Quoc hoi hu brei tapa Hukum pasiam, pabak dom paka di Hukum Urang jakar, công chức saong Hukum Viên chức. Dalam nan, njauk caik hatai lac brei klak bruk hợp đồng oh hu tukvak hu ba tame pandar meng harei 1/7/2020, makna di nyu lac oh daok bruk “ngak viên chức luac rai”, oh kuhria dom urang ngak bruk di dom bhum palei kan kandah. Ralo urang Quoc hoi caong lac, meng klaak bruk“viên chức luac rai” meda lahik bruk suai damuai saong pagam pambak tame, pachreih urang kham merat patagok ngak siam bruk ngak di dom urang jakar, viên chức.

Atah klak bruk vien chuc luac rai meng thun 2020

 

  Ndem meyai saong Rayo sap ndem Viet Nam, ong Nguyễn Trường Giang, kapol urang Quoc hoi Đắc Nông lac, labik pasiam veik hu makna praong tui Sarak trung ương lac ngak habar piah “ hu tame hu tabiak”, plaik njiak bruk ngak viên chức lauc raidiuk. Tui Hukum viên chức urak ini ye oh hu bruk lac ngak viên chức luac rai, yau nan min biak di nyu piah ba sa urang viên chức ngak bruk oh sumu tabiak truh nan biak kan. Kayua yau nan ye, sa dalam dom bruk ba tabiak di sarak Trung ương, lac ngak harak pambuak bruk hu tukvak ngan saong viên chức bhum atah bayah, bhum biak kan kandah. Meyah trun takik urang jakar viên chức ngak oh sumu bruk tui nan brei tagok chất lượng viên chức. Viên chức hu khik veik takik jang ye yaok urang njauk kham merat ngak siam jang bruk ngak di drei, pasiam jalan diukrai brei oh hu trách nhiem, pagam pambak tame, atah klak jalan sahaneng drei ngak viên chức luac rai.  Urang Quoc hoi Nguyễn Trường Giang lac: “Kadha njauk caik hatai lac tuk vak di hợp đồng hu dalam Hukum viên chức nyu karei saong hợp đồng hu tukvak tui Hukum Lao động. Dalam Hukum Lao động jeng hu kuhria caga dahlau, oh ka ba tabiak cambaih laih tukvak mbaok tangin tame hợp đồng ngan saong viên chức palih ruah bahrau. Meng harei 1 bilan 7 thun 2020, hợp đồng hu kuhria meng 12  bilan tal 60 bilan oh lac 12 bilan tal 36 bilan yau quy đinh di Hukum lao động. Ini lac sa kadha njauk caik hatai piah ba dom viên chức ngak oh jeng bruk hu jao brei tabiak truh, oh daok ngak vien chuc tra.” 

  Yaom lac jien bilan dalam biên chế ka urang ngak bhian biak biar min dom viên chức bhian oh ngak hagait rilo jang, oh caong hu hagait jang, takik sahaneng duah dalam bruk ngak, takik thei taduan tarch nhiem ka bruk ngak suan di drei. Gaok mai daok pambak tame kapl nyaom piah kalk rabha trách nhiệm. Tui ong Bùi Thanh Tùng – urang Quoc hoi kapul Hải Phòng, klaak bruk “viên chức luac rai” meda pabak prein khang ka dom viên chức oh padeih salih birau, sahneng duah piah brei mboh bruk naih gheih di drei, kham merat piah hu mbaoh tangin tame hợp đồng hu tukvak gam gam. Urang Quoc hoi Bùi Thanh Tùng lac: “ Dalam tuk salih jalan ngak meng bruk viên chức urak ini tapa bruk oh daok viên chức luac rai ye ka sa njauk brei hu tukvak piah ba tabik jaln salih bahrau. Kadua brei hu dom sarak daong di Karja piah ka urang ngak sahanang hatai tuk salih meng vien chức luac rai tapa oh daok luac rai ye urang jeng daok sahanang hatai  haong bruk ngak di drei, sahanang hatai piah ka urang kak  kajap haong bruk ngak.”

Urang lang: Aí Nghiêm -2/12 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân