Hadei di bruk caik jamriak “ATM brah” brei saoh camereip abih di saai Hoàng Tuấn Anh dok di ban raya .HCM, rilo labik hu tamuh tabiak jamriak “ATM brah” anit ranam. Jamriak “ATM brah” camereip di Cần Thơ hu ba pandar di harei 16/4 meng bloh di labik 335, jalan Nguyễn Văn Linh, phường An Khánh, quận Ninh Kiều. Ni lac bruk ngak kayua Nyaom doanh nghiệp ranaih umo di Cần Thơ ba tabiak, dui pachreih hu rilo urang ngak pahla . Kkadha “ Menuac gheih bruk siam harei ni , khol drei tui pang kadha vak di urang vak Hồng Phương, dok di bhum taneran krong CL ndom ka bruk ngak ndung bak hatai anit gauk dalam tuk kan kandah ni

Urang kathaot hu dong brei dalam tuk jit ruak 

Tui jalan ngak lac: “Meyah mboh khin da-a mai mek. Meyah mboh ginup likau caik veik ka urang karei  ”, jamriak  ATM brah  hu peih tabiak meng  8 tuk mesup  tal 21 tuk dalam harei. Saai  Phạm Chí Hướng, 1 dalam 3 doanh nghiệp ranaih padang jamriak  ATM brah camereip abih di  Cần Thơ brei thau: mbaik  ATM hu ngak tabiak dalam sa harei; nyaom tok khin pambak praong bruk  anit ranam gauk dalam dom harei pacang jit ruak, gam song  bruk  ATM brah brei saoh dok rah tabiak khang di grauk labik dalam negar :

Bruk ngak kayua bhap bini min , drei rik hasit piah dong ka mik va kan kandah, abih di nyu nan lac mik va kan kathaot pablei  vé số atau lac dom urang duah mbang yaok harei, urang oh ngak bruk hu, oh hu jien piah mbang.
Mbaik “ATM brah” hu  labik caik brah di gah angaok, tapa bộ phận điều khiển, bhap bini tok juak takai tame tanut  điều khiển bo oh cang gaok tangin tame . Tui hatai khin di yaok menuac urang, jamriak hu  3 tanut nduac tabiak brah lac  1kg, 1kg meteh ,song rilo di abih lac 2kg.

Muk Nguyễn Thị Mai, dok di  phường An Khánh, quận Ninh Kiều, Cần Thơ, lac urang ngak dalam boh sang hu  5 urang , duah jien meng bruk pablei boh kayau , tuk mek brah meng mbaik  ATM drut droi lac:

Labaih meteh bilan ni mai padeih pablei, mehit lac labik ni hu brei brah ye mai likau brah mbang. Hhulin mboh uan tabuan lo, bui sambai lo 

Ong Nguyễn Ngọc Ánh, Phó akaok  UBND quận Ninh Kiều, ban  Cần Thơ, labik caik mbaik jamriak  “ATM brah ” brei thau: Ni lac bruk ngak biak hu makna, quận hu dong  1 tấn brah  di mesup ni song daok hu panuac ieu  dom doanh nghiệp, caong taduan hu brah daong brei rilo jang

Dreih yau dom tỉnh ban karei karei, tuk bhap bini mai mek brah brei ngak njauk dom jalan pacang caga jit   Covid-19 yau : cuh  khẩu trang, dang tui  thứ tự, dang atah di gauk  2 mét piah pacang jit ruak . Cong lac, meng brah  “anit ranam” ini hu daong patrun meneing kan kandah ka mik va kan kathaot, urang oh hu sang dok dalam dom harei gaok kan kandah di jit Covid-19./.

Urang lang: Hanipha -4/5

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân