Ruak virus khảm hala bei plom lac ruak biak jhak song lac janih jit palai pajoa bahrau, mbang camereip hu mboh di negar drei. Meyah oh hu jalan pacang ruak chip meda ngak kan kandah oh sit tal gah ngak bei plom. Kadha “ Urang ngak hamu cong thau” adit ni, daa mik va song tong abih gauk pang tacei pato jalan caga ruak khảm hala.

Ruak thu hala angaok phun bei plom dok tamuh khang 

Ruak meda njom mbak samar  meng hhum ni tapa bhum karei, tapa  hom pajaih song dom labik karei di phun bei plom, nyu pambak ruak tapa bọ phấn trắng, nyu meda par nao tal 7km meng ngin yuk. Virus dok kandong veik dalam phun bei plom njauk njom ruak song dalam bọ phấn trắng lac janih pambak tapa bhum pala bei plom karei  di Tây Nguyên, Đông Nam bộ… ngak kan kandah tapak tal urang pala bei plom, tal gah pala ngak song pablei tabiak negar langiu bei plom di  Việt Nam.

Kuhria tal tuk vak ni, oh ka hu roh duah praong dalam halei ka  ruak hu peih ngak di Viet Nam saong oh ka hu jru iek ruak, nan ye bruk pacang caga lac bruk prong, jalan ngak anak meta hu dom urang ilamu  kakei lac:

Palih pajaih pala: Palih pajaih pacang hu ruak, oh pala dom pajaih njom ruak trak. Pajaih  HLS11 njom ruak trak (pajaih oh ka hu công nhận , hu bọ phấn trắng angaok hamu pajaih  HLS 11 glong jang rilo dut song dom pajaih karei), dom pajaih  KM 419, KM 140 njom ruak hajual jang.             

Salih janih phun pala: Oh pala bei plom atau  phun  ký chủ di bọ phấn (phun pakao, bingu, traong ndaiy, cà pháo, cà bát, boh kadaoh, bei prang, meriak…) di dom bhum njauk ruak  khảm hala takik di abih lac sa  vụ.

Pataom tame pametai bọ phấn trắng: pandar  bẫy dính hu sambo màu kanyik katam  tual angaok mblang hamu  pametai  bọ phấn trắng. Dom bhum mbuan si tamuh ruak njauk tui iek, duah bọ phấn trắng, pruh meng jru khik caga phun pala dalam tuk nyu daok biak sit.

Pacang song pametai anek ruak tui jalan ngak di Cục khik caga phun pala, plaih njom mbak: Ngan song dom mblang bei plom hu takik jang 70% dom  phun njom ruak, brei buac klaak phun njauk ruak  (buac gam akaok boh), patom mek song am cuh klaak; daok mblang taneh bei plom hu labaih 70% dom phun njom ruak ye brei buac abih, pataom mek song am (am cuh klaak abih mblang hamu); dom taneh bei plom meda buac mek hu ye buac abih phun bei plom, mek boh dok phun saong hala ba nao am cuh klaak.

Oh pajeng, oh ba  hom pajaih  song dom  janih karei di phun bei plom meng labik  njom ruak  tapa bhum oh ka njom ruak piah pala  bahrau, song oh ba tal bhum  palei karei, oh pandar hom pajaih njauk ruak khảm./.

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân