Tổng Bí thư, akaok negar  Nguyễn Phú Trọng hu rivang mikva dom bangsa takik di Đăk Lăk

Đắk Lắk lac tỉnh hu rilo mikva bangsa takik. Meng thau jum pataom gauk meng kan mai gam haong bruk sangka di Đảng, Karja, bhap bini dom bangsa dalam tỉnh chreih chrai pakacah gauk ngak mbang, dak padang tỉnh Đắk Lắk dak harei dak siam mekre, kaya meda, njauk haong angan lac pasak bhum Tây Nguyên. Pamaong tal Nyaom roya mbang ka 13 di Đảng, gam haong bhap bini dalam taneh ia, rahra Đắk Lắk ba abih hatai jia tame sarak, jalan ngak njauk di Đảng daok hu paglaong abih gah raidiuk ka bhap bini. Amuk H’Yam Bkrông, urang dang akaok Hợp tác xã menyim khan bai Jơng Bông, xã Ea Kao, ban sit Buôn Ma Thuột brei thau: “Dahlak hulin haong taong abih adei sa-ai kumei daok caik hatai caong tame Nyaom roya mbang 13 di Đảng. Hadei di nyaom roya ini, dom pakat meda hu dom jalan ngak, abih di nyu lac sangka tal bruk ngak meng kan di bhap bini bangsa Ê Đê. Meng tỉnh tal TW brei hu 1 jalan ngak piah ka bruk ngak meng kan cakrok jang saong ba bruk ngak mbang piah khik veik ilamu di bangsa”

Lambaok rai dam dara, Bí thư Tỉnh đoàn Đắk Lắk H  Giang Niê caong lac nyaom roya Đảng mbnag ini sangka rilo jang tal rai dam dara, abih di nyu lac dam dara bhum bangsa takik, bhum tapen negar, bhum ceik kan kandah, daong ka urang đoàn dam dara hu rilo mbuan lagaih dalam bac da-a, patagok ilamu piah dui ka nyu katut panak veik bruk atah gauk di dom bhum palei: “ Dahlak hulin caong lacNyaom roya meda hu dom sarak, dom jalan ngak praong siam lagaih piah ka rai dam dara patagok bruk sahneng duah bahrau, hu mbaok tame dom sarak patagok KT-XH di puk palei bhum urang bangsa takik. Daok bruk urang jakar, caong lac nyaom roya meda hu dom sarak ka pato pakai urang jakar bangsa takik, piah pabak bruk di tukvak bahrau”

Ong Bùi Văn Cường, Bí thư Tỉnh ủy Đắk Lắk brei thau: Nyaom roya Đảng bộ tỉnh mbang ka 17 ba tabiak bruk padang Đắk Lắk jeng tỉnh ba kaok nao dahlau di bhum dalam dom bruk ba pandar ilamu - công nghệ, ba dom jak jeng di cách mạng công nghiệp mbang ka 4 tame ngak mbang, pala drak, raidiuk. Kayua yau nan ye, urang jakar, urang đảng saong bhap bini tỉnh Đắk Lắk caik hatai jia praong tame bruk pan akaok ba jalan njauk di Đảng, caong lac dom sarak, dom jalan ngak di Nyaom roya mbang ka 13 meda pachreih tagok prein khang di tỉnh: “Tapa bruk pataom mek panuac rik daong ka dự thảo Văn kiện, abih di nyu lac pathau khan chính trị di nyaom roya mbang ka 13 hu ba tabiak jalan ka patagok tal thun 2025, thun 2030 saong pamaong tal thun 2045, kham merat ba Việt Nam jeng taneh ia ngak kong bahrau. Dom kadha nan caik tabiak hatai jia khang di urang jakar, urang đảng saong bhap bini dom bangsa dalam tỉnh. Caong lac kol drei daok hu dom jalan ngak njauk, patagok prein khang jum pataom bangsa, dak padang saong patagok KT-XH di taneh ia”

Gam haong grauk labik dalam taneh ia, urang jakar, urang đảng, tapon nyaom bol pan phao kraong saong bhap bini dom bangsa dalam tỉnh Đắk Lắk daok pamaong tal nyaom roya mabng ka XIII di Đảng haong hatai caong biak praong, caong khin nyaom roya paglaong bruk ngak di drei, patagok dân chủ, jum pataom saong salih bahrau. Meng nan, ba tabiak dom sarak, dom jalan ngak njauk, padang labik dang saong prein khang, ba taneh ia mek hu rilo jak jeng praong, hadah hadai dalam dom thun anak tal./.

Urang lang: M. Phương – 24/01

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân