+ Dahlau di abih, khaol drei njauk thau Bluezone nan lac hagait?

Bluezone nan lac ứng dụng khan brei thau meyah khaol drei taom gaok jaik haong urang njaom COVID-19, patrun bruk njaom mbak tabiak bol bhap rah ra, daong manuac sia gilac veik rai diuk yaok harei.

Tuk hu sa urang njaom mbak, bruk taom gaok hu pataom veik dalam ứng dụng brei thau khaol drei hu taom gaok urang ini ye atau oh ka meyah dua urang jeng pandar Bluezone. Kayua yua nan ye, dak hu rilo menuac pandar Bluezone ye bruk pacang caga jit ruak dak siam. Khaol drei pacang cakak bruk njaom mbak di virus meng pren khang di bhap bani. Taong abih menuac Việt Nam kham merat dalam sa bilan, yaok smartphone jeng hu pandar Bluezone piah pacang caga pren yava ka bol bhap rah ra.

Yaok urang pandar Bluezone ka drei saong pachreih 3 urang karei pandar tui. Hadei di sa bilan, dalam Việt Nam meda hu pacang caga.

+ Bluezone hu pataom veik angan je urang pandar halei oh?

Ngan haong Bluezone tok cài đặt angaok Smartphone saong peih Bluetooth ye taong abih bruk taom gaok hu thau abih. Lingiu di nan, Bluezone oh ieu drei brei thau angan je tok khik veik dữ liệu angaok phone tangin urang pandar, oh ba tagok server, oh pataom duah labik daok. Bluezone tok brei thau 2 urang taom gaok gauk tuk halei saong dalam hadom tuk, oh khan brei thau taom gaok di labik halei. Urang pandar Bluezone hu padauk angan kayua pandar ID bo hệ thống eng drei menek tabiak.

+ Meyah phone tangin tuk halei jeng peih Bluetooth yau nan dalam bol bhap rah ra hu njauk hagait halei? Piah Bluezone pandar siam, phon tangin tuk halei jeng peih Bluetooth. Yau nan min Bluezone pandar công nghệ Bluetooth BLE năng lượng biar abih takik pin (Bluetooth Low Energy), nan ye urang pandar jhui suh sah tuk pandar.

Bruk ini jeng dreh yau pandar Wifi dalam bol bhap rah ra, kayua Bluetooth saong Wifi jeng hu peih tabiak angaok tần số 2.4 GHz. Nan ye urang pandar  sahanang hatai tuk pandar.

+ Jalan ngak yau habar meyah bhap bani oh hu Bluetooth atau hu min oh peih. Pasang iek habar hu bruk ini?

Bruk peih Bluetooth nan lac quyền di yaok urang. Piah pacang khik ka rup drei, pacang khik bol bhap rah ra ye bhap bani njauk pandar Bluezone. Meyah urang pandar padam Bluetooth, meyah urang ini hu taom gaok haong urang njaom COVID-19 ye mbang taom gaok ini oh hu brei thau. Njauk thau lac meyah urang njaom ruak oh pandar Bluezone, min hu peih Bluetooth ye dom phone karei pandar Bluezone jeng meda thau hu tuk taom gaok haong phone di urang njaom ruak. Tuk hu rilo manuac urang pandar ye bhap bani hu pacang caga saong dalam nan hu gam dom urang oh pandar Smartphone.

Bluezone pandar công nghệ Bluetooth năng lượng biar (Bluetooth Low Energy) abih takik pin, nan ye manuac pandar jhui suh sah hagait./.

Urang lang: Jasi-12/8

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân