Tukvak tapa, bruk khik kajap hacih sa-at pandap mbang menyum di dom labik pato pakai hu tacei pato, peih ngak tui quy định. Yau nan min, di dom labik pato pakai daok rah tabiak bruk anek saih njauk jru mek pandap mbang, njom ký sinh trùng, dom ruak mbak tapa jalan tung pruac, ngak jhak tal prein yawa, jaln sahaneng di anek saih, angan je di sang bac, ngak duh hatai amaik ame anek saih saong menuac sia. Birau ini, Mentri Pato megru hu harak payua tal Ủy ban bhap bini dom tỉnh, ban di T.Ư ka patagok tacei pato bruk khik kajap hacih sa-at pandap mbang di dom labik pato pakai.

 Cong van di Mentri Pato megru kayua Thứ trưởng Nguyễn Thị Nghĩa mbaoh tangin iew uy ban bhap bini dom tỉnh, ban di trung ương tacei pato labik pato megru brei pambuak bruk saong cơ sở y tế jeng yau dom jabat gah bruk nan di bhum palei tacei pato dom sang bac patagok dom jalan ngak khik kajap hacih sa-at pandap mbang di sang bac, ngan saong 6 kadha yau ala ini:

 Ngak njauk tui dom quy định di Hukum pandap mbang hacih sa-at, Chỉ thị 13 thun 2016 di Thủ tướng Rajaei brei patagok bruk khik iek di karja ka pandap mbang hacih saong dom harak văn bản daok pandar urak ini di Mentri Pato megru, Mentri Y tế ka bruk khik  hacih sa-at pandap mbang.

Jhul khang bruk pathau khan, pato pakai paglong jalan sahaneng, bruk ngak di urang jakar ngak bruk pato pakai, gru pato, urang ngak bruk di sang bac, anek saih saong amaik ame ka bruk khik brei hacih pandap mbang, pacang caga, jru mek kayua pandap mbang oh sa-at.

 Pasang iek catang asal pandap mbang saong bruk chế biến, khik piah, pajeng ba dalam dom labik cơ sở pato megru; brei ngak njauk quy trình jao saong taduan  mek, pasang iek tapa klau 3 tal, khik piah mẫu pandap mbang njauk tui quy định

  Patagok bruk ngak brei hacih sa-at  duk bilik bac, pacang dom ruak njom mbak;  pasang iek, pacang cakak jit ruak di sang bac, abih di di nyu nan lac tukvak salih bilan lac tuk mbuan tamuh jit ruak.

 Patagok talei pambuak bruk di sang bac, baoh sang, karja palei dalam bruk pato pakai, tacei pato dom uraniah, dom  anek saih ngak njauk dom quy định ka pandap mbang hacih sa-at, ramik hacih alam moi truong yau rao tangin meng jabon dahlau di tuk mbang saong hadei nao ruak tian, njol drei, peih dom bruk ramik alam moi truong di sang bac, brei mbang tathak, menyum tathak, brei salih dom bruk bhian randap, adat cambat mbuan ba tal jru mek kayua pandap mbang..; khik brei ginup dinh dưỡng lagiah saong umo thun, rup pabhap uranaih, anek saih saong tui bruk di sang di anek saih.

Patagok bruk pasang iek di gah pato megru, gah y tế, ieu pataom bruk hu mbaok di mBan lambaok amaik ame anek saih di sang bac tame bruk tui iek vệ sinh sang bac, pandap mbang hacih sa-at di dom labik pato pakai; duah thau, langyah sumu dom bruk suan gah an toàn thực phẩm, bruk khik brei hacih dalam sang bac piah khik kajap prein yawa ka uraniah, ka anek saih./.

HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân