Bhap bini di gah merong dang tagok mesruh pacang khol kha mang 

Pahadar 80 thun harei Nam kỳ khởi nghĩa (23-11-1940 - 23-11-2020), Mban Tuyên giáo Trung ương - Học viện Chính trị Negar Hồ Chí Minh - Thành ủy Ban raya HCM birau peih ginum biai ka bruk sajarah dakrai nan. Bruk dang tagok mesreuh metak di gah Meraong negar ngan saong rilo kadha bac megru meng darah sre nan lac sa dalam dom kadha daoh hu makna praong glaong abih dalam sajarah dakrai mesruh metak di bhap bini Nam bộ jeng yau bhap bini dalam taneh ia. Yaom lac oh nao tal jak jeng min bruk dang tagok mesruh metak di gah Meraong negar lac jayah meng jalan sahaneng hadah karah, hatai khang kajap, oh kaduan lakuh, oh huac metai lahik di bhap bini, dom urang lin cộng sản, brei mboh hatung hatian anit ranam taneh ia, brei mboh bruk broh tagok mesruh metak di bhap bini drei.

Melam 22/11 (tui tuk vak  Hà Nội), Thủ tướng Nguyễn Xuân Phúc daok hu mbaok di mbang ginum biai pakat glong G20 tui panuac daa di Patao Saudi Arabia Abdulaziz Al Saud,tui jalan online.Thủ tướng Nguyễn Xuân Phúc hu panuac ieu G20 gam song pambuak bruk di  Liên hợp quốc song dom kapul nyaom yau Gilang pariak dunya, gah palei salih dunya, kadung jien dunya…brei kham merat padang dom jalan patagok bahrau, yau salih gah kinh tế số, kinh tế tuần hoàn...

Page ini 23/11, di Hà Nội, Mentri Ngak nong saong patagok palei pala pataom iek veik 2 thun peih ngak Sarak 52 di Rajaei ka bruk cak rok patagok di bruk ngak palei pala. Mbiah tal urak ini, dalam negar drei hu 817 ribau kapol nyaom ngak bruk gah palei pala ngan saong doanh nghiệp sit saong mbiah, HTX, tổ hợp tác saong baoh sang, tagok 119 ribau labik dut saong thun 2017 lac tukvak dahlau di Sarak 52 di Rajaei ba tame ngak tui. Urang ngak mbang pablei salih di gah palei pala nan lac 2 trieu 300 ribau urang. Jien mek tame meng dom bruk  pablei salaih di palei pala  urak ini hu 236 ribau 200 tỷ đồng, tagok 40 ribau tỷ đồng dut saong thun 2017. Gah ngak nong palei pala, palei ngak lac bruk siam lagaih karei dalam bruk ngak kinh tế, ilamu Viet Nam. Bruk cak rok patagok gah bruk ngak pablei salih palei pala, khik ramik saong cak rok patagok palei ngak rik tame piah bruk patagok di gah kinh tế dịch vụ saong hu makna praong dalam ngan saong bruk salih cơ cấu kinh tế, patagok kinh tế -xã hội palei pala tui jalan pamaong tal công nghiệp hóa, hiện đại hóa saong khik ramik, patagok ilamu di bangsa.

Mban tacei jalan pakat negar pacang caga jit Covid-19 brei thau, dalam harei   22-11,dalam negar hu sa urang njom bahrau  jit  Covid-19 ( urang ka 1.307) lac urang likei  (umo 29 thun, dok di ban sit  Quy Nhơn, Bình Định) meng  Philippines mai di mblang kapan haoh Cần Thơ angaok sruh kapal haoh VJ2527,  hu brei dok karei chip di tỉnh Tiền Giang. 

Biar harei 22/11, di Sang pakacah Padhih Thể thao tỉnh Đắk Lắk, Ban. Buôn Ma Thuột, Giải caoh mbanh Futsal HDBank cúp pakat negar thun 2020 hu peih tabiak. Ini lac thun ka 4, giải hu Liên Liên đoàn Caoh mbang Việt Nam ( iew lac VFF) saong Rayo sap ndem VN pambuak gauk peih ngak saong jeng lac mbang akaok meti hu peih ngak di sa tỉnh bhum Tây Nguyên. Vòng chung kết Giải Futsal HDBank cúp pakat negar thun 2020 pataom hu 8 kapol caoh mbanh  khang abih dalam negar drei lac: Thái Sơn Nam, Thái Sơn Bắc, Sahako, Sannatech Khánh Hòa, Kadichain Sài Gòn FC, kapol Hưng Gia Khang di Đắk Lắk saong dua kapol yam tapa vòng loại lac Cao Bằng saong Quảng Nam.Pakacah caoh mbanh peih tabiak meng harei  22 – 26/11/2020./.

Harei kabroi (22/11), urang jakar y tế Thái Lan brei thau hu 11 njom Covid-19 bahrau, dalam nan hu sa njom dalam bhap bini, dom urang dok veik jeng mai meng negar langui. Urang jakar Thái Lan hu khik iek catang di dom jalan tapen negar haong Mi-an-ma di 10 tỉnh tapen negar di Thái Lan.Dom urang dang akaok tỉnh song akaok quận hu brei bruk pasang iek catang, langui di nan, dom bruk pasang iek tapen jalan negar jeng hu patagok piah pacang cakak urang tame suan hukum meng  Mi-an-na, labik hu urang njom bahrau Covid-19 dok tagok rilo.Dalam adit tapa, Pasak langyah jit  Covid-19 (CCSA) di rajaei Thái Lan jeng brei dui tuk vak samar drah lavik jang 45 harei, tapa harei padeih Tết Dương lịch, tal harei  15/1/2021.

Urang dang akaok danak dak klaul jru vắc-xin COVID-19  di Mỹ,  Moncef Slaoui harei kabroi (22/11) brei thau, rilo bhap bini Mỹ mbang camereip hu klauk jru vaccine caga ruak Covid-19 hadei di harei 11/12. Tui kuhria mboh dahlau, Mỹ meda mbaoh tangin tame harak brei adat pandar vaccin caga ruak Covid-19 di harei 11/12, hadei di tuk mbaoh tangin blaoh,  dalam 24 tuk, vaccin pacang Covid-19 meda hu ba tal dom labik klauk jru caga ruak. Harei 18/11 meng blaoh, hãng jru Phai-dơ brei thau bruk dut iek puac abih di janih vaccine caga COVID-19 kayua hãng pambuak saong Bai-ô-en-tếch ngak tabiak mboh siam lagaih tal 95% saong oh mboh ruak halei karei.

Yam ndoc di Amazon daok di Prang, Frederic Duval,njauk hatai brei ka dom danak dak pachreih blei pandar Black Friday di dom siêu thị song gah palei salih điện tử yau Amazon di Prang hu kandun veik sa adit  song hu peih pambah mbang veik di harei 4-12.Bruk ini ngak tui panuac ieu di Rajaei Prang  dok peih bruk pacang cakak dalam negar mbang ka 2, tui kuhria dui atah tal abih harei 1-12 anak tal. Mbiah tal tuk vak ni,Prang lac negar camereip abih palih jalan ngak khang tangin jang piah pasang iek bhap bini dalam tuk pablei salih prong abih dalam thun.Oh lac taeng negar Prang,dalam tuk urang njom  Covid-19 oh padeih patagok di grauk labik di châu Âu,rajaei rilo negar hu batabiak bruk paatah di gauk  meng bilan 11-2020 tal akaok bilan 12-2020 song cong khin lac meda peih pambah mbang kinh tế veik  dahlau di tuk yam tame rija puac thun./.

Urang lang: Ái Nghiêm- Hanipha- 23/11

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân