Cập nhật ngày: 11/12/2014

Urak ini Ayut bhian kan ndih, ndih srieng, kalik kachuh, mboh glaih glar hadei di tuk ndih tagok? Brei iek veik tư thế ndih di drei.

 

Kol drei caik 1/3 rai di drei piah ndih min oh lac thei jeng ndih bingi. Sa melam ndih bingi nyu ngak ka drei mboh bui sambai saong pren yava khang kadang jang. Cagar veik, meyah ndih oh bingi nyu ngak jhak ka pren yava, meng béo phì tal var anak, var likuk. Dom chuyên gia y tế mboh lac ndih ndang lac tư thế siam di abih ka talang lasuk saong takuai. Njauk palih ruah janih tul siam piah daong ka talang lasuk saong rung oh kaong kavong dalam ralo tuk ndih. Ngan saong sa baoh patal lipih, ndih yau ini nyu daong ka takuai ayut takik áp lực jang. Min, pandar ralo patal nyu ngak ayut kan suak yava.

Tuk ndih ndang, mbaok ayut gaok không khí, oh paoh tame tanyaik nan ye takik hu dom nếp nhăn. Min, srieng saong padeih suak yava meda hu ralo jang tuk ndih ndang.

Ndih paleng lac bruk bhian mboh abih di menuac sia. Ndih paleng gah ieu hu pachreih ngan saong urang kamei metian kayua nyu pasiam bruk ba darah nduac tal baoh hatai, ba mai siam lagaih ka amaik saong anek. Ndih paleng gah ieu jeng mboh lac nyu ngak patrun ợ pandiak saong trào ngược a-xít. Min ndih paleng nyu kateik catang tagok dạ dày saong phổi, ngak ka tangin mbuan pranh, drah takik nao tal dom bộ phận, meda ngak pandik cơ bắp saong talei thần kinh. Ndih paleng sa gah jeng kateik trak tagok cơ bắp di bara, takuai, meda ngak ka tasau chảy xệ. Ini lac vị trí ndih hu iek lac ba mai ralo bất lợi di abih, langiu dom kein lagaih nan lac daong patrun srieng saong patrun bruk padeih suak yava tuk ndih. Ndih pakhuak ngak dom đường cong tự nhiên di talang lasuk ayut nyu salih karei, nyu kateik trak abih labik dalam rup pabhap. Oh ka ndom tal, tuk ndih pakhuak, mbaok di ayut mbaiy tapa sa gah, gaok tul atau patal luac melam mbuan ngak pandik takuai, hu ralo nếp nhăn saong mụn di mbaok. 

Ndih yau anek kamar daok dalam tian nan lac sa dalam dom tư thế ndih jhak ka dua. Ndih yau nan nyu ngak brei pandik takuai, pandik ka-ing, hu ralo nếp nhăn di mbaok, tasau chảy xệ, pacang bruk suak yava dalam. Daok ndih yau anek kamar dalam tian, kayua kaok ta-uk saong kang njauk jhul tame dalam cada nan ye ka-ing saong dom talang di ayut jeng oh siam./.

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân