Di Đồng Nai, hadei di tuk jit tả pabui châu Phi nao tapa, abih tapol pabui di tỉnh ni trun labaih meteh, dom pabui dok veik rilo meng lac di dom trang trại rong prong, pabui di urang rong dalam sang oh dok. Abih pabui, raong veik ye huac jit ruak, klaak var ro saoh ye dok tangin saoh, rilo urang nong khang hatai duah patuah haong bruk raong menuk ada. Min jeng hu panuac cảnh báo ka bruk tagok tapol menuk ada.

Pabui dak harei dak njom ruak khang 

 

Jit tả pabui châu Phi tapa bloh, dom boh sang urang nong di  huyện Cẩm Mỹ, Đồng Nai oh dok pabui. Urang nong takik urang hlaei khin rong veik, kayua huac jit ruak, song kayua oh daok phun jien, meyyah rong veik pabui ye mbuan gaok khat lahik. Rong veik oh hu, klaak saoh var ro jeng oh hu, nan ye menuk ada hu palih ruah ba tame raong salih ka pabui.

Muk Hoàng Thị Thanh Linh daok di palei Suối Râm, xã Long Giao, huyện Cẩm Mỹ bahrau lihik tapol pabui 400 drei  kayua jit tả. Meng phun jien biak takik, muk Linh khang hatai salih tapa raong menuk ada. Bruk ramik veik val ro dalhau deih rong pabui oh kan kandah, oh abih rilo jien ndua, muk Linh ba tangin tame rong labaih   8.000 drei menuk meboh  song  1.000 drei ada.  Min, ni jeng lac mbang camereip muk Linh rong menuk ada nan ye oh plaih hu suh sah, duh hatai  :Drei oh ka rong menuk ada. Urak ni , bahrau rong jeng oh ka thau rilo. Duh hatai lo,  urak ni rong takik takik, rong iek  duah thau ilamu bloh ngak, Var ro urak ni klaak saoh, bo sre jien di gilang pariak rilo yau nan ye duah jalan pavil. Meyah oh ngak ye oh  thau ngak hagait  .

Dom urang nong khang hatai  salih tapa rong menuk ada  di  Đồng Nai yau muk Linh oh lac takik  kayua urang oh hu rilo jalan palih ruah. Urang ni ieu urang deih, jak gauk rong menuk daa, kayua dut song pabui, menuk da buh jien takik jang, tuk vak rong takik jang song bruk prong di abih lac oh huac jit  tả yau tuk vak tapa. Rilo urang rong ngak ka tapol menuk da di  Đồng Nai tagok khang, tui kuhria bahrau di abih hu labaih  24 triệu drei, tagok jang  3 triệu dut song tuk vak  jit  tả pabui oh ka rah tabiak.

Urak ni, menuk yaom meng  22.000 tal  25.000 đồng/kg ngan song menuk patih, 27.000 tal 28.000 đồng/kg menuk  tam hoàng song jiak  50.000 đồng/kg menuk ga ta, dok yaom da  lac labaih  30.000 đồng/kg. Yaom yau ini meda lac tani tanat di tuk ni, tuk rilaow pabui mbuan si kurang, min nyu trun khang duk haong akaok thun, gaok mai hu tuk menuk da di drak pasa biar jang yaom phun ngak ka urang rong khat rilo.

Tui ong Trần Văn Quang, Akaok Chi cục rong glang - thú y, Sở ngak nong song patagok palei pala tỉnh Đồng Nai, bruk tagok tapol menuk da piah pabak, salih ka riloaow pabui dok kurang lac biak njauk. Min, ong Quang jeng duh hatai ka bruk tagok khang dui tui rilo cuang kandah:  Ka sa lac jit ruakh. Raong rilo, labik rong oh siam gam song langik puac thun ye mbuan si hu jit ruak praong. Ka 2, meyah tong abih jak gauk rong menuk rong da meda ye ba tal “cung – cầu” oh samu gauk. Rilaow pabui kurang ye ye rilaow menuk pabak tame, min pabak hadom min, oh lac salih abih ka rilaow pabui  .

Daok bruk tagok tapol menuk daa, ong Nguyễn Văn Ngọc, Phó chủ tịch Hiệp hội rong glang menuk da buhm Đông Nam Bộ mboh lac, urak ni, rilo urang nong dok rong tui gauk, mboh urang ni rong ye urang deih rong tui, atau mboh hu yaom ye jak gauk rong bo oh kuhria tal dom bruk yau jit ruak, labik pablei .Meng nan, ba tal bruk “cung – cầu” bhian oh samu gauk, tuk kurang, tuk labaih.

Tui ong Ngọc, Jabat khik ramik karja  gah rong glang  brei hu dom jalan ngak cambaih laih ka drak pasa, dong ka urang rong hu labik mong tame piah tagok atau trun tapol ka nyu lagaih, dok urak ni urang rong  rilo meng eng drei caluai. Phó chủ tịch Hiệp hội rong menuk da  Đông Nam Bộ Nguyễn Văn Ngọc hu panuac lac: Njauk di nyu  Mintri ngak nong yaok thun brei hu sa jalan ngak, rong hadom meng ginup pabak. Meng dahlau mai drei oh hu jabat halei ba tabiak jalan ngak. Urang rong,  doanh nghiệp eng drei kuhri kuhria, khin rong hadom ye rong, pablei hu takik ye urang raong takik veik. Yau nan ye brei khik caga, oh lac brei  jien, bo brei khik caga gah jalan ngak

Dalam tuk jit  tả pabui  châu Phi oh ka abih ye bruk tagok tapol menuk ada rilo mbuan ba tal khat lahik. Bruk ni brei mboh gah rong glang jeng dok gaok rilo cuang kandah, meyah oh samar hu dom jalan ngak isam lagaih. Song urang njauk khat lahik rilo di abih, oh thei karei jang urang ngak nong ./.

Urang lang: Hanipha -27/11

 

 

 

 

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân