Taneh ia drei hu yasa jiak 45 thun song dom urang lin hadei di tuk ngak salah bruk siam gheih dalam dom gah hu gilac mai puk palei atau salih tapa dom bruk ngak karei karei.Yaom lac di labik halei, pal bruk halei, ngak bruk hagait, dom urang dahlau deih ngak bol lin dok patagok ilamu meng kan urang lin Wa Hồ, halan hatian buh pren yava ka bruk patagok kinh tế taneh ia, kham merat hu mbaok tame dom bruk ngak xã hội, pahla.

Thủ tướng Nguyễn Xuân Phúc alin Huan chuong lao dong hang Nhat ka Kapol CCB Việt Nam

 

  Dom thun tapa, patagok ilamu  Bol lin Wa Hồ, dom urang dahlau diah ngak bol lin di grauk labik dalam taneh ia Việt Nam tari tariang ngak mbang, sahaneng duah saong rik prein yawa di drei ka bruk dak padang saong cak rok patagok taneh ia. Rilo urang ngak bol lin dahlau diah ngak siam  tui jalan “ dom urang lin tukvak sron mbon” dalam bruk ngak kinh tế,  hu jeng dom doanh nhan naih gheih dalam bruk cak rok patagok kinh te, daong ayut sahabat  tapa truh kathaot. Yaok pluh thun tapa, urang ngak bol lin dahlau diah lac Trần Mạnh Báo, Tổng Giám đốc Công ty Cổ phần Tập đoàn Thaibinh seed kham merat angaok mblang hamu oh huac di glaih glar, duah tabiak dom pajaih padai birau brei ka urang nong pala drak, tuk halei ong jeng sahaneng, duah hu rilo pajaih padai birau piah pablei ka urang nong dalam tỉnh saong dom labik karei. Luac rai kak kajap saong phun padai, mblang hamu, ong tuk halei jeng sahaneng, duah hu rilo pajaih padai birau brei rilo asar padai, brah pahe bingi mek hu tanut chuan piah pablei tabiak negra langiu. Ong Trần Mạnh Báo lac: “Brah Viet Nam brei ngak dua bruk, ka sa lac tuk khol drei rami ramik veik gah ngak ong, khol drei brei khik ginup padai brah dalam 20, 30 thun tra. Ka dua, khol drei njauk duah tabiak pajaih padai birau hu asar biak siam, bingi pahe tui coang khin di darak pasar bo khol drei hu mbaok, nan lac bruk bo khol dahlak daok ngak.”

  Tui kuhria mboh di Kapol Urang dahlau diah ngak bol lin Viet Nam, urak ini dalam taneh ia hu labaih 7 ribau 900 doanh nghiệp kayua urang dahlau diah ngak bol lin ngak po, jiak 160 ribau trang trại, hợp tác xã, tổ hợp tác urang dahlau diah ngak bol lin ngak mbang pablei salih dịch vụ duah jien tame yaok tỷ đồng yaok thun. Dom doanh nghiep, trang trại, kapol hợp tác kayua urang dahlau daih ngak bol lin ngak po hu ba bruk ngak ka yaok pluh ribau urang dahlau diah ngak bol lin saong anek kamuan lac dom urang di sarak karja, rik tame bruk patagok kinh tế-xa hoi di taneh ia saong bhum palei.

Langiu di bruk ngak kinh te naih joi, ngak kaya meda ka puk palei saong taneh ia, dom doanh nhân lac urang dahlau diah ngak bol lin daok hu mbaok tame  dom bruk ngak pahala, daong ka dom sang kan kandah. Yau ye, urang dahlau daih ngak bol lin Nguyễn Đình Tùng, Chủ tịch Hội đồng quản trị Tập đoàn Đại Sơn, tỉnh Đồng Nai hu ngak rilo bruk pahala, alin brei ka dom baoh sang kan daman; jak ba urang rik daong ngak tatua alin ka bhap bini daok di dom bhum palei kan kandah: “Dahlak sahaneng bruk daong xa hoi lac sa dalam dom bruk bo dom doanh nhan brei ngak dahlau. Dahlak mboh ini lac bruk di urang ngak bol lin. Wa Ho hu pato, daok pak halei jeng brei mesruh saong brei jayak.” 

Tui jalan hadah krah ba akaok nao dahlau di urang dahlau diah ngak bol lin, dalam tukvak tapa, rilo urang dahlau diah ngak bol lin hu sahneng duah, rik daong, kaoh taneh alin brei ngak jalan, alin brei drap ar  dalam bruk padang ngak palei pala birau di dom bhum palei. Urang dahlau daih ngak bol lin Hứa Văn Chéo, daok di palei Đồng Mậm, xã Sơn Hải, huyện Lục Ngạn, tỉnh Bắc Giang halan hatian kaoh brei dua sào taneh pala bei plaom saong 2 sào taneh pala vải daok brei  baoh di sang drei piah ngak jalan atah labaiih 20 km, pambuak meng pasak xã tal pablei, pambuak palei Đồng Mậm saong dom palei karei. Ndem tal bruk kaoh taneh alin brei ngak jalan, ong Hứa Văn Chéo klao lac, ong saong mikva dalam xã, dalam palei alin brei taneh ngak jalan piah bhap bini dalam palei nao mai hu mbuan lagaih: “Bhum palei dahlak, meyah duk saong xã Sơn Hải lac biak kan kandah, gah likuh lac talei ceik atah, gah anak lac danao ia, njauk nao mai meng ghe gilai. Oh hu jalan lac biak kan kandah. Palei mai jak ba, dahlak rik daong jip. Lac urang dahlau diah ngak bol lin yau nan ye biak njauk hatai ka bruk ngak ni. Dahlak ngak jalan ini oh lac ka drei bo  brei ka anek taco harei hadei.”

Meda lac ngak bruk hagait, pakat halei, dom urang dahlau diah ngak bol lin jeng chreih chrai rik daong prein yawa, akok sahaneng di drei dalam bruk cak rok patagok kinh tế, ngak bruk pahla jeng yau rik daong prein yawa, jien padai piah padang ngak palei pala birau. Dom bruk ngak brei mboh hatai anit, thau dhar phor ngan saong dom urang lin ayut sahabat, hu rik daong ngak siam bruk hậu phương - quân đội, daong dom urang dahlau diah ngak bol lin ngak mbang patagok kinh tế, patruh iek patrun kan kathaot, paglaong raidiuk, patagok hatai jia di urang dahlau diah ngak bol lin ngan saong Đảng, Karja saong di rahra brei ka dom urang dahlau diah ngak bol lin./.

Urang lang: Ái Nghiêm -6/12

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân