Adit tapa, Kapul urang ngak bruk di Quốc hội kayua Phaok Akaok Quốc hội Phùng Quốc Hiển pal akaok kapul hu nao tapak tal labik ngak bruk piah pasang iek bruk peih ngak danak dak Sang mac điện aia harei Trung Nam - Thuận Nam 450MW pambuak haong balai biến áp 220/500kV saong jalan talei 500kV, 220kV di xã Phước Minh, huyện Thuận Nam, tỉnh Ninh Thuận.

Điện aia harei

Di labik padang ngak danak dak, Phaok akaok Quốc hội, ong Phùng Quốc Hiển hu pok meyaom saong taong yaom glaong Trung Nam Group hu buh jien tame ngak jalan ba điện. Phaok akaok Quốc hội, ong Phùng Quốc Hiển ndom lac, meyah jao abih ka Điện lực Việt Nam ye tukvak ngak meda dui atah saong kan pabak hu vaktu piah ba điện meng dom sang mac tame jalan điện negar. Ong Phùng Quốc Hiển taong yaom danak dak hu peih ngak siam saong hu panuac kakei brei caik hatai jang tal công nghệ điện aia harei. Phaok akaok Quốc hội Phùng Quốc Hiển hu panuac tacei urang pal akaok tỉnh Ninh Thuận sangka lang talaih kan kandah tavak tave, ba mbuan laghaih ka gah buh jien tame ngak samar ngak salah danak dak njauk tukvak ba tabiak.

Ong Vũ Đình Tân lambaok ka Trung Nam Group brei thau, taong abih bruk padang ngak tal urak ini hu 76%, dalam nan balai 500kV ngak hu 80%. Balai  biến áp hu 9 MBA dalam vaktu ka 1 meda hu 6 MBA hu ngak blaoh, saong 6 MBA ini hu ngak blaoh siam mekre. Tui kuhria, hu ba điện dalam harei 5-8. Jalan talei điện 220kV hu ngak blaoh taong abih takai gheng, daok padang caik dom gheng điện, tui kuhria meda ngak blaoh bruk dui talei di harei 25-7. Daok jalan talei 500kV pambuak pagam tame balai 500kV Vĩnh Tân atah 15 km meteh hu ngak blaoh bê tông takai 25/34 labik, samu 73,5% padang caik gheng hu 22/34 labik, samu 64,7%. Urak ini, jalan talei 500 kV daok 5 gheng oh ka ngak hu. Tui kuhria taong abih jalan talei ba điện hu ngak blaoh di harei 7-8.

Daok gah tỉnh, akaok UBND tỉnh Ninh Thuận, Lưu Xuân Vĩnh ndom lac, dự án daok tavak 3,8 ha taneh glai. Jalan talei ba điện 500 kV nao tapa oh tak kaoh glai bo brei hu labik salamat piah duh ka bruk padang ngak saong ba điện hadei di tuk ngak blaoh ba tame pandar. Ong Lưu Xuân Vĩnh brei thau, lac taneh glai min jaik abih lac phun hareik hareim. Jalan talei oh ngak khut hagait tal dom phun prong. Meyah danak dak ngak salah blaoh, ba tame pandar ye taong abih yaom pandap ngak tabiak di tỉnh (GDP) hu patagok jang 4,5%. Meyah danak dak Sang mac điện aia harei Trung Nam - Thuận Nam 450MW pambuak pagam haong balai biến áp 220/500kV saong jalan talei 500kV, 220kV ngak salah blaoh ye oh lac công suất dom sang mac điện di Ninh Thuận hu ba tagok taong abih angaok jalan talei điện bo daok hu labaih ka tukvak hadei. Tui nan, balai biến áp kayua Trung Nam Group buh jien tame ngak hu công suất tagok tal 6.000 MW. Dalam tuk nan, tal puac thun ini, taong abih công suất dom sang mac điện angin saong điện aia harei di tỉnh Ninh Thuận bahrau hu jaik 1.200 MW nan ye daok labaih biak rilo.  

Tui bruk ba tabiak, tal puac thun ini meda peih abih công suất daok labaih bo dahlau diah oh ba tagok jalan talei điện hu. Bruk peih công suất ndom angaok nan ngak jeng giá trị gia tăng biak prong ka tỉnh. Puac thun ini, tỉnh Ninh Thuận meda ngak salah blaoh bruk mek jien tame ka kadung jien karja, patagok GDP meda mek hu 11,2%. /.

Urang lang: Jasi-13/7

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân