Cập nhật ngày: 12/6/2014

Tui urang lambaok di cục y tế dự phòng, viêm glo akaok NB atau daok ieu lac viêm glo akaok bilan hè, viêm glo akaok B. Ini lac sa ruak nhiễm trùng chip ngak tổn thương glo akaok TƯ, bhian tamuh tabiak dalam bilan hè. Virus viêm glo akaok NB lac tác nhân ngak brei ruak. Ruak bhian mboh ralo di uranaih umo ala 15 thun, abih di nyu nan lac dom uraniah umo meng 2 tal 6 thun, lac umo mbuan njauk ruak di abih, meblah jaik 75% dalam dom uranaih njauk ruak. Ruak meda hu luac thun, min mboh ralo dalam bilan 5, bilan 6 saong bilan 7, urang  njauk ruak tagok glaong. Urak ini langik pandiak lac lagaih ka ruak viêm glo akaok mbuan tamuh tabiak di uranaih sit. Meyah mboh uranaih sit pandiak glaong, taluk ta-aok brei ba nao tal sang iek ruak chip. Yau dom janih viêm glo akaok karei, viêm glo akaok NB lac sa dalam dom ruak caik veik di chứng biak trak. Ruak ngak brei metai (meng 10 tal 20%) atau di chứng thần kinh yau động kinh, patrun học lực, gila, pran, ndom puac oh pang jeng. Dom di chứng thần kinh yau nan bhian ngak brei jaoh jo, lahik pren ngak bruk, jeng naong trak ka baoh sang saong xã hội. Tal urak ini, viêm glo akaok NB B jeng yau dom ruak karei kayua siêu vi rah tabiak lac ruak oh ka hu jru đặc trị. Iek ruak ralo meng lac patrun meneng dom triệu chứng, daong ka urang ruak klah metai kayua suy hô hấp, trụy tim mạch. Hadei di nan, pasiam dom di chứng, pasiam bruk nao mai…., min bruk pasiam ini mboh biak takik hu.

Njom virus viêm glo akaok NB bhian oh hu triệu chứng. Ruak pambak tapa jalan jamuak kaik. Tukvak ủ ruak meng 5 tal 15 harei. Dom triệu chứng di ruak nan lac: pandiak chip, pandik akaok, khang takuai, mê sảng, uranaih meda var drei… hia ralo tuk uranaih salih tư thế atau gồng khang rup. Ruak viêm glo kaok NB mbaih tal urak ini oh ka hu jru iek ruak đặc hiệu, min meda pacang cakak hu. Piah pacang cakak ruak viêm glo akaok NB B, cục y tế dự phòng, mintri y tế hu panuac kakei dom amaik ame dom bruk yau ini:

Klauk vac xin viêm glo akaok NB B ka uranaih ginup saong njauk harei melam, klauk mbang sa tuk uranaih hu umo sa thun, mbang dua hadei di mbang sa meng sa tal 2 adit; mbang 3 hadei di mbang dua sa thun. Hadei di nan meng 3 tal thun klauk veik sa mbang mbiah tal tuk uranaih tapa 15 thun. Vcaxin viêm glo akaok NB hu dom phản ứng hanjul hadei di tuk klauk jru nan lac brah meriah di labik klauk, pandik, pandiak, pandik akaok. Dom bruk ini nyu abih hadei di dom harei. Dom phản ứng phụ trak bhian takik mboh. Uranaih brei klauk jru njauk harei melam, meyah oh njauk harei melam, nyu meda ngak patrun siam lagaih di vaccin klauk tame, gaok tuk daok lahik tác dụng. Ngan saong dom jalan ngak pacang cakak karei nan lac tuk ndih kamo, cuk khan ao atah, pandar dom janih pateok jamuak piah nyaik jamuak kaik. Hu 2 janih jamuak bhian pambak ruak nan lac jamuak Culex Tritaeniorhynchus saong Culex vishnui. Dua janih jamuak ini bhian daok di hamu padai ia saong melam mai nyu par nao labik hu ralo menuac saong athur piah njuk darah. Puh ramik hacih sa-at labik daok, labik raong glang, jah tak phun kayau, ngak paha atau lum dom cống rãnh, bhian pametai jamuak, bọ gậy, lăng quăng./.

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân