Biak rilo anek saih daok takre duah thau sruh radaih “Gilang tapuk nao mai rilo janih”

Harei Car min mblang bein sang bac tiểu học Nguyễn Công Trứ, xã Ea Tul, huyện Cư Mgar, tỉnh Đắk Lắk bui sambai jang harei nao bac. Meng page mesup, dom anek saih hu mbaok ginup, chreih chrai dak jeng talei patui gauk tame Danak dak Gilang tapuk nao mai “Pui hadah ilamu”. Lingiu di hu puac rilo janih tapuk, báo brei ka anek naih, dom adei daok hu me-in rilo kadha, pandao sambai hu  thưởng, iek phim ilamu khoa học. Abih di nyu lac, bruk pakacah “Yuh chuông ameh” dui pachreih hu biak rilo anek saih pataom mbaok tame. Adei H’Ru Vi Niê, anek saih tal 5, sang bac tiểu học Nguyễn Công Trứ, chreih chrai khan lac:  “ Harei ini, anek mboh bui sambai lo, hu taduan mek tapuk di dom cei meng Gilang tapuk Đắk Lắk, blaoh anek daok hu tame me-in danak dak Yuh chuông ameh saong hu pala bingu. Puac tapuk brei ka drei thau biak rilo saong takik iek phone tangin jang.”

Chreih chrai haong dom bruk ngak, biak rilo anek saih daok takre duah thau sruh radaih “Gilang tapuk nao mai rilo janih”. Ini lac janih radaih pajeng pandap, dalam nan thùng radaih hu rami ramik, pabak ginup yau 1 gilang tapuk sit hu biak rilo janih tapuk, báo, hu komputer pambuak Internet, tivi… Sa-ai La Quốc Tùng Lâm, urang jakar Gilang tapuk tỉnh Đắk Lắk brei thau, yaok mbang nao pamere di bhum atah bayah, kapul 3 urang hu padang danak dak cambaih laih lagaih haong yaok labik. “Dahlau di tuk nao tal dom adei ye gilang tapuk padang jalan ngak ka nyu lagaih haong ilamu di dom adei, Yuh chuông ameh, javap jalei dom blah rup cih komputer, dom kadha me-in yau Cih rup cih tô màu, pandao sambai hu thưởng piah ba chreih chrai ka dom adei saong dom adei mboh takre jang tuk thau lac dom ilamu nan daok pak halei.”

Meng thun 2019, Đắk Lắk lac 1 dalam 31 tỉnh, ban dalam taneh ia hu taduan radaih meng danak dak “Radaih ô tô gilang tapuk nao mai rilo janih” kayua Mintri Ilamu, Thể thao pambuak haong Tập đoàn Vingroup peih tabiak ngak. Dalam tuk pandar, Gilang tapuk tỉnh Đăk Lăk hu pagam wifi angaok radaih piah ka urang puac tapuk meda tame internet, pasang iek, duah thau. Sa-ai Nguyễn Thị Thảo Quyên, akaok jabat dak padang phong trào, Gilang tapuk tỉnh Đắk Lắk brei thau, dalam jaik 1 thun tapa, sruh radaih hu labaih 30 mbang nao tal dom sang bac, puk palei bhum kan kandah, duh ka yaok pluh rabau mbang urang puac tapuk. “Tapuk angaok radaih hu meng 2.000 tal 2.500 baoh ginup dom janih lagaih haong yaok menuac, yaok umo thun. Lingiu di tapuk, angaok radaih ô tô daok hu komputer pambuak Internet, ti vi…màn hình chiếu, loa, âm ly. Meda lac ginup piah ka dom adei me-in gameshow, dom kadha me-in pambuak tal tapuk di Gilang tapuk tỉnh.”

Radaih Gilang tapuk nao mai hu daong ka rahra dom bhum kan kandah di tỉnh Đắk Lắk hu puac dom tapuk, báo saong công nghệ thông tin, pabak ilamu, saong abih di nyu nan lac ba bui sambai ka dom adei anek saih dalam bruk bac da-a, me-in sambai, duah thau dom ilamu bahrau./.

Urang lang: M. Phương – 26/09

 

 

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân