Rilo danak dak hu peih ngak

Nyaom roya pakacah anit rnam taneh ia  urang jakar, urang ngak pakat negar  hu peih tabiak tuk mesup harei ni  di  Hà Nội. Nyaom roya hu rilo urang cong lac meda lang talaih dom kan kandah dalam bruk dong urang ngak gaok kan kandah kayua  jit ruak  Covid-19 dalam tuk dom sarak pablei sali tự do rai bahrau  (CPTPP, EVFTA) hu mbaoh tangin. Hu mbaok di nyaom roya hu  463 urang, dalam nan hu 78 urang urang ngak bruk tapak  meblah  21,4%. Nyaom orya hu pok meyaom  10 urang naih gheih song palih ruah  15 urang naih gheih nao hu mbaok di nyaom roya pakacah pakat negar  mbang ka X.

Dah page ni (28/9), dalam negar yam tapa 26 harei oh hu urang halei njom ruak bahrau dalam rahra. Daok 5 urang njom Covid-19 hu mboh di bier harei 27/9 jeng lac dom urang tame negar. Tal urak ni, Việt Nam hu taong abih 691 urang njom Covid-19 kayua njom mbak dalam negar. Taong abih dom urang hu taom gaok jaik saong tame negar meng bhum hu jit daok hu brei daok karei lac 16.829 urang.

Dalam harak tacei pato bahrau patabiak, Sở Y tế TPHCM brei thau, dom urang tame ban raya ngak bruk takik harei  (ala 14 harei) hu dut iek  nCoV meng  kỹ thuật Realtime - PCR song mboh  âm tính. Hadei di nan brei pandar  Bluezone song vak veik bruk nao mai, eng drei tui iek pren yava  song khan ka urang jarka y tế yaok harei. Urang ngak bruk song tuai  tame VN  kayua bruk  ngoại giao, công vụ brei hu  b.hiểm y tế dunya, atau kapul halei daa njauk hu panuac sinya bayar jien iek ruak meyah urang nan  njom Covid-19.

Tui jalan ba tabiak, harei 30/9 anak tal, Mintri jalan mbak pajeng ba meda pambuak haong dom tỉnh Bình Thuận saong Đồng Nai peih ngak dom danak dak Vĩnh Hảo - Phan Thiết saong Phan Thiết - Dầu Giây. Bình Thuận hu caga blaoh taneh piah ngak danak dak ni. Danak dak jaalan cao tốc Bắc - Nam tapa labik tỉnh Bình Thuận atah abih tih labaih 160 km, hu 3 danak dak lac: labik Cam Lâm - Vĩnh Hảo, Vĩnh Hảo - Phan Thiết, Phan Thiết - Dầu Giây. Danak dak praong hu 6 jalan radaih nduac, hu yaom jien buh tame ngak abih tih lac labaih 39.650 tỷ đồng. 

Sang mac điện rác Hậu Giang bahrau hu padang ngak di  xã Hòa An, huyện Phụng Hiệp hu mblang taneh prong abih tih labaih  23ha, hu phun jien buh tame ngak labaih  1.320 tỉ đồng. Mbang  1 hu sang mac hu prein langyah hareik nerak  labaih  300 tấn/sa harei saong tabiak  điện 6MW. Mbang 2 hu prein langyah hareik nerak tagok labaih  600 tấn/sa harei  song tabiak điện 12MW. Danak dak sang mac  điện hareik  hadei di tuk ngak salah bloh  ba tame pandar song langyah abih hareik nerak pandar, hareik nerak ngak cong, hareik nerak ngak nông di tỉnh Hậu Giang.

Tổng thống Mỹ Donald Trump bahrau pilih ruah muk Amy Coney Barrett tame ngak Thẩm phán Tòa án pakat glaong abih di Mỹ daok njauk klak saoh, hadei di tuk Thẩm phán Ruth Bader Ginsburg metai kayua ruak ung thư tuyến tụy. mayah hu Quốc hội njauk hatai, muk Amy Coney Barrett meda jeng thẩm phán urang kumei ka 3 di Tòa án pakat glaong Mỹ. Bruk pok muk Barrett tame ngak bruk ni meda khik khang kajap di gah bảo thủ dalam Tòa án pakat glaong. Min, bruk pilih ruah di ong Tổng thống Trump gaok rilo bruk oh njauk hatai di gah đảng Dân chủ tuk ndom lac bruk đề cử thẩm phán bahrau njauk cang tal hadei mbang pilih ruah tổng thống di bilan 11.

Jit  Covid-19 rah tabiak veik biak khang di negar Prang. Taeng harei  27/9, labaih  11.100 urang njom bahrau. Meng akaok jit ruak tal ni, negar ni hu labaih  meteh triệu urang njom SARS-CoV-2. Suh sah ka bruk negar Prang njauki paatah di gauk veik, Rajaei negar ni  njauk  batabiak rilo jalan patakik brei pataom gauk  tapa 10 urang, kreih pambah mbang rilo labik pablei salih, dịch vụ song main sambai, dom jalan ngak nan njauk karja di rilo tỉnh ban ndom lac oh njauk, oh lagaih song bruk urak ni di dom labik.

Tui panuac brei thau di jabat pasang iek, băng chuyền pajeng dom pandap meng kalik nyu khuah lac makna ba tal bala ngak ka 16 urang metai, 1 urang njauk rambuac trak di masup page 27/9 bahrau blaoh di sa mỏ dhang di huyện Kỳ Giang, ban Trùng Khánh, gah Tây Nam Trung Quốc. hu thau, dalam mbang pasang iek di bilan 6 meng blaoh, hầm mỏ ni jeng njauk duah mboh sa lỗi salamat dalam bruk ngak saong hu ieu kakei ngak pasiam viek. Thun 2015, sa bala yau nan jeng rahtabiak di hầm dhang di tỉnh Hắc Long Giang ngak ka 21urang ngak kong metai./.

Urang lang: Hanipha - Thu Thảo 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân