Bruk ngak harak gar piah hu trun meneing jien pah taneh

Sarak hu pandar ka dom doanh nghiệp, kapul nyaom, baoh sang, menuac urang daok hu Karja brei pah taneh tapak tui quyết định atau tui harak pambuak bruk di jabat karja hu thẩm quyền, tui jalan bayar jien pah taneh yaok thun, njauk padeih ngak meng mbang meng 15 harei tagok mkayua jit COVID-19.

Daok tanut trun yaom jien pah taneh, sarak tacei cambaih bruk trun 15% jien pah taneh njauk buh tame dalam thun 2020 di dom urang pah taneh nan, oh trun jien pah taneh daok tavak di dom thun dahlau di thun 2020 saong jien suai buh tame (meyah hu).

Sarak hu pandar ka urang pah taneh hu rilo bruk ngak mbang pablei salih karei di gauk min tok padeih 1 bruk ngak mbang pablei salih di labik taneh daok hu Karja brei pah taneh tapa.

Harak gar trun jien pah taneh hu: harak likau trun jien pah taneh thun 2020 di urang pah taneh, harak pambuak bruk pah taneh  di jabat karja hu thẩm quyền (bản sao).

Sarak jeng tacei tabiak bruk ngak harak gar likau trun jien pah taneh. Tui nan, urang pah taneh ngak harak likau trun jien pah taneh (tui jalan điện tử atau jalan ngak karei) brei ka gah thuế, mBan khik ramik bhum kinh tế, mBan khik iek Khu công nghệ glaong glaong, jabat karei tui quy định di adat hukum kuhria meng harei 10/8/2020 tal abih harei 31/12/2020.

Meyah ngak harak gar meng harei 1/1/2021 mai ini oh hu trun jeng pah taneh tui Sarak ini.

Iek tui harak gar likau trun jien pah taneh  di urang pah taneh ngak, dalam vaktu oh tapa 20 harei kuhria meng harei taduan hu ginup harak gar, jabat hu thẩm quyền brei tacei tabiak yaom jien pah taneh hu trun saong tabiak harak brei trun jien pah taneh tui adat hukum ka mek jien pah tanegh.

Meyah urang pah taneh hu jabat hu thẩm quyền brei trun menreing jien pah taneh tui Sarak ini, min hadei di nan mboh lac urang pah taneh oh daok dalam dom menuac hu trun jien pah taneh tui Sarak, urang pah taneh njauk bayar veik kadung jien karja yaom jien pah taneh hu trun saong jien suai nộp kuhria tui jien hu trun tui quy định di hukum ka khik ramik je.

Meyah urang pah taneh hu nộp blaoh jien pah taneh di thun 2020 hadei di tuk jabat karja hu thẩm quyền pasang iek, brei trun jien pah taneh hu labiah jien pah taneh ye jien labaih nan hu kaoh tame jien pah taneh di mbang hadei atau thun hadei tui quy định di hukum gah khik ramik je saong adat hukum karei hu pambuak tal./.

Urang lang: Musa - 25/8

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân