam bhum ASEAN. Tapa nan daong ka  dom bangsa dak harei dak mai jaik gauk jang kayua sa ASEAN rilo ilamu dalam yasa. Parang iek thaot binguk saong phim phóng sự  tài liệu di bhapbini ASEAN di Việt Nam mbang ini hu makna jang kayua njauk  tuk pahadar 66 thun harei Quảng Bình quật khởi.

#Hadei di 4 harei rah tabiak dalam chreih chrai, melam (14/7) Festival Tasik Nha Trang- Khánh Hòa thun 2015 hu tamat bloh di Quảng trường 2/4, ban sit Nha Trang, saong danak dak daoh tamia  “Nha Trang- Tasik sanya”. Ini lac mbang ka 7, tỉnh Khánh Hòa peih Festival tasik saong rilo salih bharau, ndung bak tasik jang. Labaih 50 bruk ngak pambuak pagam haong tasik pulao yau như: dom danak dak daoh tamia, parang iek, ginum biai ka tasik, pulao… hu yaih khan rilo ka bhum taneh Nha Trang- Khánh Hòa siam lagaih piah ka urang daok dalam saong lingiu taneh ia mai rivang iek, padeih padei saong buh jien tame ngak mbang.

# MBan khik ramik  cảng ikan phường 6, ban sit Tuy Hòa, tỉnh Phú Yên barau alin 210 paok pandap yaom jaik  50 triệu đồng ka dom anek bhik di dom urang ngak ikan kan kathaot daok di phường 6 saong phường Phú Đông. Abih tih yaom jien nan kayua dom doanh nghiep saong urang ngak pahla dalm saong langiu tinh daong. 210 anek saih hu taduan mek pandap mbang ini daok bac di dom pakat bac, meng pakat 1 tal Trung học phổ thông, yaok paok pandap hu : tapuk, siphau, pandap bac da-a.

# Hoi dong bhap bini, UB bhap bini, UBMT negar Việt Nam tỉnh Bình Phước bahrau peih bruk phong tặng saong truy tặng angan “Amaik Việt Nam anh hùng”.  Dalam mbang ini, Tỉnh Bình Phước hu 12 amaik hu pok brei angan “Amaik Việt Nam anh hùng”, saong truy tặng angan “Amaik Việt Nam anh hùng” ka 84 amaik hu rilo anek taco pasang likei ndih trun ka bruk peih paha bangsa, dak padang saong khik caga taneh ia. 

# 6 bilan akaok thun, ban sit Cần thơ  hu 14 mô hình patrun kathaot khang kajap di jaik 100 sang kan kathaot dalam ban sit. 14 mô hình patrun kathaot di dom gah ye : tiểu thủ công nghiệp, liên doanh liên kết, raong athur, menuk ada, pala drak saong pablei salih sit.

Patui di ini, dom khau tin dunya

#Kadung jien dunya (IMF) meda hu jalan peih praong angan dom taneh ia hu daong brei mesraiy, saong brei patagok bruk daong jien padai ka dom taneh ia kan kathaot di abih saong mbuan gaok kan kandah di abih dalam dunya. Lingiu di nan, IMF jeng brei khik yaom laba 0% dalam suai livik ngan saong dom yaom jien mesraiy di dom taneh ia gaok rilo kan kandah kayua bala meng lingik tasik.

# Cục pacang khuah padam khuah di mintri Nội vụ saong thông tin Nhật Bản harei 14/7 brei thau, labaih 3.000  urang dalam taneh ia njauk tame sang iek ruak kayua panidak bhang. Bruk nan rilo jang 6 mbang meteh duk saong 471 urang di adit dahlau. Langiu di nan hu 4 urang metai. Duk saong 2.466 urang njauk tame sang iek ruak di  bilan ini thun dahlau, pandiak bhang thun ini di Nhat Ban trak jang.

# Tong thu ky LHQ Ban Ki Mun harei kabroi (14/7) brei thau, dunya daok angaok jalan pamoang tal sa rairah oh hu AIDS hadei di tuk jabat pacang caga AIDS di Liên hợp quốc (UNAIDS) brei thau lac urang njom ruak bahrau trun hu 35% duk saong 15 thun dahlau./.

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân