Hu tal 45% menuac sia dunya biak kan ndih, dalam nan hu rilo menuac melam oh ndih hu gam saong pandik akaok ngak kan kandah tal bruk ngak mbang, ngak huak. Ini hu mong lac bruk pren yava di saman ini tuk menuac njuak ruak ini hu gam urang daok ranaih, urang prong saong urang taha umo. Kadha “urang iek ruak” adit ini, khaol drei duah thau ka makna ba tal ruak ini piah thau jalan pacang caga nye!

Kapul Bác sĩ daok iek ruak ka mikva Cam 


Tui dom chuyên gia, makna ba tal pandik akaok, ndih oh var yau sap ron sir, lệch múi giờ, căng thẳng, stress, menyum alak mbia, njuk pakao, menyum cà phê, tea… tok lac bruk di anak meta saong mbuan pasiam hu.

Makna mai meng ruak kik atau dom salih karei dalam rup pabhap anek manuac meng lac dom makna praong saong ba tal rilo trak damak. Dom ruak yau pandik talang khớp, saluah dạ dày, trầm cảm, … meng lac makna ngak ka urang ruak oh ndih van hu saong mboh pandik akaok di harei hadei. Lingiu di nan, bruk menyum dom janih jru pasiam ruak, gaok mai lac dom janih jru ndih, jru pandik akaok jeng hu dom tác dụng phụ lac pandik akaok, ngak srau dhau nhịp sinh học di rup pabhap.   

Dalam dom makna nan daok hu 1 kadha praong lac dom tổn thương di glo akaok, kayua glo akaok lac pasak điều khiển yaok hoạt động di rup babhap, dalam nan hu bruk medeih – ndih di anek manuac.

Yau nan kayua habar urak ini hu rilo menuac njuak tổn thương glo akaok, meng urang ranaih tal urang taha dalam tuk oh hu sa tác động meng gah lingiu halei? Dom urang ilamu hu panuac javap jaleiy hadei di rilo thun roh duah tui jalan sinh học phân tử.  

Roh duah brei mboh, dalam tuk chuyển hóa năng lượng di rup babhap menek tabiak dom "phế phẩm"  lac dom phân tử hu điện tử oh tani tanat, daok iew lac gốc tự do, nyu meda gam gam tấn công dom tế bào dalam rup, abih di nyu lac dom tế bào thần kinh saong rak darah di glo akaok, ba tal taha rup babhap jeng yau yaok rituh janih ruak kik di anek manuac. Tuk khaol drei daok dalam  labik njom nerak, taom gaok bức xạ jhak, căng thẳng glo akaok, pandar rilo hoá chất, alak bia, pakao hala, kurang ndih, njuak dom ruak kik… meda ngak ka rup pabhap drei menek tabiak gốc tự do rilo jang. Nyu tấn công dom noron thần kinh saong dom rak darah glo akaok ba tal srau dhau vận mạch saong thoái hóa tế bào thần kinh glo akaok, ngak ka urang ruak pandik akaok saong pandik meteh akaok. Taphia di nan, bruk glo akaok njuak tổn thương ngak ka trung khu điều khiển saong pasang iek  bruk ndih di glo akaok jeng srau kadau ba tal oh ndih var saong kan ndih.

Tui PGS. TS Vũ Anh Nhị, akaok Hội Thần kinh học TP.HCM, urak ini, hu oh takik menuac njuak pandik akaok, kan ndih bhian duah tal dom janih jru an thần saong jri ndih, suai lavik meda jhak tal pren yava. Salih tame nan, dahlau di abih urang ruak njuak duah thau ka bruk pandik akaok, kan ndih nan nyu mai meng halei piah hu jalan iek ruak ka nyu njuak. Meyah makna lac kayua gah lingiu ye salih labik meda ndih hu bingi. Daok dom urang njuak pandik akaok kan ndih kayua njuak dom janih ruak yau ndom angaok nan, njauk pasiam dom ruak daok njuak saong pandar dom janih pandap daong pabak tame piah ndih hu bingi jang./.

Urang lang: Jasi


HỆ PAPAR SAP BANGSA VOV4 BHUM BAN RAYA HCM

Labik daok: 75 Trần Nhân Tôn, Phường 9, Quận 5, TP.Hồ Chí Minh
Yam ndok : Trần Văn Thao
Phaok yam ndok: Cao Thị Thoa, Trần Xuân Thân