Dom quan mbang huak urak ni salih tapa pandar hanuai oh hu gilaong

Di sa quan phở limo angaok jalan Thủ Khoa Huân, ban Phan Thiết, khol dahlak hulin hu mboh sa dalikan meng sa urang tuai praong thun hu ndom tapak haong po quan ka bruk mbuan hu anek ruak saong mbuan njauk jru mek pandap mbang meng pandar mbaik hanuai hu gilaong. Urang tuai nan tacei lac bruk pandar mbaik hanuai hu gilaong, tuk rao piah pandar viek, takik khik hu hacih sa-at kayua biak kan rao gah dalam gilang sit ini dut saong hanuai oh hu gilaong. Mayah nyu oh hu rao hacih, pandap mbang meda gam tame saong jeng vi khuẩn oh siam ka prein yava di urang pandar hadei.

Urang tuai daok ndem lac: mayah drei buh rilo jien jang hasit piah blei hanuai siam oh hu gilaong, min pabak veik tuk rao pandar viek hu mbuan lagaih, samar drah, trun yaom pah manuac ngak, takik abih jien blei jru hóa chất piah rao ka nyu hacih. Bruk hu ndem tal di quan nan yaom lac biak sit, min dom urang daok vil tamdar thei jeng mboh lac njauk. Kayua meng lavik mai, oh lac ta-eng mbaik hanuai, bruk pandar dom pandap panda ka oh hu manuac sia sangka tal bruk khik caga prein yava. Meng bruk nan, dalak meng hadar veik di puac thun 2018, di ban Đà Nẵng, hu peih sa mbang pathau khan ka bruk salih hanuai hu gilaong di gah likuk tapa pandar hanuai oh hu gilaong. bruk ni pachrieh hu rilo manuac ngak tui.

Urak ni, oh ta-eng ban Phan Thiết bo rilo quan karei di Bình Thuận, bruk pandar hanuai hu gilaong mboh biak rilo. Kayua yau nan ye, dalikan hanuai oh hu gilaong yaom lac sit min oh sit, kayua lac rilo atau takik jeng pagam tal prein yava di drei. Kayua yau nan ye bruk paglaong ilamo saong salih bruk pandar lac biak njauk ngak.

Dunya urak ni dak harei dak patagok, anek manuac njauk caik hatai sangka tal prien yava di drei biak rilo jang, abih di nyu nan lac pandap mbang, pandap manyum, pandap pandar yaok harei. Kayua yau nan ye, bruk khol drei salih hanuai oh hu gilaong jeng hu makna yau nan./.

Urang lang: Thu Thảo – 26/11

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân