Cập nhật ngày: 12/6/2014

1/ UV mintri Chính trị, Akaok Ủy ban Trung ương Mặt trận negar VN Ong Nguyen Thien Nhan bahrau hu var ngak bruk song kapul ngak ikan VN ginum biai jalan patagok bruk tong ikan tui jalan ngak bahrau saong khang kajap. Ong Nguyễn Thiện Nhân lac

Dahlau di abih ini lac bruk rik dong tapakpiah khik ramik bruk tong chap ikan,  tapa nan ieu pataom rilo menuac urang, tuk hu cambaih bruk  ye menuac sia meng buh jien tame. Yaom lac hu danak dak dong ngak bahrau 1000 kapan pasei tui pok jien dong bahrau hu QH brei tapa, ye kapan gaiy di urang tong chap ikan dok biak rilo. Kadha prong di labik ni nan lac ngak yau habar brei caik hatai sangka tal urang tong ikan hu gaiy kapan ngak meng kayau, gaiy sit siam jang, kein laba jang   

 

2/ Mbang tangi sua akaok mintri jien padai Đinh Tiến Dũng pachreih hu bruk sangka di cử tri tỉnh yên bái. Abih di nyu nan lac dom bruk yau nợ công, bruk salih yaom, bleik saleik dalam pablei salih, jeng yau bruk pasang iek, tani tanat yaom kaom darak pasar, yaom kaom dom pandap pandar yaok harei. Daok bruk jru tavao saong khik ramik yaom jru iek ruak di darak pasar, cử tri Nguyễn Thị Thảo daok di xã tân Phượng, huyện Lục Yên, tỉnh yên Bái brei  panuac lac:

Dahlak hu anek sit saong amaik taha nan ye bhian menyum jru, gam sa janih jru min dahlak mboh yaok labik pablei yaok  yaom karei di gauk, dahlak oh thau labik halei lac yaom biak. Kayua yau nan ye dahlak caong khin rajaei, mintri jien padai, mintri y tế brei hu jalan ngak halei nan piah tani tanat saong khik iek yaom hu siam jang piah bhap bini kol dahlak hu menyum jru njauk yaom biak di nyu”.

 

3/ Bahrau ni, kapul ngak bruk di UB bangsa QH hu ngak bruk song tỉnh Sóc Trăng ka bruk patrun kan kathaot dalam bhum urang bangsa takik. Ub bangsa tong yaom glong tình ST hu buh jien tame patagok bhum urang bangsa Khmer. Anak tal, tỉnh ST brei jhul pakhang bruk ba ilamu khoa học tame bruk ngak mbang pala drak di dom bhum atah bayah, bhum urang bangsa takik.  

 

4/ Labaih sa bilan ini mai, kapul ngak ikan ban sit Đà Nẵng taduan hu 5 tỷ đồng meng dom kapul nyaom, menuac urang daok dalam saong langiu negar daong ka urang taong cap ikan, jien ini, kapul ngak ikan ban sit hu payua tal urang taong cap ikan gaok kan kandah, ralo meng lac hu kapal khut kayua dom kapal TQ paoh, ginuh atau gaok bala angaok tasik. Ong Trần Văn Lĩnh, akaok kapul ngak ikan ban sit ĐN brei thau:

Yaom lac TQ dak harei dak jhak jang, min kol dahlak oh huac. Hu daong pren di  bhap bini dalam taneh ia, hu daong khik caga di kapul kiểm ngư, cảnh sát tasik, urang ngak ikan kol dahlak jeng daok tabiak tasik piah gam ngak gam khik caga palei negar”.

 

5/ Di ban sit Gia Nghĩa Tỉnh đoàn Đắc Nông song kapul liên hiệp dam dara tỉnh Mun-đun-ki-ri negar Cam-pu-chia hu peih mbaok danak dak ginum biai ngan saong kadha “Dam dara ba gauk padang ngak palei pala bahrau” song peih bruk ndom nyai nao mai, pambuak talei rohim di dam dara 2 tỉnh.

 

6/ Dalam dom harei tapa, dam dara ban sit Cần Thơ chreih chrai rik pataom hu jaik 265 triệu đồng daong ka urang lin tasik saong dom kapul daok ngak bruk di kaoh pulao HS, TS. Rilo sang bac dalam ban sit, hu rik pataom piah padang dom mô hình cột mốc TS, HS di mblang bein sang bac. Ini hu iek lac dom thaot binguk tapak piah pato pakai dom rai rah dam dara thau ranam taneh ia, palei negar.  

 

7/ Piah klah njauk bọ xít kaik nyuk darah, Cục Y tế dự phòng (mintri Y tế) hu panuac kakei bhap bini bhain puh ramik hacih sa-at labik dok, abih di nyu nan lac dom labik pasah. Bhian ndih kamo, tuk njauk bọ xít kaik brei rao chip meng sabon, jhui kharao di labik kaik. Meyah labik kaik nyu brah, brei nao tal cơ sở y tế piah hu iek ruak caga dị ứng song nhiễm trùng. Abih di nyu nan lac, oh brei kharao atau tong metai bọ xit di angaok tangin drei, kayua nyu meda ngak ka labik kaik nan nyu trak jang

 

Patui di ini dom khau tin dunya:

8/ harei 11/6, di tỉnh Xa-văn-na-khệt hu rah tabiak bruk peih pakak labik pahadar chủ tịch HCM, urang hu buh pren padang tabiak Đảng cộng sản đông dương. Hu mbaok di tuk peih pakak hu bí thư tỉnh ủy, tỉnh trưởng Xa-văn-na-khệt;  ong Nguyễn Nam Cường Tổng lãnh sự Việt Nam di Xa-văn-na-khệt, lambaok ka Đại sứ quán Việt Nam, bhap bini puk palei nan saong mikva việt kiều daok di gah meraong Lào.

 

9/ Tổng thống Hàn quốc Pắc Cưn Hê (Park Geun-hye) hu chỉ định thủ tướng bahrau song urang dang akaok jabat tình báo negar ni. Ni lac sa dalam dom kham merat di rajaei piah mek veik hatai jia di bhap bini hadei di bruk kram phà Xê-uôn (Sewol) di bilan 4.

      

   10/ Braxin patabiak bruk khẩn cấp di mban Parana jaik biên giới Áchentina kayua ia ndik ia sua biak khang. Ban Cu-ri-ti-ba, daok di gah timur Parana, lac sa dalam dom labik hu rah tabiak dom mbang dit blaong World Cup 2014 jaik tal, oh gaok kan kandah hagait meng ia ndik ia sua. Braxin hu tabiak bruk khẩn cấp di 75 ban praong saong ban sit dalam mban Parana.Ralo labik di Parana hu hajan rilo jang sa mbang meteh duk saong meng akaok bilan 6 ini./.

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân