Anak bruk jit ruak Covid-19 ngak kan kandah trak tal gah Du lịch, dom doanh nghiệp, ngak mbang gah du lịch jeng caga pachreih tui, hu mbaok tame danak saong ba dom pandap tabiak dui pachreih tui damuai. Yaom tour biar saong pilih ruah dom labik nao tal siam mekre, selamat lac 2 dalam rilo jalan ngak bo gah du lịch daok ngak piah pachreih patagok du lịch. Kadha vak hadei ini di Minh Anh – urang vak di rayo sap ndom VN brei thau dom kham merat di gah du lịch jeng yau dom doanh nghiệp lữ hành piah khik bruk ngak dalam bilan jit ruak saong samar pasiam veik hadei di tuk jit nao tapa..

Urang mai meng negar langiu hu pasang biak catang 

Tui ong Phùng Quang Thắng- Phó Chủ tịch thường trực Hiệp hội Lữ hành Việt Nam, Yam ndok Cty Lữ hành Hanoitourist, oh ka thau cambaih tuk halei jit nao tapa nan ye meng di tuk ini, dom doanh nghiệp du lịch njauk duah tabiak jalan ngak piah trun takik di abih dom kan kandah di jit Covid_19 ka doanh nghiệp saong urang ngak. Ong Thắng brei thau: "Urak ini, Việt Nam daok pacang jit Covid-19 biak siam saong ini lac jalan peih tabiak ka kol drei brei ka dunya thau Việt Nam lac labik siam mekre salamat piah nao tal. Kol dahlak maong tame hatai sahneng di tuai dalam tukvak ini piah peih dom bruk du lịch ka nyu lagaih. Bruk camereip lac langyah suh sah di tuai lac nao ravang me-in dalam taneh ia hu siam mekre salamat halei oh. Kayua yau nan ye, kol dahlak brei padang dom pandap du lịch an toàn, tuk nao haong dom doanh nghiệp hu mbaok tame danak dak ini lac kol drei hu du lịch an toàn". 

Pak tỉnh camereip abih tame danak dak pachreih du lịch Việt Nam lac dom tỉnh Phú Yên, Bình Định, Gia Lai saong Đắk Lắk.

Tui urang pan akaok Sở VHTT&DL di 4 tỉnh ini, tame kapul pambuak bruk dui pachreih hu dom doanh nghiệp du lịch praong, dom labik ngak mbang gah padeih padei, dom labik du lịch, hãng radaih, nhà hàng..., taong abih jeng hu panuac sanya trun yaom meng20%-30% , rilo labik oh mek jien harak tame pabah mbang.

Ndom ka bruk salamat tui nao ravang me-in dalam tukvak ini, amuk Nguyễn Thị Xuân Lan- Phó Chủ tịch HHDL Bình Định brei thau: "Dahlak sahneng lac dom doanh nghiệp du lịch saong tuai damuai meda sahanang hatai ka bruk jit ruak di Việt Nam, taong abih janih daok hu pasang iek siam saong 4 tỉnh ini oh ka hu jit. Dom Cty pabak dịch vụ jeng thau ka bruk ini saong ngak tui tanut du lịch an toàn di HHDLVN. Dom urang ngak gah du lịch, dom menuac peih radaih…jeng hu pato pasram ilamu pacang caga jit ruak, caga ginup khẩu trang, ia rao tangin pametai anek ruak...".

Meng danak dak dui pachreih du lịch di 4 tỉnh Phú Yên, Bình Định, Gia Lai saong Đắk Lắk, tui hu nao kapal haoh Vietnamairlines, daok khách sạn 4 patuk, abih tih jien mbang, ndih lac 4.490.000 đồng, lac yaom biak lap oh ka bhian mboh, trun 40-50% dut saong vaktu karei.

Lac 1 dalam dom doanh nghiệp lữ hành praong hu mbaok tame Kapul pambuak bruk dui pachreih, amuk Nguyễn Thị Huyền- Giám đốc Vietrantour brei thau, dom tour tal 4 tỉnh ini hu peih tabiak meng bilan 3. Urak ini, Vietrantour  hu padang dom tour nao meng Hà Nội tal dom tỉnh ini yau tour Buôn Ma Thuột - Pleiku, tour Quy Nhơn - Phú Yên, tour Buôn Ma Thuột - Phú Yên. Yaom tour hu dom đơn vị lữ hành njauk gauk ba tabiak lac 4.490.000 đồng, nan ye oh hu labik halei glaong biar jang gauk.

Hu yaom yau nan, nyu mai meng bruk rik prein di dom gah pabak dịch vụ, dom đơn vị lữ hành, piah jhul patagok darak pasar du lịch dalam taneh ia. Bruk hu mbaok di rilo janih meda ngak jeng prein khang ka gah du lịch. Tuk tuai damuai jia tame, mboh hu bruk siam mekre salamat dalam bruk ngak saong pajeng ba, hu taduan raok, hu kein meng yaom lap ye caong lac gah du lịch samar hu tagok veik. /.

Urang lang: Muosaphuong -26/2 

 

 

 

 

 

 

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân