Salam uan harei roya jum pataom bangsa thun 2019, bahrau ni, Bí thư Trung ương Đảng, Chủ tịch UBTƯ MTTQ Việt Nam Trần Thanh Mẫn hu mbang nao rivang, ndom nyai song mik va dom bangsa di xã Công Hải, huyện Thuận Bắc, tỉnh Ninh Thuận. Kadha vak hadei ni di Hương Diệp angaok mbao Đại đoàn kết brei thau ka mbang rivang ni, saong pok meyaom Ban ngak bruk Mặt trận puk palei hu nao gam song mik va dom bangsa di pak ni dalam bruk jum pataom tong abih bhap bini, sa hatung hatian haong gauk kham merat yam tagok tabiak truh kan kathaot khang kajap.

Urang bangsa takik uan raok harei jum pataom dom bangsa takik 

Ndom nyai song mik va, ong Trần Thanh Mẫn lac hu thau song pok meyaom dom kham merat di mik va 3 palei  Kà Rôm, Ba Hồ, Suối Vang dalam luac tuk vak tapa, tuk bhap bini khu dân cư tagok bruk jum pataom, hu rilo jalan ngak bahrau, rilo mô hình tự quản ngak bruk hu siam lagaih, ieu pataom hu pren khang, sahneng duah, halan hatain hu mbaok  di mik va. Ni jeng lac jalan khang kajap, lac pren khang piah ka mikva khang hatai ngak mbang, pala drak yam tagok tabiak truh kathaot khang kajap.  

Bruk dong gauk patagok  kinh tế, patruh kathaot, yam tagok ngak kaya meda hu rilo urang đoàn, hội viên song bhap bini  3 palei pachreih tui, ngan song rilo jalan ngak siam lagaih yau payeng phun jien patak pataom piah tagok kinh tế boh sang, ngan saong yaom jien abih tih lac 120 triệu đồng; dong boh sang kathaot mesraiy oh mek jien laba labaih 75 triệu đồng, dong gauk 128 harei ngak bruk...

Dalam nan, Ban ngak bruk Mặt trận song dom chi hội, kapul nyaom hu jak ba dom boh sang khang hatai salih janih phun pala lagaih song biến đổi khí hậu, lagaih haong taneh rija di puk palei, salih 32 ha taneh pala padai  takik kein laba tapa pala dom janih phun pala dalam bilan thu yau: bei plom, ratak naih, tangei, hareik rong glang ba mai kein laba kinh tế glong, patagok yaom jien duah hu labaih  30 triệu đồng yaok ha dut song dahlau deih.

Muk Mấu Thị Hiền, lambaok Ban ngak bruk Mặt trận 3 khu dân cư bui sambai ndom lac, meng bruk hu mbaok di  Mặt trận song dom kapul nyaom puk palei hu ngak brei salih khang hatai sahaneng di bhap bini, meng nan dak harei dak salih hatai sahaneng pagam pambak tame bruk dong di karja, eng drei patagok  kinh tế boh sang, yam tagok patruh kathaot khang kajap. Dalam thun  2019, hu  51 boh sang tabiak truh kathaot, patrun boh sang kan di  3 palei urak ni dok 113 boh sang, meblah  14% dom menuac sia.

Ong Chamalé Cu, bangsa Rắc lay, palei Suối Vang biak bui sambai tuk hu  wa  Chủ tịch Mặt trận mai hu mbaok dalam harei roya jum pataom hong mik va. Bruk  hadah mbaok meta ni jeng lac pren khang piah ka mik va dalam palei ngak tui sarak di Đảng hukum di karja, jum pataom, khang hatai klaak dom adat cambat klak oh daok lagaih, oh pang tui panuac pacuh pajarak di khol kanyah jhak, nyaih atah dom cám rỗ di  tệ nạn xã hội, abih di nyu nan lac ma túy.

Ong Katơr Son, daok di palei Ba Hồ brei thau dom suh sah tuk urak ni dalam palei jeng dok hu bruk dom anek saih klak bac piah nao ngak mbang atah, kayua yau nan ye mik va dalam palei cong khin pakat  ủy, karja daong palagaih song tacei jalan ka mik va hu salih janih phun pala anek athur rong lagaih song taneh riya di pak ni, patagok dom phun pala ba mai kein laba glong, patagok rai duik mbang ngui dok dang song dong ka mik va yam tagok tabiak truh kan kathaot khang kajap.. Chủ tịch Trần Thanh Mẫn caong lac.: “Njauk pataom tame iek glang ka bruk pato pakai, paglong bruk bac da-a ka bhap bini, mong ini lac jalan ngak piah ka mik va yam tagok tabiak truh kathaot khang kajap  ”.

Chủ tịch Trần Thanh Mẫn brei thau hatai bui sambai tuk mboh bruk chreih chrai, hadah ia mbaok di dom adei sit, dom muk, dom sa-ai kumei, dom sa-ai likei saong dom urang taha hu mai pataom gauk di sang ilamu di  liên khu dân cư. Chủ tịch Trần Thanh Mẫn ndom lac: “Yam tapa kan kandah gah langik tasik, Ninh Thuận thau pambak tame langik pandiak luac thun piah tagok dom janih phun pala, anek athur rong hu năng suất, chất lượng glong tui jalan ngak mbang praong, mblang taneh prong  song pala drak hu luac thun ”. Chủ tịch Trần Thanh Mẫn jeng hu panuac ieu pakat ủy, karja pak tui bruk salih janih phun pala, anek athur rong siam lagaih song bhum taneh pak ni piah patagok rai duik ka bhap bini, sangka iek glang pren yava ka bhap bini, kham merat khik caga an ninh trật trự, an toàn xã hội piah dalam palei oh dok tệ nạn xã hội, padang ngak khu dân cư hadah, hajao hacih, mekre, khik caga hacih saat pandap mbang meng rong glang tal pala drak./. 

Urang lang: Hanipha- 18/11

 

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân