Urang peih radeih hagait, dalam nan hu radeih juak bo hu nồng độ cồn dalam rup pabhap lac njauk xử phạt.. Bruk ni di Hukum pacang caga kanyah jhak di alak bia song Nghị định 100 hu ba tabiak ngak tui meng harei 1/1, hu menuac sia pachreih tui. Min, jeng hu rilo menuac ba tabiak panuac tangi sua lac: Tuk halei meda peih radeih hu, hadei di tuk menyum lak, mbia bloh dalam tukvak hadom meng abih nồng độ cồn piah oh njauk taong phạt meyah peih radeih. Kadha hukum negar song ra iduik harei , khol drei pang chuyên gia y tế brei thau cambaih laih ka bruk ni

Urang peih radeih hu pasang iek nồng độ cồn 

Tui quy định,  urang peih  ôtô hu nồng độ cồn labaih 80 mg/100 ml drah  atau labaih 0,4 mg/lít khí thở njauk phạt takik di abih  40 triệu đồng, mek harak adat peih radeih  24 bilan. Cồn lac janih ngak brei glaow akaok takik thau hagait. Meyah peih radeih, cồn mbuan ngak ka urang peih radeih ba tal bala.

Tuk menyum tame rup, meng 5% tal  10% alak, bia jeng hu tathuak tabiak tapa jalan suak yava, ia meeik song ia hauk. Daok veik hadom nyu nao tal  gan piah “xử lý”, nan ye tukvak tathuak tabiak nyu tui  alak, mbia menyum tame rup takik atau rilo.

Tui  Thạc sĩ, bác sĩ Nguyễn Trung Nguyên, iek gah pasak  pacang jru mek, sang iek ruak  Bạch Mai, tukvak meng menyum lak tal tuk dut iek lac hu nồng độ cồn atau oh daok kayua rilo janih. Camereip abih lac lak menyum tame takik atau rilo, lak trak atau hanjul. Menyum tuk liba ye alak njom tame samar. Menyum tuk trei ye alak njom tame suai, tukvak tathuak dak  suai. Menyum dalam tukvak suai lavik, ye  nồng độ cồn kandong veik dalam rup dak suai jang. Hu menuac menyum alak mbia rilo meng melam harei dahlau, tal mesup harei hadei,  nồng độ cồn nyu dok dalam darah. Oh urang halei yau urang halei nan ye kol drei jhui menyum rilo alak mbia saong jhui menyum rilo mbang ….

Jeng tui bác sĩ Nguyễn Trung Nguyên, gah  chức năng dut iek  nồng độ cồn di urang peih radeih  meng  2 jalan, test samar song dut iek darah . Meyah hu takik nồng độ cồn dalam suak yava ye brei dut iek darah, nan ye dom urang mbang menyum pandap hu  ethanol ba tal suak yava  hu nồng độ cồn lac oh plaih hu.

Tapa dom sang iek ruak brei mboh, yaom lac hukum pacang caga kanyah jhak di alak mbia hu ba tabiak pandar min daok hu menuac ala 18 thun menyum alak mbia di quán nhậu tal tanut ba nao cấp cứu. Dok gah CSGT brei thau, dom urang hu nồng độ cồn tuk mehit yaom  phạt jang yau tuk vak khik harak adat peih radeih di hukum bahrau jeng phản ứng biak khang, hadei di nan, oh pambuak bruk haong gah chức năng bo klaak nao. Dom bruk ni njauk langyah catang./.

Urang lang: Hanipha 21/1 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân