Bahrau ni, pasak pacang caga jru mek sang iek ruak Bạch Mai hu iek ka sa urang ruak njauk jru mek hadei di tuk menyum 10 asar jru chloroquin piah pacang caga ruak COVID-19 tui panuac khan angaok mạng internet. Kadha : “ Urang iek ruak” adit ni, daa mik va song tong abih gauk pang kadha vak ndom ka bruk mbuan ngak brei metai menuac urang kayua menyum chloroquin oh tui njauk tacei pato di bác sĩ:

Urang khin tangi sua tapa jalan talei pandiak 

Tui TS.BS Nguyễn Trung Nguyên – Akaok pasak pacang jru mek,  chloroquine lac jru  kê đơn, hu pandar ka dom urang ruak pandiak dom, lupus ban đỏ, viêm khớp dạng thấp… Ni lac jru hu độc tính glong, meng bruk  iek ruak biak jiak  song liều jru mek. Meyah pandar oh hu pasang iek , oh hu  chuyên môn, dalam nan hu gam  bác sĩ oh  chuyên khoa jeng biak mbuan ba tal njauk jru mek.

Njauk jru mek  chloroquin biak nguy hiểm, ngak brei bang meta, sup meta, heng tanye, tangaoh, handaoh, var drei , loạn nhịp tim, trun drah  song mbuan si metai samar . Tuk njauk jru mek, sa cơ sở y tế meyah oh khik siam  bruk hồi sức cấp cứu jeng kan dong duik veik hu ka urang ruak . BS. Nguyên jeng brei thau  tui hukum di mintri  Y tế, sa jru brei tui  đơn hu makna lac tuk bác sĩ iek ruak, brei đơn jru nan  ye urang ruak jeng hu tal hiệu thuốc yar đơn piah blei jru , saong brei hu đơn di  bác sĩ ye hiệu thuốc pablei tui  harak nan.  Ngan song jru kê tui  đơn ye bhap bini oh blei eng atau hiệu thuốc oh pablei eng  meyah oh hu đơn.

Dom  bác sĩ hu panuac kakei lac,  bruk urang tui hatai pandar dom janih jru njuak  kê tui  đơn ba tal oh njauk ruak , oh njauk jru, oh njauk jalan ruak cambaih laih di yaok urang ruak.  Sa bruk mboh cambaih di abih meng bruk eng drei pandar jru  kháng sinh lac vi khuẩn, virus, ký sinh trùng oh metai  bo dok thau jru nan pacang veik jru nan, ruak oh abih, thei jeng yau nan, ye dom anek ruak ni pacang abih song jru kháng sinh song tuk tal  sang iek ruak  ye  bác sĩ abih jru piah iek . Dom jru  kháng sinh bahrau hu duah tabiak urak ni biak takik song suai lavik, dalam tuk  vi trùng dak harei dak rilo, samar song kan kandah , pacang veik  kháng sinh.

BS. Nguyên hu panuac kakei bhap bini  jhui eng drei blei , jhui eng drei pandar janih jru ni song oh menyum piah pacang caga  COVID-19. Dom jabat khik ramik patagok bruk pasang iek song langyah catang dom labik pablei dom janih jru  dalam sarak kê tui  đơn bo hu đơn di bác sĩ. Dalam tuk yau urak ni, bruk siam lac bhap bini tui pang dom panuac  tacei pato di jabat y tế saong gah khik ramik di taneh ia piah hu tacei pato song dong ba njauk.

Bruk halei, jalan ngak halei hu siam lagaih tal halei song pandar yau habar lac bruk ngak song   chuyên môn di gah y. Dom chuyên gia y tế dalam negar tuk halei jeng tui iek song brei thau dom  phác đồ song bruk roh duah bahrau abih  di dunya ka bruk  ngak ni . Bhap bini sahanang hatai lac  Mintri  Y tế song abih gah y bhian pabak  bruk ngak  song khik caga  phác đồ chẩn đoán song iek ruak  COVID-19 hu siam di abih./.

Urang lang: Hanipha -2/4

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân