Gah dong duah hu raok taneh piah duah dom urang dok gar veik 

Mong 6 biar harei kabroi 22/11, kapul daong duah urang gaok bala hu duah mboh atau urang metai dalam bala di Rào Trăng 3. Ini lac atau akaok meti duah mboh ala kraong ia Rào Trăng saong lac urang ka 6 hu duah mboh, hadei bala glut jaleih taneh khang di thủy điện Rào Trăng 3 ngak brei 17 urang metai saong lahik di harei 12 bilan 10. Dom kapul daong duah urang gaok bala daok jhul samar bruk duah dom urang daok lahik di ala kraong ia Rào Trăng dahlau di tuk hu mbang hajan ia sua birau tuh mai.

Tổng cục Du lịch pambuak bruk song Sở Du lịch tỉnh Kiên Giang, Kapul buh jien tabiak ngak patagok du lịch Phú Quốc bahrau peih danak dak  dui pachreih du lịch Phú Quốc. Ni lac bruk dok dalam danak daka  dui pachreih  du lịch dalam negar hu angan   “Du lịch Việt Nam siam mekre, dui pachreih”. 150 tuai daa lac dom doanh nghiệp prong dalam gah kapan haoh, du lịch, khách sạn song dom urang ilamu… hu mbaok tame danak dak tui jalan daong ka Phú Quốc patagok du lịch dalam tuk vak urak ni. Tamat danak dak lac melam gala  hu angan “Suraga palao  intan ”.

Ong Nguyễn Thanh Bình, Akok Hiệp hội njam patam baoh kayau Việt Nam (Vinafruit) brei thau, thun ini njam patam baoh kayau that pablei tabiak negar langiu trun khang kayua jit Covid-19 min pandap ngak blaoh gilac tagok khang. Công nghiệp chế biến hu ngak tabiak rilo janih pandap birau, yamen bingi saong hacih sa-at ka urang blei mbang, abih di nyu lac tukvak pandar hu suai lavik nan ye oh gaok kan kandah hadom tuk chuỗi logistics nyu jaoh, klaoh. Kayua yau nan ye, bruk pablei njam patam baoh kayau tabiak negar langiu di thun 2020 tagok tal 17% dut saong thun 2019. Dom pandap chế biến pablei tabiak negar langiu ba jien tame glaong nan lac: kruac sro, pa-ok, amriak, manaih…tal dom darak pasar yau Trung Quốc, Mỹ, Hàn Quốc, Nhật Bản, Hà Lan...

Urang cuak ariya Nguyễn Xuân Sanh – sa urang cuak ariya hu angan je, sa  urang lang ariya meng sap negar lingiu naih gheih, lac urang puac abih di bruk ariya bahrau (1930-1945) palang lahik di harei 22/11 di  Hà Nội, umo 100 thun. Langui di tác phẩm văn xuôi “Anh hùng Trần Đại Nghĩa” taduan hu giải thưởng ngoại hạng Kapul urang vak Việt Nam thun 1951,urang cuak ariya  Nguyễn Xuân Sanh dok lac urang hu rilo tập thơ. Abih di nyu lac, 2 kadha ariya di ong  lac “Nhớ dừa” song “Cô giáo lớp em” di ong hu ba tame danak dak  môn sap  Việt phổ thông, kak kajap song rilo rai anek saih  labaih  60 thun dahalau

Sở Jalan mbak pajeng ba Ban raya HCM birau brei thau bruk parabha veik rilo jalan nao mai di quận Gò Vấp piah duh ka bruk padang ngak tatua Hang Ngoài. Tui nan, meng mong 9 page harei 25/11, pakauk radaih pajeng pandap saong radaih pajeng tuai, oh kuhria radaih buyt peih angaok jalan Nguyễn Văn Nghi saong jalan Lê Quang Định ( labik meng jalan Nguyễn Thái Sơn tal jalan Phạm Văn Đồng) tui gah jalan meng Nguyễn Thái Sơn tal Phạm Văn Đồng meng 9 tuk tal 16 tuk. Dalam tukvak nan, taong abih radaih brei peih tui tacei ba jalan di gah cảnh sát jaln mbak,biển tacei jalan nao piah nao njauk tui jalan.

Nyaom biai pakat glong G20 tui jalan online, dom urang pal akaok  G20 ndom lac jit  COVID-19 ngak ka dom kham merat langyah bruk eik lipa kathaot rambah,likei kamei oh samu gauk, pacang caga biến đổi khí hậu, langyah bruk nerak môi trường, patagok khang kajap dak harei dak jeng bruk brei ngak chip.Dom negar hu mbaok tame  Hiệp định Pa-ri ka biến đổi khí hậu hu panuac sinya peih ngak ginup Hiệp định, dalam nan dom negar patagok ieu pataom 100 tỷ USD yaok thun piah dong ka dom negar dok patagok peih ngak  Hiệp định.Kuhria meng di thun 2010 mai ini, Việt Nam hu 5 mbang hu daa tame nyaom biai  pakat glong G20, sa labik ginum biai rilo gah prong  dalam bruk khik ramik kinh tế dunya.

Urang langyah tacei ba pakat glaong di ong Joe Biden lac ong Ron Klain khan lac, urang lambaok đảng Dân chủ meda brei thau dom palih ruah akaok meti tame rajaei di ong di harei 24/11. Ndem tal bruk tuyên thể tagok rai, ong Ron Klain jeng hu dom panuac meyai taong yaom, dalam nan taduan lac jit ruak Covid-19 meda ngak kan kandah tal bruk peih ngak lễ anak tal dut saong dom bruk praong  dreih yau nan hu peih ngak dahlau diah.

Harei 23/11,blah China Daily brei thau Trung Quốc doak kuhria pabak dom jalan ngak bahrau piah pachreih bhap bini ndik tapui anek song langyah bruk urang taha tagok samar yau sa binah dalam bruk ngak dalam 5 thun tal (2021-2025) di negar ni. Thun 1978,Trung Quốc hu tabiak sarak "sa anek" tui makna bruk bhap bini tagok samar nyu pacang cakak bruk kham merat patrun eik lipa kan kathaot song patagok kinh tế,abih di nyu nan lac di bhum palei pala.Min tal thun 2016, negar rilo menuac abih di dunya ni hu pacadu sarak nan, brei adat ka dom haduik pasang,hu 2 anek piah langyah bruk urang taha tagok samar song urang ngak daok patrun patakik./.

Urang lang: Ái Nghiêm- Hanipha- 23/11

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân