Dom roh duah mboh lac, dom urang gaok bala lac uranaih njauk xâm hại tình dục (XHTD) meda gaok kan kandah dui atah luac rai . Dom bruk tong paoh rup pabhapk trak damak meda ba tal jaoh jo, metai lahik. Daok bruk kan kandah di XHTD lac biak trak, jhak tal rup pabhap haong hatai sahaneng di uranaih song urang dalam sang, ngak duh hatai menuac sia. Rik dong tame bruk khik caga uranaih, daa mik va song tong abih gauk pang kadha vak di ThS. Lâm Tiến Dũng ndom ka bruk di bhap bini dalam khik iek uranaih plaih njauk tong paoh.

Rilo uranaih njauk urang prong tong paoh biak pandik harao 

Dalam bruk pato pakai pacang caga  XHTD uranaih, boh sang hu labik dang biak prong. Kayua boh sang lac labik daok camereip, lac labik pajeng, labk rong ba song pato pakai jalan diuk rai di anek menuac. Kayua yau nan ye, yaok urang dalam sang, abih di nyu lac amaik ame dahlau di abih brei thau cambaih laih bruk di drei, pabak ka rup drei song pato pakai, tacei ba ka anek, kamuan dom ilamu, dom kỹ năng dalam bruk mboh, thau, pacang caga dom bruk rapeik rapai uranaih. Dahlau di abih lac dom  urang ame, urang amaik brei thau klah rabha hong anek, pato pakai, pabak ka anek dom ilamu piah khik caga rup drei anak dom bruk mbuan njauk rapeik rapai.

Meda mboh lac dom bruk lạm dụng tình dục (LDTD) jiak di ni mai meng dom urang  yau: ong dalam puk, ceik dalam puk, saai dalam puk, urang oh thau meng halei mai, urang pablei salih pandap rong, atau pandik harao jang daok hu gam gauk gar dalam sang  . Min, uranaih meda thau lac  gaok tame labik lei “siam”  song labik halei lac gaok tame “oh siam” meng hatai sahneng di drei  tapa bruk tacei pato di amaik ame. Piah pacang caga  dom bruk oh siam meda tamuh tabiak, bruk dom adei  pabak ka drei ilamu  salamat ka rup drei lac bruk njauk brei hu. Bruk iek glang song gaok tame di urang prong ngak ka uranaih mboh hu anit ranam. Urang lạm dụng jeng jeng ngak yau nan piah gaok tame song ngak brei lihik nao bruk caik hatai sangka di uranaih song boh sang uranaih.

Akaok mintri  LĐ-TB&XH hu panuac ieu  Chủ tịch UBND dom tỉnh, ban di  Trung ương tacei pato pablak tame dom tanut ka  quyền  uranaih  song  dom bruk  patagok  kinh tế - xã hội song kuhria dahlau kadung jien karja, abih di nyu lac  dalam bruk ngak  trung hạn song 5 thun di palei drei; ieu pataom song pandar hu siam lagaih dom pok jien buh tame piah khik kajap dom quyền di uranaih, piah ka uranaih hu daok dalam siam mekre , salamad .

Saong brei patagok bruk pathau  khan, pato pakai ka boh sang, ka bhap bini song uranaih thau ka sarak, adat hukum pagam tal  quyền di uranaih. Iek glang patagok abih gah di uranaih meng pren yava , dinh dưỡng, dom ilamu, bruk hu thau ka uranaih , patrun di abih dom bruk  oh siam, dom kadha mbuan ba tal pandik harao.

Paglong bruk di boh sang, di sang bac song tong abih menuac sia, abih di nyu lac  urang dang akaok dom jabat , đơn vị dalam bruk pacang caga saong langyah dom kadha mbuan ba tal kanjah jhak, tong paoh, rapeik rapai uranaih  song brei duah mboh, pathau khan, samar tacei tabiak dom bruk tong paoh, rapeik rapai uranaih.

Bruk pacang caga  xâm hại tình dục uranaih  brei hu mbaok di dom jabat  khik ramik. Patagok bruk khik iek di karja  ka uranaih; peih ngak samar bruk pasang iek tong abih bruk peih ngak quyền uranaih di dom pakat karja,  jabat, kapul nyaom, labik dong ba  xã hội, labik pato pakai uranaih dalam labik di drei, oh lac bruk njauk ngak bo dok brei mboh hatai ranam uranaih  .

Gam song nan, brei tacei ba langyah samar, catang taong abih dom bruk, dom urang tong paoh, rapeik rapai uranaih. Pasang iek bruk di urang dang akaok jabat, đơn vị, labik caik rah tabiak bruk suai damuaiavik,  ngak oh ginup bruk  iek glang, dong uranaih njauk tong paoh , rapeik rapai atau pacang padauk bruk tong paoh, rapeik rapai uranaih  jeng lac lương tâm meng meta mong gah chuyên môn. Hadei di nan, samar ba hồ sơ bruk mboh yau hình sự ba tagok dom jabat  chức năng piah langyah catang tui adat hukum.

Bruk khik iek song pato pakai uranaih thau pacang caga  XHTD oh lac di boh sang, bo dok lac di tong abih menuac sia, di taneh ia, kayua uranaih lac  mầm non, lac harei hadei di abih sa bangsa. Bruk ngak di yaok menuac urang, yaok kapul chuyên môn lac piah ka bruk ngak suan trak damak quyền uranaih rah tabiak dalam boh sang, dalam sang bac , dom labik dong xã hội song bhap bini brei hu patrun patakik di abih./.

Urang lang: Hanipha- 1/6 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân