Rilo danak dak hu ieu pablei ka urang dok di dom ban 

Urak ini bal Bà Rịa, tỉnh Bà Rịa - Vũng Tàu hu 13 labik daok bahrau hu padang ngak ngan haong jaik 3.370 lô taneh. Jaik abih dom labik daok bahrau saong sang daok bahrau hu ginup abih pandap panda pandar dalam sang biak laghaih ka bhap bani.

Ong Trần Thanh Sơn, daok di phường Phước Nguyên brei thau, atah di ini 3 thun, tuk karja peih ngak dự án Mblang bein 30/4, sang ong lac sa dalam dom baoh sang njauk pambak tal. Hadei di tuk njauk mek veik 150 m2 taneh daok, ong Sơn hu daong 1 lô taneh piah ngak labik daok bahrau di phường Long Toàn saong hu padang ngak blaoh blai, tani tanat rai diuk. Ong Sơn ndom lac, labik daok bahrau bo sang ong daok daok, hu hạ tầng biak siam, an ninh trật tự khik kajap:

"Mikva pak ini biak bui sambai, pakat ủy karja daong palagaih bruk ba-yar jien ka bhap bani. Sang daok pak ini, Mblang bein 30/4 njauk ndom lac siam di abih dut haong dom labik daok bahrau karei yau:jalan mbak nao mai … hu gam taneh riya brei ka mblang bein, hu labik công cộng ka mikva ma-in sa-mbai".

Dreih yau ong Sơn, sang sa-ai Nguyễn Thị Kim daok di phường Phước Nguyên njauk taduan mek veik 196 m2 taneh ngak nong piah ngak dự án Mblang bein 30/4. Langiu di jien daong, brei sa lô taneh di labik daok bahrau, karja palei daok daong sang sa-ai jien pah sang trọ dalam 6 bilan camereip njauk mek veik taneh, oh ka samu padang ngak sang bahrau:

"Mai di labik daok bahrau, jalan duan biak laneng lanoi, hacih sa-at jang labik daok dahlau diah nan lac taneh ngak nong, cơ sở hạ tầng biak mekre. Mai daok pak ini hu jien ba-yar veik, oh ka hu jien padang ngak sang ye hu karja daong jien pah sang trọ 6 bilan, yau nan jeng mboh bui hatai paje". 

Piah ka dom baoh sang samar drah mai daok di labik bahrau, hadei di tuk ngak blaoh bruk ba-yar jien  ka bhap bani, bal Bà Rịa ba tabiak jalan ba-yar jien saong padang ngak labik daok bahrau, hu jalan jao brei taneh daok ka dom baoh sang caong khin taneh daok. 

Tui ong Nguyễn Thành Duy, akaok pasak patagok quỹ taneh riya bal Bà Rịa, dom bruk ngak harak gar, jalan padang ngak labik daok bahrau jeng kayua pasak peih ngak, palaghaih ka mikva oh lahik tukvak nao mai rilo mbang:

"Bhap bani tok nao tame ini oh njauk nao tapa gah sa pabah mbang, khaol dahlak nộp hồ sơ tame gah sa pabah mbang ka bhap bani. Bhap bani tok nao tal Pasak quỹ taneh khai thuế ye hu sổ bhong. Khaol dahlak ngak samar drah, tok nao mai sa mbang di Pasak quỹ taneh saong hadei di nan mai mek sổ bhong pak ini"

Urang pal akaok bal Bà Rịa brei thau, bal caga ba tame pandar saong kuhria ramik veik labaih 360 lô taneh di dom labik daok bahrau lac Long Tâm, Gò Cát, Kim Dinh. Jalan ngak di bal dalam bruk ba tame daok di labik daok bahrau nan lac bhap bani hu rai diuk samu atau siam jang labik daok klak. Dom labik daok bahrau njauk daok pataom sa labik dalam bal, khik siam gah hạ tầng saong ba bruk ngak mbang ka bhap bani.

Ngan haong dom bruk dalam dự án min oh ginup điều kiện piah ba-yar jien taneh saong pandap panda angaok taneh, bal Bà Rịa ngak tui jalan ba di UBND tỉnh Bà Rịa – Vũng Tàu. 

Meda ndom tal, tukvak tapa, bal Bà Rịa hu dom sarak siam lagaih dalam bruk jao brei taneh ka dom baoh sang njauk karja mek veik taneh. Tapa nan, khik hu kein laba njauk adat hukum di urang hu taneh njauk mek veik, taduan hu bruk pachreih tui biak glaong di bhap bani, daong jhul bruk patagok samar drah di bal Bà Rịa jang yau tỉnh Bà Rịa – Vũng Tàu./.

Urang lang: Jasi -26/6 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân