Di ban raya HCM urak ni hu labaih 10.300 urang Cam, rilo meng lac tui agama Islam. Yaom lac dok pablak haong dom bangsa adei saai karei yau: Kinh, Khmer, Hoa…min urang Cam jeng dok khik hu ilamu di drei. Urang Cam ban raya tuk halei jeng khik ramik bruk pato sap ndom, haroh cih Cam ka anek kamuan di drei. Ni jeng lac jalan piah khik ramik ilamu di urang Cam, rik dong tame bein ilamu dom bangsa di ban raya HCM. Piah thau cambaih jang ka bruk khik ramik song patagok sap ndom panuac puac Cam dalam bhap bini urang Cam di ban raya HCM , daa mik va song tong abih gauk pang kadha vak hadei ni di urang vak di rayo sap ndom Viet Nam dok di ban raya HCM:

Anek saih bac horoh Cam -Q8. Ban raya HCM

 

  Yaom lac dok pak halei, bruk prong di urang Cam tui agama Islam lac brei hu sang megik, surao song madrasah. Sang megris saong surao lac piah sambahyang, dok madrasah lac piah pato saong bac akhar haroh, sap ndom Cam song bac Koran.

Di sang megik Jamiul Anwar, Phường 1, Quận 8, ban raya HCM, yaok adit  5 melam kayua padeih di melam suk saong melam adit, mehit sap bac chreih chrai meng tal bac sap Cam. Tal bac urak ni hu  50 anek saih, umo meng 9 tal  14 thun  song hu parabha jeng 2 mbang bac. Dom adei ba gauk bac song vak haroh  Cam. Pablak dalam tame dom panuac ndom meng sap Cam di danak dak bac lac kadha bac ngak menuac, bac piah ba drei tame song khik ramik ilamu di bangsa drei, agama drei. Adei Sity Fatimah, thun ni umo 14 thun, lac sa dalam 50 adei dok bac pak ni hu labaih  3 thun brei thau: “Mai tal sang bac ni, adei hu bac haroh, hukum …”

Tal bac ni hu meng 60 thun ni mai  (lac meng thun  1960) taphia bruk hu mbaok di sang megik Islam Jamiul Anwar. Urang hu ba abih pren yava ka tal bac urak ni lac ong Tuan Haji Mousa – Na if sang megris  Islam Jamiul Anwar. Ong brei thau, dom adei bac takik di abih 4 thun piah thau ka ilamu, gam sap Cam gam bac hukum piah thau sambahyang. Rilo urang prong tagok meng tal bac ni, urak ni lac urang pato sap  Cam di puk palei, dom urang thau haroh Cam njauk pato veik  ka urang oh ka thau –nan lac bruk ngak di bhap bini: “Tal bac lac piah pambuak pagam ilamu  Cam oh brei lihik nao tui tuk vak…”

Bruk ni langyah brei thau lac kayua habar  dalam dom sang megris Isalam  dalam bhum urang  Cam dok, jeng hu tal bac. Tal bac haroh Cam di sang megris Islam Jamiul Anwar, Phường 1, Quận 8,  tok lac sa dalam biak rilo  tal bac sap  Cam di ban raya HCM. Yaom lac tok bac sa maong meteh, min dom tal bac tuk halei jeng hu khik ramik. Dom adei sit ye bac menyai, pasram vak haroh, urang prong bac Koran. Thei jeng mboh nan lac  bruk di drei  piah khik ramik ilamu bangsa.

Jeng njauk bruk  brei daong  bhap bini  song hatai anit ranam  ilamu bangsa, yaom lac rai duik dok rilo kan kandah min piah khik ramik tal bac, dom urang pato akhar haroh Cam oh ndok jien ndo hagait. Dom thun jiak di ni, Mban bangsa ban raya  HCM hu dong  600 ribau đồng yaok bilan, mBan quản trị sang megris  hu daong hasit jien  brei ka urang pato.Tiến sĩ Phú Văn Hẳn, Phó Viện trưởng Viện Khoa học xã hội bhum Nam Bộ brei thau: “Đảng song karja hu biak rilo sarak khik ramik song patagok meng kan ilamu sap ndom di bangsa…”

Bruk khik ramik tal bac sap ndom panuac puac, akhar haroh di urang Cam lac jalan piah khik ramik ilamu ka bangsa ini, tapa nan, dong ngak brei hadah jang bein ilamu dom bangsa daok di ban raya  angan Wa jeng ye di taneh ia Việt Nam./.

Urang lang: HaniPha -27/1

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân