Kapol “Triều đại Việt” tabiak langyah sơ thẩm

80 janih pandap kaya nong siam abih hu palih ruah meng 1.450 pandap kaya nong di taong abih dom bhum palei dalm negar hu pok meyaom brei angan lac “ Angan ameh kaya nong Viet Nam” thun 2020 di var pok meyaom kayua Tổng hội Ngak nongsaong patagok palei pala Việt Nam peih ngak di Ha Noi harei 20/9. Thứ trưởng Mentri Ngak nong saong patagok palei pala Phùng Đức Tiến ndom lac, bruk pok meyaom ini hu makna pachreih ba dom palei, doanh nghiep daok kham merat daong ka urang nong paglaong bruk ngak tabiak rilo kaya nong siam, hu labik pablei dalam tuk jit Covid-19 daok rah tabiak srau kadau.  

Anak khut khat trak kayua ribuk ka 5 rah tabiak ka jalan điện di tỉnh Thừa Thiên Huế, 2 harei tapa, Tổng Công ty Điện lực bhum kreih negar ba abih pren dong ka Thừa Thiên Huế rami ramik jalan điện. Công ty Điện lực ban Đà Nẵng song Điện lực dom tỉnh Quảng Nam, Quảng Ngãi, Quảng Bình, Quảng Trị, Công ty Dịch vụ Điện lực bhum kreik negar song labaih 550 urang jakar, menuac ngak di Công ty Điện lực Thừa Thiên Huế pataom tame ngak pasiam veik jalan điện, kham merat tal melam ni meda ngak salah bloh. Jiak 200 gieng điện jaoh jaleih, paleng saong yaok rituh bilai biến áp di ban Huế, huyện Hương Trà, Phú Vang, khut jaleih kayua ribuk ka 5 meda hu pasiam veik piah ba điện pabak ka bhap bini Huế tani tanat rai duik hadei di ribuk. 

Harei ini 21/9, Tòa án bhap bini Ban raya Hồ Chí Minh hu ba 17 urang di kapol “Triều đại Việt” tabiak langyah sơ thẩm ka bruk “khủng bố piah cagar veik karja bhap bini” tui Paka 113 Hukum Hình sự thun 2015. Langiu duas nan, urang pan akok bruk nan lac Nguyễn Khanh ndih tapui thun 1964, daok di palei Thái Hòa, xã Hố Nai 3, huyện Trảng Bom, tỉnh Đồng Nai daok hu duas “ngak tabiak, khik piah, blei pandap patuh suan hukum” gam saong klau bị cáo karei tra. Ini lac bruk ngak suan pambak tal salamat negar kayua kapol “Triều đại Việt” ngak, tui jalan phao karaong, khủng bố piah pajaleih Karja Cộng hòa xã hội chủ nghĩa Việt Nam. Mbang langyah tui kuhria hu peih tabiak dalam dua harei.

Harei ni, Hãng kapan haoh pakat negar Vietnam Airlines brei thau bruk pajeng ba tuai dalam negar hu jiak 40 ribau mbang tuai, tagok jang 12% duh song tuk vak ni thun 2019. Bruk patagok brei mboh bruk pasiam veik di jalan par dalam negar dalam tuk jit Covid-19 mbang ka 2 di Việt Nam dok pasang iek hu. Dom hãng kapan haoh jeng brei thau lac jalan par dalam negar daok hu siam veik jaik abih. Dom hãng kapan haoh dalam negar jeng hu peih dom jalan par bahrau dalam taneh ia piah tagok bruk palih ruah ka tuai.

Phạt kak sa mbao padai kayua taong chap ikan di craoh. Nan lac jalan di bhap bini palei Bướt, xã Chiềng Yên, huyện Vân Hồ, tỉnh Sơn La ngak dalam 10 thun ini mai piah khik craoh ikan saong kayau patau di palei. Meng nan, craoh rilo taphon ikan oh huac di manuac hu khik ramik saong jeng labik rivang main dalam tuk mai tal palei Bướt di tuai damuai. Oh lac ba tabiak hukum palei khik caga craoh ikan, bhap bini di palei Bướt daok thau khik langik tasik alam moi truong. Ngan saong urang, kayau patau langik tasik lac sa binah kak kajap saong raidiuk puk palei, urang iek bruk khik caga alam langik tasik yau khik caga baoh sang di drei.

Di tuk Pahadar harei iek prong urang umo prong (21-9), Mintri Nội vụ Japon brei thau, dom menuac umo labaih 65 thun atau glaong jang mek hu kỷ lục 36,17 triệu, tagok 300.000 urang duh song thun dahlau. Bruk urang umo prong kuhria tui akaok menuac dalam negar Japon lac jiak 29%. Tui yaok pataom di Liên hợp quốc, bruk urang umo prong thun di Japaon lac glong abih di dunya. Tui kuhria, 30% urang taha di Japon dok hu bruk ngak, lac dang di tanut glong abih dalam dom taneh ia ngak cong patagok .

Meng harei paguh 22/9, dom urang ngak praong di dunya hu brei panuac anak Đại hội đồng Liên hợp quốc. Thun ini, piah khik hu salamat dalam tuk jit Covid-19, dom urang ngak praong brei panuac tui jalan online saong mbang ginum biai di Đại hội đồng Liên hợp quốc di Niu Yooc peih ngak tui jaln online. Tổng thống Mỹ Đô-nan Trăm, akok negar Trung Quốc Tập Cận Bình saong tổng thống Nga Vlađimia Putin lac dom urang ngak praong brei panuac dalam harei camereip. Dahlau di tuk peih nyaom biai di Đại hội đồng Liên hợp quốc, Tổng thư ký Liên hợp quốc An-tô-ni-o Gu-tê-rét hu panuac iew taong abih bhap bini di dunya jum pataom gauk piah pacang jit Covod-19 saong bien ndoi khi hau.

Harei ni, dom urang jakar Ấn Độ brei thau lac hu peih pambah mbang veik kadhi Taj Mahal di ban Agra piah dui pachreih tuai du lịch yaom lac jit ruak jeng dok rah tabiak srau kadau saong negar ni meda yam tapa Mỹ ka urang njom ruak COVID-19. Tui nan , dom jalan paatah di gauk dok hu pandar dalam tuk dom tuai mai rivang kadhi Taj Mahal tok brei 5.000 urang sa harei, samu 25% duh song tuk vak oh ka hu jit ruak. Kadhi Taj Mahal lac sa dalam dom labik rivang main hu angan abih di Ấn Độ, pachreih hu 7 triệu mai rivang yaok thun. Kayua jit COVID-19 tamuh tabiak, kadhi ni njauk kreih pambah mbang meng bilan ..3 meng bloh

Urang lang: Ái Nghiêm – Hani Pha – 21/09 16:27:18

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân