Cập nhật ngày: 12/6/2014

1/ Harei 11/6, Phó Thủ tướng Nguyễn Xuân Phúc hu taduan raok ong Jitendra Sharma song kapul Luật gia dân chủ dunya. Di tuk taduan raok, Phó Thủ tướng Nguyễn Xuân Phúc brei panuac ndua dar phol kapul Luật gia dân chủ dunya song ong Jitendra Sharma hu pok sap pachreih tui VN anak bruk TQ ba padang suan adat hukum giàn khoan Hải Dương – 981 dalam bhum tasik di Việt Nam. Phó Thủ tướng Nguyễn Xuân Phúc cong khin Kapul Luật gia dân chủ dunya patui jalan pachreih tui tuk VN daok ngak njauk tui adat hukum dunya piah khik caga chủ quyền taneh ia, đấu tranh kayua công lý song hòa bình dalam khu vực song di dunya. Phó Thủ tướng Nguyễn Xuân Phúc ndom lac, Vn tuk halei jeng palagaih brei kapul Luật gia Việt Nam ngak siam bruk lac sa thành viên di kapul Luật gia dân chủ dunya.

 

2/ Mintri padang ngak barau patabiak thông tư tacei pato jhul samar tukvak peih pok jien brei mesraiy yaom 30.000 tỉ đồng daong ka urang blei sang daok xã hội. Mintri padang ngak caong khin dom puk palei samar langyah dom tavak tavaiy gah harak gar, brei adat salih karei dom dự án sang daok pablei salih tui caong khin di po đầu tư piah rik daong patagok parilo sang daok xã hội.

3/ Kuhria tal harei ini, hu labaih 200 kapul, urang di tỉnh NT rik daong kadung jien “Kayua Trường Sa anit ranam” labaih 1 tỷ đồng song rilo pandap panda karei karei. Ông Quang Văn Hòa dok di  phường Tấn Tài, ban sit Phan Rang –Tháp Chàm lac:

(Băng- 12s:  Angaok thu, khaol hulin hu ginup abih cơ sở vật chất, dok dom urang lin dok langiu tasik  biak kurang rilo janih, yau nan ye rik tame hasit piah dong ka urang lin di khaol drei. 

4/ Di ban raya HCM, kapul chữ thập đỏ VN barau peih diễn đàn “truyền thông ka bruk khik caga uranaih saong thanh thiếu niên dalam bruk ngak chữ thập đỏ”. Dalam nan, kapul chữ thập đỏ dom pakat patui paglaong bruk ngak dalam bruk duah mboh saong pambuak bruk langyah chip dom urang gây tổn thương ka uranaih.

5/ Di LA, mintri ngak nong song patagok palei pala bahrau peih nyaom biai pataom iek veik  bruk blei khik piah padai brah di bhum taneran krong CL. Dom tỉnh ban dalam bhum tong yaom lac, bruk blei khik piah padai brah bilan Đông xuân 2013-2014 di rajaei nan lac njauk tukvak, dong pacang bruk trun yaom padai brah di angaok darak pasa, dalam tuk bruk pablei brah tabiak negar langiu dom bilan akaok thun daok gaok rilo kan kandah ka labik pablei tabiak.  

 

6/ Tui chi cục thủy lợi tỉnh Hậu Giang, dom labik mbuan glut jaleih pataom ralo di dom jalan kraong Cái Côn, Mái Dầm, Cái Dầu, Ngã Sáu dalam huyện Châu Thành saong ban sit Ngã Bảy. Urak ini, dalam tỉnh Hậu Giang hu 12 labik glut jaleih, parilo labik glut jaleih di puk palei ini meng thun dahlau tal urak ini nan lac jaik 40 labik.

 

7/ 5 thun tapa, MT negar VN tỉnh AG hu jak ba song padang labaih 12 ribau 800 boh sang song pasiam veik labaih 4 ribau boh sang prong jum patom, padang hu rilo mô hình siam, jalan ngak gheih dalam bruk jak ba kadung jien song dong ka urang kan kathaot yau “Kapul ngak sang, padang tatua”, “ radeih pajeng urang ruak oh mek jien”, “ kadung jien patak patom brei ka urang kumei kan ktahoat”.

 

Patui di ini dom khau tin dunya:

8/ Tổng thư ký Liên hợp quốc Ban Ki-mun pok meyaom rajaei Cô-lôm-bi-a saong gah nổi dậy cánh tả bol bala peih paha negar hu peih dom bruk ginum meyai sron mbon. Bruk ginum meyai rah tabiak dalam tuk Côlômbia kuhria caga bầu cử tổng thống vòng 2 di taneh ia ini di harei 15/6 tal. 

9/ Bahrau ni, hu labaih 30 ribau urang, dalam nan rilo meng lac anek saih song SV tuk tabiak dom jalan di ban ine San-ti-a-gô (Santiago) negar Chilê brei panuac ieu salih bahrau bruk pato pakai, daok hu pok tagok QH Chile mong iek. Mbang trun jalan jeng hu rah tabiak di rilo ban karei di Chile min nyu sit jang

 

10/ Urang kamei metian, brei anek mum atau daok khin metian jeng yau uranaih sit brei hu rilo ikan hu hàm lượng thủy ngân biar dalam var mbang huak piah patgok pren yava saong pabak ginup dinh dưỡng ka bruk praong tagok di uranaih. Ini lac panuac kakei hu jabat pasang iek jru tavao saong pandap mbang Mỹ ba tabiak dalam harak dự thảo cập nhật pambuak tal hàm lượng thủy ngân dalam kaya ikan./.

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân