Pala njam hacih piah pablei 

Tui nan, khin pacang veik sraiy jien kak je, dahlau di abih brei ngak harak gar hồ sơ, patabiak sarak pacang sraiy veik. Ngan haong urang hu pacang sraiy veik, gah khik iek sraiy atau gah hu brei bruk langyah sraiy di jabat khik iek je labik urang kak je daok tavak jien je brei ngak ginup harak gar pacang veik sraiy. Jabat thuế ngak harak tui mẫu brei pacang sraiy veik saong ba tapa gah nghiệp vụ, atau pháp chế taong yaom.

Meyah oh ka ginup harak gar ye jabat khik iek bruk kak je pambuak haong jabat, kapul nyaom, menuac urang karei hu pambuak tal piah pabak harak gar. Gah nghiệp vụ, atau pháp chế pasang iek, taong yaom harak gar pacang sraiy kayua gah khik iek je atau gah hu brei bruk langyah sraiy payua mai. Tukvak taong yaom harak gar dalam 7 harei ngak bruk kuhria meng harei taduan hu ginup harak gar pacang sraiy. Suai di abih lac 5 harei ngak bruk kuhria meng harei ban hành, jabat khik ramik je brei thau bruk klaak sraiy nan angaok blah thông tin điện tử.

Hadei di tuk taduan hu panuac taong yaom, dalam 10 harei ngak bruk, gah khik ramik je atau gah hu brei bruk langyah sraiy pataom veik saong pathau tagok urang pan akaok jabat khik ramik je labik urang kak je daok tavak je, pasang iek brei pacang sraiy. Urang pan kaok jabat khik ramik je labik urang kak je daok tavak je mbaoh tangin brei tabiak harak pacang sraiy veik.

Thông tư 69 jeng hu tacei pato cambaih laih bruk brei thau saong payua harak pacang sraiy. Tui nan, gah khik ramik sraiy atau gah hu brei bruk langyah sraiy ba bruk pacang sraiy tame ứng dụng khik ramik je dalam 5 harei ngak bruk kuhria meng harei harak pacang sraiy hu tabiak./.

Urang lang: Musa-11/8

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân