Dalam dom thun tapa, urang hu angan je dalam bhap bini bangsa takik hu patagok labik dang song hu dom rik dong prong dalam dom bruk ngak di puk palei. Ong Lưu Nào, bangsa Chăm daok di ban sit Phước Dân, huyện Ninh Phước, tỉnh Ninh Thuận lac sa urang hu angan je.Piah thau cambaih jang ka ong, dalam kadha“menuac gheih bruk siam” harei ni, khgol hulin hu kadha vak “Ong Lưu Nào- nurang hu angan je tuk halei jeng hu mik va anit ranam ” di Việt Phú, urang vak di rayo sap ndom VN. Daa mik va song tong abih gauk tui pang.

Ong Pachreih dam dara dalam palei halan hatain brei drah.

 

Mbaok meta hadah hadai, klik jhuk di urang bhum tasik Nam Trung Bộ, ndom puac tantu, cambaih laih, lac dom kadha tuk camereip mbuan mboh di ong Lưu Nào, urang Chăm daok di ban sit  Phước Dân, huyện Ninh Phước, tỉnh Ninh Thuận. Dahlau deih lac phó Chủ tịch UBMT negar  tỉnh Ninh Thuận, tuk mai palei daok,  ong  Lưu Nào kham merat hu mbaok tame dom bruk di khu phố. Meng ilamu di drei, ong tuk halei jeng brei panuac dalam dom mbang sinh hoạt chi bộ. Dom panuac di ong hu mik va dalam  khu phố Mỹ Nghiệp caik hatai tui pang song pachreih tui. Mik va jia tame, anit ranam, pok ong ngak urang hu angan je dalam khu.

Bruk ngak bahrau di ong oh mbuan, min ong sahaneng lac, mik va jia drei ye drei jeng abih hatai, rik pren yava piah pabak veik hatai anit nan di mik va. Kayua yau nan ye, ong bhian jak ba mik va kham merat hu mbaok tame dom bruk ngak di puk palei, pachreih tui dom bruk jak ba yau tong abih bhap bini jum pataom padang ngak palei pala bahrau, đô thị văn minh, hu mbaok tame bruk jak ba urang  Việt Nam dahlau di abih njauk pandar  pandap Việt Nam, danak dak patrun kathaot khang kajap.

Lac urang jakar mặt trận dahlau daih nan ye ong Lưu Nào thau hu hatai sahaneng di mik va. Dalam dom bruk jak ba, ong nao taom gaok ndom biai tapak song mik va, caik hatai tui pang bloh langyah brei ka mik va thau. Kayua yau nan ye dom adat cambat klak oh daok lagaih haong saman ini hu trun biak rilo duk song dahlau deih.

Dom bruk ngak hu makna di ong Lưu Nào ngan song bhap bini di khu phố Mỹ Nghiệp tuk halei jeng hu karja pak ni pok meyaom. Ong Phan Hữu Đức, Chủ tịch UBMT negar tỉnh Ninh Thuận brei thau: Meng dom rik dong di dom urang hu angan je, dalam nan hu ong  Lưu Nào hu dong ngak brei salih mbaok meta puk palei Ninh Phước, rik dong tame jak jeng di dom danak dak.Dom tanut  kinh tế, xã hội tuk halei jeng ngak hu saong ngak tapa tanut ba tabiak. 

Jiak 10 thun tapa, huyện Ninh Phước ieu pataom hu labaih 100 tỷ đồng, dalam nan bhap bini alin brei jiak 140 ribau  mét vuông taneh, labaih 1.000 harei ngak bruk; brei labaih  1.600 baoh gom truac hadah dom jalan di  xã, di palei. Pagap yau  dom  xã Phước Vinh, Phước Sơn, Phước Thuận, Phước Thái, Phước Hậu, Phước Hữu... Meng bruk dong pren di bhap bini song abih di nyu nan lac patagok bruk ngak di urang hu angan je bo bruk patrun kan kathaot yaok thun  di  Ninh Phước biak glong. Tui nan, boh sang kan kthaot tui tanut bahraui trun dok ala  5% song jien mek tame kuhria akaok menuac hu jiak  36 triệu đồng sa thun./.

 

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân