Sang bac  Tiểu học Long An sang bac hu brei angan lac chuẩn pakat negar

Khol hulin tui jalan roya 51 piah nao tal dom baoh riaong dalam mblang hamu A+B. Hadei di tuk nao tapa labaih 2km jalan haluk praong labaih 8m daok hu ngak pasiam piah tuh nhựa, puac abih lac “ribaong drei kuac” jeng mboh di anak mata. Nan lac sa baoh ribong tapak, 4 meta, sambo patih katam daok ba ia tame tal mblang hamu...

Min bruk ngak brei koo dahlak caik hatai di abih lac sang bac Mầm non xã Long An atah di nan labaih 4km. Sang bac daok di ấp 2, praong jaik 6.340m2 di labik tái định cư di xã, ngak abih jaik 26 tỷ đồng, hu ba tame pandar meng bilan 1-2016. Meng bilan 12-2016, sang bac hu brei angan lac chuẩn pakat negar.

Nai gru Nguyễn Thị Nghĩa, akaok sang bac, bui sambai brei thau: mayah kuhria gam labik sang bac phụ ye dalam sang bac daok raong pato 280 kamuan, dalam nan hu 70% lac anek kamuan dalam palei. Meng tuk sang bac hu ba tame pato, bruk raong pato hu patagok cambaih laih, taong abih uranaih hu pasang iek prein yava saong tui iek biểu đồ paglaong; 99,6% ranaih hu rup pabhap teik trak saong glaong siam;  taong abih uranaih bac bán trú di sang bac. Thun bac blaoh, sang bac hu 5 nai gru hu pok brei angan lac cei gru, nai gru pato naih joi pakat huyện.

Tui ong Võ Đình Việt, akaok mban khik ramik danak dak huyện Long Thành, dalam 4 thun tapa (meng 2015-2019), kuhria taeng dom danak dak hu peih ngak di 4 xã Long An, Long Phước, Bình An saong An Phước lac hu 20 danak dak saong yaom jien buh tame abih tih tagok tal 237 tỷ đồng. Rilo abih di xã Long An hu 9 danak dak lac: 4 danak dak jalan mbak, 3 danak dak sang bac, jabat xã đội, binek ribaong.

Urak ni xã Long An mek hu 17 dalam 19 tanut, daok 2 tanut ka 5 ka sang bac tok daok cang jao danak dak sang bac Tiểu học Long An, daok cang menuac mai ngak hiệu trưởng saong tanut ka 17 ka alam daok cang harak di Sở TN-MT taong yaom bruk ngak pasiam dom tavak tavaiy daok kandong gah alam, lac meda payua harak tagok tỉnh likau brei angan xã mek hu chuẩn palei pala bahrau paglaong chip dalam thun 2020. Xã Bình An jeng daok cang ngak salah tanut sang bac: brei angan sang bac THCS Bình An mek hu tanut chuẩn pakat negar, pabak urang ngak hiệu phó saong padang ngak salah cơ sở vật chất,ba tame pato di sang bac Mầm non Bình An.

Gam saong bruk ngak salah harak brei angan 2 xã nan mek hu chuẩn palei pala bahrau paglaong, huyện daok pato tacei 4 xã Cẩm Đường, Bình Sơn, Phước Thái saong Bàu Cạn kham merat jak ba bhap bini khik ramik, peih ngak rilo jang dom jalan hadah hadai, hijao saat, ghieh mata; rilo abih lac di dom jalan praong dalam dom labik bhap bini daok, sang bac, sang ilamo, jabat xã đội, công an xã, bilai y tế piah duh ka bruk pasang iek viek di huyện, tỉnh piah khik kajap, paglaong siam mekre palei pala bahrau hadei di 5 thun hu pok brei angan.

Tui yaok pataom di UBND huyện, tok kuhria dalam 5 thun 2015-2020, abih tih yaom jien ieu pataom ka danak dak palei pala bahrau tagok tal labaih 1.807 tỷ đồng, dalam nan jien jak ba rahra saong doanh nghiệp lac jaik 35 tỷ đồng, daok viek lac kadung jien kanja di tỉnh saong huyện. Meng nan, mbaok mata palei pala hu hadah hadai tagok, kinh tế cak rok patagok tui jalan khang kajap, dom hạ tầng, jalan mbak hu buh jien tame ngak pasiam, raidiuk di bhap bini hu paglaong mboh di anak meta./.

Urang lang: Thu Thảo – 06/09

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân