Ong Lê Khả Phiêu abih hatai sangka tal quyền lợi di bhap bani. Gam haong bruk paglaong bruk mbang angui kinh tế, an sinh xã hội, ong daok brei peih prong saong patagok dân chủ cơ sở; mong nan lac sa bruk ngak prong saong samar drah piah patagok quyền ngak po di bhap bani pak puk palei, labik peih ngak tapak taong abih dom sarak di Đảng saong karja

Tổng Bí thư Lê Khả Phiêu 

Tukvak ong  Lê Khả Phiêu hu pok ngak Tổng Bí thư, bruk salih bahrau meng Nyaom roya VI di Đảng thun 1986 mek hu jak jeng tuk akaok mereip; kinh tế - xã hội taneh aia cak rok patagok samar, rai diuk di bhap bani hu salih bahrau. Yau nan min, gam haong bruk peih ngak dom jalan ngak mbang cak rok patagok kinh tế thị trường tui jalan xã hội chủ nghĩa, mbeik drei yam tame dunya, ye bruk suy thoái đạo đức, blat hatai saneng, tham ô, tham nhũng... dak harei daok rilo, njauk báo động. Nan jeng lac tukvak dom kaol kanjah jhak jhul khang bruk cagar veik tui jalan “diễn biến hòa bình”. Dalam tuk hu bruk yau nan, Tổng Bí thư Lê Khả Phiêu kham merat jhul khang bruk dak padang, pasiam veik Đảng. Saong harei 2-2-1999, Sarak di Nyaom biai mbang ka 6 (mbang 2) Ban Chấp hành Trung ương Đảng (khóa VIII) ka dom kadha praong saong samar drah dalam bruk dak padang Đảng urak ini hu tabiak rai.

  Gam haong jhul khang bruk pacang tham nhũng, pasiam veik saong dak padang Đảng hacih sa-at, khang kajap, yaom lac daok hu rilo panuac karei di gauk, min Tổng Bí thư Lê Khả Phiêu jeng daok brei peih bruk ngak mbang kinh tế thị trường tui jalan xã hội chủ nghĩa, oh brei ngak veik kinh tế bao cấp. Makna di baoh panuac “kinh tế thị trường tui jalan ba di xã hội chủ nghĩa” hu brei thau cambaih dalam bruk yau nan, saong hu dom mbang nyaom roya đảng hadei di nan ngak brei cambaih jang meng panuac ndom tal jalan ngak.  

Piah pasiam veik bộ máy, paglaong pren mesruh di Đảng, Tổng Bí thư Lê Khả Phiêu hu ba tabiak bruk pataom veuk, yah klak, atau brei padeih bruk di dom mban, bộ phận dalam tổ chức Đảng. Ong ndom cambaih, bộ máy pal akaok di Đảng njauk takik veik meng ngak bruk hu siam; oh cồng kềnh, oh kateik angaok gauk meng cakak hu bruk quan liêu, tham nhũng, palai pajua… Tổ chức Đảng njauk khang kadang, yasa haong gauk, gul pataom meng pal kaok taneh ia cak rok patagok, kaya meda hu. Đảng khang kadang jeng tok piah patagok taneh aia, khik ka rai diuk di bhap bani dak harei dak trei sil, haniem phol. 

Ong Lê Khả Phiêu abih hatai sangka tal quyền lợi di bhap bani. Gam haong bruk paglaong bruk mbang angui kinh tế, an sinh xã hội, ong daok brei peih prong saong patagok dân chủ cơ sở; mong nan lac sa bruk ngak prong saong samar drah piah patagok quyền ngak po di bhap bani pak puk palei, labik peih ngak tapak taong abih dom sarak di Đảng saong karja. Meng hatai saneng yau nan di Tổng Bí thư Lê Khả Phiêu, harei 18-2-1998, Mentri Chính trị khóa VIII hu tabiak Sarak 30 ka dak padang saong peih ngak Quy chế dân chủ di puk palei piah peih ngak Sarak Trung ương 3 khóa VIII ka bruk cak rok patagok quyền ngak po di bhap bani. Gam haong bruk pasiam veik Đảng, ini jeng lac sa kadha praong njuak ndom tal di ong Lê Khả Phiêu. 

Bhian lac 1 urang lin, prong tagok meng apui thak di dom mbang mesruh metak di taneh aia, meng Binh nhì thun 1950 tal Thượng tướng thun 1992; dalam Tổng Bí thư Lê Khả Phiêu tuk halei jeng bình tĩnh, khang hatai jia, sahneng duah bahrau dalam taong abih bruk. Kuhria gam dom mbang nyaom biai prong, hu dom panuac ndom oh njauk hatai haong thei, phê phán trak, ong tuk halei jeng la-an hatai, bình tĩnh tui pang, hadei di nan meng duah jalan langyah, ngak brei cambaih laih.

Phẩm chất urang lin Wa Hồ nan lac jaik taphia bhap bani, ngak njauk tui kỷ luật tổ chức, klaak tapa kein laba di rup drei brei ka kapul nyaom, tuk halei jeng khin peih praong meta maong… brei mboh dalam luac tukvak ngak bruk di ong Lê Khả Phiêu, yaom lac ngak hagait, pan bruk halei. Thun 1998 saong 1999, dalam dom mbang nao pasang iek ribuk aia sua di bhum kreh negar saong gah meraong, ong tathal khar pha luai aia tame rivang, pachreih ba yaok baoh sang bhap bani njauk aia sua. Ong ndom lac, hu nao tal labik,hu ndom biai haong bhap bini meng mboh cambaih, blaoh hu sarak, hu jalan ngak ka nyu njauk.

Dalam tukvak labuh ruak, urang dahlau diah ngak Tổng Bí thư Lê Khả Phiêu hu “kakei” lac tuk lahik nao ye brei ndih veik di Mblang kabo Mai Dịch (Hà Nội), kayua lac meyah nao palei ye njaukc likau taneh, peih ngak bruk nao mai, padang ngak glaih glar, ngak glaih bhap bani, abih rilo jien padai ka karja saong bol bhap rah ra… Ong  patak pataom, pabiar rup mbiah tal tuk metai./.

Urang lang: Jasi-14/8

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân