Dalam tuk oh ka hu hagiat piah samar thau urang njom ruak ye bruk brei daok karei nan lac jalan siam di abih piah pacang caga jit ruak Covid-19 njaom mbak dalam bhap bini. Dalam taong abih dom mbang nyaom di Mban tacei jalan pakat negar ka pacang caga jit Covid-19, yaom galong di bruk brei daok karei jeng hu ndom tal. Langiu bruk brei daok karei di dom labik praong hu jabat chức năng padang tagok, bruk daok karei di sang jeng lac sa dalam dom jalan pacang caga Covid-19.

Daok karei di sang piah pacang Covid-19

 

Ngan saong dom urang oh patuk, pandiak, kan suak yawa min hu 1 dalam dom bruk yau ini: daok dalam sa baoh sang haong gauk, ngak bruk saong gauk, nao mein saong gauk, taom gaok gauk jaik dua mét, daok sa talei haong gauk, daok gah anak atau gah likuk dua talei gaiy di sa sruh radaih,  sruh kapal haok…ngan saong urang ruak atau urang mboh yau njom ruak Covid-19, Mentri Y tế tacei pato bruk brei daok karei di sang, di labik daok piah pacang caga Covid-19, piah pang cakak bruk njom mbak di jit ruak Covid-19 dalam bhap bini.

Urang brei daok karei pak sang njauk ngak yau ini:

- Ka 1: Brei ngak tui bruk daok karei di sang, labik sang danaok njauk tui tukvak ba tabiak (lac pluh pak harei), siam abih brei daok duk bilik karei. Meyah sang danaok labik daok oh hu bilik ye laneing ndih di urang brei daok karei atah di laneing urang karei dalam sang takik di nyu dua mét.

-Ka 2: Duk bilik daok karei brei laneng lahei, bhian hu puh ramik, takik caik pandap panda dalam duk labik daok karei.

-Ka 3: Eng drei dut iek pandiak dalam rup takik abih dua mbang yaok harei (page saong biar harei), vak tame ba-ar tui iek prein yawa yaok harei ka tanut dut iek saong prein yawa dalam rup

-Ka 4: Takik tabiak truh  bilik drei daok, takik taom gaok urang karei dalam sang,  jeng yau dom urang karei di labik drei daok; eng drei tui iek prein yawa; brei khik hacih rup pabhap, cuk siuk pacang pabah idung, bhian rao tangin meng sabon atau ia rao tangin pametai anek ruak.  

-Ka 5: Yaok harei brei khan ka urang jakar y tế xã, phường, ban sit thau dua mbang mesup saong biar harei ka tanut dut iek pandiak dalam rup jeng yau prein yawa di drei. Brei khan chip ka urang thau tuk mboh hu tha dalam dom ruak yau patuk, pandiak, kan suak yawa.

-Ka 6: Oh tabiak truh sang, truh labik daok tui hatai drei. Oh mbang menyum saong urang karei dalam sang, dalam labik daok.

-Ka 7: Urang daok karei brei pataom khau trang, siuk, ba-ar  uak idung, pabah pandar blaoh buh tame kadung hareik karei saong brei caik sa labik di urang brei daok karei./.

Urang lang: Aí Nghiêm - 16/4/2020

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân