Kapul dam dara bhian peih bruk meyaih khan 

Harei ini 27/11/2020, di Sang bac Trung học Phổ thông chuyên Phan Chu Trinh, ban Phan Thiết, tỉnh Bình Thuận, Cục Pathau khan cơ sở -Mentri Thông tin saong Truyền thông pambuak saong Sở Pathau khan saong Truyền thông, Sở Pato megru tỉnh Bình Thuận peih parang iek “Hoàng Sa, Trường Sa di Việt Nam – Dom kadha meng sajarah saong adat hukum”. Parang iek hu yaih khan tal urang mai maong dom harak gar hu yaom gah hukum yau ye: thư tịch, dom harak gar, bản đồ klak di Việt Nam; bản đồ dom taneh ia phương Tây; bản đồ Trung Quốc; bruk dak padang tame, ngak tui hukum ka bruk ngak po di kaoh pulao tasik jeng yau yaih khan dom thaot binguk gheih mekre ka taneh ia, palei negar, anek manuac Việt Nam.

Dalam10 thun tapa, tỉnh Đắk Lắk peih hu labaih 1.000 tal pato bruk ngak brei ka jiak  36 ribau urang song yaom jien piah peih tal pato abih tih labaih  105 tỷ đồng. Dalam nan, labaih  82% urang ngak hu pato bruk ngak bahrau song ngak bruk ngak klak min mek hu kein lagaih , jien duah hu rilo jang. Tapa peih ngak danak dak hu padang dom bruk ngak kein laba gah  kinh tế - xã hội, lagaih hong dom puk palei  song dok hu peih prong . Hu kak kajap jang bruk  pato bruk ngak  song bruk ngak hadei di tuk pato pakai.Ni lac panuac khan di UBND tỉnh Đăk Lăk di mesup ni, tuk  tỉnh ni pataom iek veik  10 thun peih ngak sarak ka 1956/2009 di Thủ tướng rajaei ka danak dak pato bruk ngak ka urang ngak palei pala  tal thun  2020.

Sang iek ruak Đà Nẵng brei thau, dua bilan tapa, dom urang njauk ruak Whitmore tame iek ruak tagok rilo. Hu thau, meng harei 1/1 tal abih bilan 9, hu 4 urang ruak Whitmore tame sang iek ruak. Yau nan min, meng harei 1 bilan 10 mbiah tal ini, sang iek ruak hu taduan 29 mbang urang njom ruak Whitmore, dalam nan mai ralo meng Quảng Nam, dom tỉnh Nghệ An, Quảng Ngãi saong Đà Nẵng. Dalam 29 urang ruak, hu 3 urang ruak trak saong dua urang metai. Piah caga ruak Whitmore, bác sĩ kakei,  mikva brei pabak ginup takhaoh, kalik juah saong hrum tangin ngan saong urang halei bhian ngak bruk gah langiu, plaih taom gaok tapak haluk saong ia nerak. Meyah mboh drei yau ruak, brei ba nao labik y tế iek ruak, duah thau vi khuẩn njom ruak saong jru ruak sumu kayua oh ka hu vaccin caga ruak Whitmore.  

Jabat UBND tỉnh Thừa Thiên Huế brei thau tỉnh hu sarak langyah bruk ngak suan hành chánh di Công ty cổ phần Đầu tư thủy điện gah kreih negar Việt Nam (po padang ngak sang mac thủy điện Thượng Nhật), langyah kayua bruk ngak suan oh ngak tui  adat peih pandar danao, bimek di jabat karja  hu thẩm quyền dalam tuk ia sua, pandiak thu, kurang ia song dom bruk karei karei. Yaom jien tong phat lac 500 triệu đồng. Meyah công ty oh ngak tui sarak nan njauk kateik ngak tui hukum.Dahlau di nan, kapul ngak bruk di  mintri Công thương pasang iek, ngak bruk song thủy điện nan pagam tal bruk khik piah ia suan hukum, oh ngak njauk bruk tathuak ia piah pacang caga bala meng langik tasik di dom pakat  trung ương tal tỉnh ban .

Page ini, Công an tỉnh An Giang brei thau lac birau pambuak saong Chi cục Hải quan pabah mbang negar pakat Dunya Tịnh Biên, Đồn Biên phòng pabah mbang negar Dunya Tịnh Biên, Bộ đội Biên phòng tỉnh An Giang duah mboh saong chap mek 20kg matuy, lac dom matuy pambuak tal bruk pajeng ba labaih 10kg matuy meng Capuchia mai Việt Nam, njauk gah chức năng chap mek harei kabroi 26/11. Yau nan, pambuak tal bruk nan, gah chức năng di tỉnh chap mek labaih 30kg matuy. Urak ini, bruk nan daok hu gah Công an tỉnh An Giang daok duah thau ngak brei cambaic laic dom urang ngak bruk nan, langyah catang tui hukum.

Tui kuhria meng akaok thun tal ni, urang ruak pandiak tabiak drah di Lào tagok tal  7.928 urang,dalam nan hu 12 urang metai.  Tui mintri Y tế Lào, di pak ni hu urang ruak pandiak tabiak drah song metai rilo di abih lac ban ine Viêng-chăn,patui di nan lac dom tỉnh Bolikhamxay, Bokeo song Savannakhet. Bruk đô thị hóa samar di dom  ban prong, dalam tuk bruk pasang iek jit ruak dok rilo tavak tavaiy, akaok sahneng ka bruk pacang caga ruak,khik hacih saat alam môi trường oh ka siam di bhap bini  hu mong lac makna ngak ka jamuk caih mebaoh samar song jit ruak pambak praong.

Liên đoàn thợ mỏ negar Zimbabwe brei thau, hu takik di nyu lac 40 urang kuac duah ameh suan hukum daok gar veik hadei di tuk sa lubang ameh klaak saoh di Đông Bắc taneh ia ini glut jaleih di melam 25/11. Yaok rituh urang pataom mai labik rah tabiak glut jaleih nan piah daong duah dom urang gar di lubang nan. 6 urang hu daong ba tagok truh saong ba tame sang  iek ruak piah jru dom laka darah. Tui panuac khan di dom urang nan, hu 40 urang daok dalm lubang ameh nan tuk bala rah tabiak. Urak ini, dom bruk daong duah urang jeng daok rah tabiak.

Harei kabroi, yaok pluh ribau urang dang jeng talei atah patui gauk tame  Phủ Tổng thống Ac-hen-ti-na palao urang dit blaong hu angan je prong abih dalam sajarah dit blaong negar Nam Mỹ lac Diego Maradona.Bruk palao Maradona tukg camereip tui kuhria hu dui atah tal melam  26/11 min njauk tamat  di beir harei  kayua hu rilo urang takre khin yah paga khik piah nao tame labik caik atau.Urang dit blong dane angan di dunya palang lahik,min menuac sia oh var hu bruk bui sambai chreih chrai bo ong hu ba mai ka urang takre dit blong./. 

Urang lang: Ái Nghiêm -Hanipha- 27/11 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân