Piah pakhangbruk khik iek saong cak rok patagok glai, Rajaei birau tabiak Nghị định 156/2018/NĐ-CP brei thau cambiac laic bruk peih ngak dom paka di Hukum ngak glai. Dalam nan, Nghị định tacei tabiak cambaic dom sarak buh jien tame piah khik iek saong patagok glai di Karja.

 

 Glai hu makna biak praong ngan saong raidiuk di anek manuac jeng yau alam moi truong. Glai lac daning pacang hangin ribuk, caga glut jaleih taneh, patrun pren khang di ia sua, rik daong patrun khat lahik kayua bala meng langik tasik. Anak bruk oh siam lagaih di langik tasik yau urak ini, glai dak hu yaom glaong ka dom bruk bahrau ndom angaok nan. Yau nan min, bruk bruk jah tak glai suan hukum, abih di nyu lac jak tak glai tamuh eng piah pala glai, mek kayau daok rah tabiak di rilo labik.

 Meng harei 1/1/2019, Nghị định 156/2018/NĐ-CP ka dom sarak buh jien tame khik caga saong patagok glai hu ba tame pandar.

Tui nan, bruk dulich sinh thái, padeih padei, ravang me-in dalam glai đặc dụng, glai pacang caga, Nghị định hu tacei tabiak cambaih dom kadha praong di danak dak; bruk ngak dahlau atau hadei, adat padang ngak, taong yaom, pasang iek, brei adat saong peih ngak danak dak dulich sinh thái, padeih padei, rivang main di po glai; po glai eng drei hu peih ngak, pambuak gauk ngak, atau brei pambah glai njauk tui danak dak dulich sinh thái, rivang main, paceih padei hu pasang iek saong brei adat ngak.

Po glai hu brei pah glai piah ngak du lịch sinh thái, padeih padei, rivang main tui yaom thảo thuận min oh takik jang 1% yaom jien mek tame dalam thun di gah apah glai tui taneh glai brei apah; tukvak apah lac 30 thun, abih 5 thun brei taong yaom iek veik harak pambuak bruk.

Nghị định jeng hu tacei lac, bruk ngak glai, ngak nong, raong kaya kan dalam ia di glai pacang caga, glai sản xuất hu quy định tỷ lệ taneh oh ka hu glai piah ngak nong, raong kaya dalam ia lagaih saong yaok janih glai.

 Lingiu di nan, Nghị định jeng hu tacei cambaih, Karja hu sarak daong bruk buh jien piah patagok glai di dom labik taneh bilau, mbuan ceik kalu; pala glai mek kayau praong saong salih glai kayau sit tapa glai kayau praong; cak rok patgok kaya glai langiu di kayau; pasiam veik glai tamuh eng; cak rok patagok pajaih phun glai cong nghe glaong saong dom bruk buh jien tame karei hu mbang tui bruk daong di Hukum Đầu tư, Hukum Đầu tư công./. 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân