Mai dok dalam baoh sang bahrau gheih mekre bahrau hu Mặt trận negar huyện Ea Kar alin brei, sang sa-ai  H’Nguyệt Niê (dok di palei Ea Ga, xã Ea K’mút, huyện Ea Kar, tỉnh Đắk Lắk) oh pandauk hu bui sambai. Kayua meng ni sang saai oh dok njauk hajan yau dahlau deih. Saai H’Nguyệt brei thau, meng dahlau mai, daok dalam boh sang kayau taik tahak min oh hu jien padang ngak veik. Hu Mặt trận negar  huyện Ea Kar dong, padang brei boh sang “Prong jum pataom”, sang saai hu labik dok tani tanat piah yam tagok patruh kathaot.

 

Dahlau deih sang dahlak biak kan kandah song kathaot rambah, sang taik tahah, taneh riya tok hu 3 sào, ame hoang pasang nao ngak mbang pah, adei taluac jeng dok nao ngak  mbang pah di Bei Gon. Hu padang brei baoh sang, kol dahlak biak uan tabuan, meng ini kham merat ngak mbang piah tabiak truh kathaot. Dar phol karja hu dong ka sang dahlak.

Gam song bruk padang alin brei sang jum pataom,  Mặt trận negar  huyện Ea Kar, tỉnh Đắk Lắk dok brei limo binai pajaih, dong ka dom boh sang kathaot samar tani tanat rai duik. Lac sa dalam 13 boh sang kan kathaot di palei  Ea Ga, xã Ea K’mút hu brei limo pajaih , saai  H’Neo Niê  brei thau: hadei di tuk tabiak dok karei,taneh pala drak takik, nan ye sang biak kan kandah. Hu Mặt trận negar  huyện Ea Kar brei limo pajaah, sang hu pasiam veik hamu, puh , pala hareik piah brei ka limo mbang, urak ni limo jaik tal harei menek. 

 

Dahlau deih sang kol dahlak kan kathaot lô, hu karja sangka dong brei limo rong, khol dahlakn kham merat cakak hareik rong limo, piah limo menek patagok  kinh tế  boh sang, rong anek mbang bac”.

 

Palei Ea Ga, xã Ea K’mút, huyện Ea Kar hu  213 boh sang, rilo meng lac bhap bini bangsa takik. Tui panuac khan di muk  H’Lai Byă - Bí thư Chi bộ palei Ea Ga, kayua kurang taneh pala drak, dom sang dalam palei ndik tapui rilo anek, nan ye rai duik dok rilo kan kandah. Dom thun tapa, gam song dom sarak di Đảng song karja,  Ủy ban Mặt trận  dom pakat hu dong ka mik va padang  ngak sang “prong jum pataom”, “sang167”, dong limo menek. Tapa nan, rik dong biak rilo tame bruk patruh eik, patrun kathaot di puk palei.

 

Dahlau deih dalam palei biak kan kandah gah ngak mbang, kinh tế, taneh riya, sang dok jeng biak kurang. Sang kan kathaot hu biak rilo, meblah labaih  60% sang kathaot dalam palei. Meng hu karja sangka brei 13 drei limo ka  13 boh sang kathaot,  yaok thun ngak brei sang jum pataom nan ye kinh tế dalam palei hu patagok . Dom kamuan dalam palei urak ni nao bac njauk umo, oh dok bruk klah bac yau dahlau deih”. 

Oh lac dong ka mik va sang kan kathaot di palei Ea Ga bo dalam 15 thun tapa, Mặt trận negar  huyện Ea Kar hu jak ba bhap bini , dom urang ngak pahla rik daong 23 tỷ 400 triệu đồng tame kadung jien ka urang kan kathaot. Meng kadung jien ini, Mặt trận negar  huyện Ea Kar padang ngak hu labaih  320 boh sang prong jum  pataom brei ka dom  sang hu rai duik biak kan kandah, dong labaih 1 tỷ 800 triệu đồng padang sang  167. Langiu di nan, yaok thun Mặt trận negar  huyện Ea Kar dok hu dong ka yaok ribau anek saih kan kathaot bac da-a naih joi, dong ka dom sang gaok bala meng langik tasik

Ong Lê Văn Hồng-Chủ tịch Ủy ban Mặt trận negar  huyện Ea Kar brei thau, meng dom bruk dong  di  Mặt trận negar  huyện Ea Kar ka sang dok song pandap pala drak, raong glang, hu rik dong ka dom boh sang kan kathaot, sang jiak si kan kathaot, abih di nyu lac sang bhap bini bangsa takik samar tani tanat rai duik song daok yam tagok patruh kathaot khang kajap. Tapa bruk ngak ni, hu dong ka  huyện peih ngak danak dak pakat negar  ka bruk patrun kan kathaot khang kajap.  

 

Tui bruk ba gauk gauk tame daong ka urang kathaot, pamong tal urang kan, meng akaok thun Ủy ban Mặt trận negar  huyện hu tabiak bruk ieu pataom padang kadung jien ka urang kan kathaot. Peih ngak dom bruk pamong urang kan yau: dong tuk  Tết Nguyên đán Mậu Tuất, dong pasiam dom khut khat kayua bala meng langik tasik, daong patagok bruk  pala drak, raong glang, yau  limo binai piah mik va hu jalan patagok  kinh tế boh sang song abih di nyu lac dong padang ngak sang  jum pataom piah dong ka dom sang kathaot  dalam huyện hu sang dok  siam mekre  song tani tanat rai duik.

 

Tapa  Mặt trận negar  huyện Ea Kar, Harei ka urang kan kathaot taduan hu bruk rik daong, pachreih tui di bhap bini. Meng bruk dong di  Mặt trận negar  huyện Ea Kar hu dong ka dom sang kathaot dalam huyện oh daok veik di gah lakuk./. 

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân