Cập nhật ngày: 2/7/2014

1/ Harei kabroi, akaok negar Trương Tấn Sang hu nao rivang, brei pandap song pachreih dom lực lượng cảnh sát tasik song kiểm ngư VN yam tapa kan kandah, kham merat đấu tranh piah khik caga chủ quyền bhum tasik di taneh ia. Akaok negar ndom lac lực lượng thực thi pháp luật di angaok tasik, lực lượng cảnh sát tasik song kiểm ngư oh lac ngak siam bruk khik caga mik va urang tong chap ikan di angaok tasik bo dalam luac jiak 2 bilan tapa kham merat, daram daro min biak khang hatai dalam bruk đấu tranh pachap TQ ba giàn khoan Hải Dương 981 tabiak truh bhum tasik di VN.

 

2/ Di HN, Tổng Bí thư Nguyễn Phú Trọng, urang Quốc hội mbang 13 saong dom urang dalam kapul urang QH HN hu taom gaok cử tri di đơn vị bầu cử sa nan lac dom quận Ba Đình, Tây Hồ saong Hoàn Kiếm piah pathau khan ka mbang nyoam 7. Di var taom gaok, hu ralo cử tri brei panuac pandik hatai anak bruk ngak di TQ iek lap hukum dunya saong panuac sanya pakat glaong di urang dang akaok dua taneh ia ba giàn khoan Hải Dương 981 tame bhum tasik di VN. Cử tri njauk hatai saong pachreih tui jalan ngak di Đảng, karja, rajaei, QH dalam bruk ini. Daok bruk biển đông, Tổng Bí thư Nguyễn Phú Trọng brei thau, ini lac bruk biak praong, brei tỉnh táo dalam langyah.

 

3/ Tui “đề án patagok y tế palao tasik VN tal thun 2020” di mintri y tế, thun 2013, tong abih urang dok di palao tasik (oh dok dalam sarak Bảo hiểm y tế bắt buộc) meda hu brei thẻ bảo hiểm y tế. Ong Trương Văn Nam, akaok BHXH tỉnh Quảng Ngãi brei thau, meng harei ni, labaih 13.000 urang dok di huyện đảo Lý Sơn hu brei thẻ bảo hiểm y tế piah iek ruak, tagok menuac urang hu thẻ bảo hiểm Y tế di palei pala tagok labaih 21 ribau urang, hu 100% urang hu thẻ.

 

4/ Di tỉnh Đắc Lắc, UB bangsa gam saong urang dang akaok dom mintri ngành, dom tỉnh dalam bhum kreh negar – Tây Nguyên barau peih nyaom meyai taong yaom sa thun peih bruk ngak banagsa saong 3 thun ngak tui nghị định 05 di rajaei ka bruk ngak bangsa. Tui taong yaom di UB bangsa, tukvak tapa, hu bruk sangka di Đảng, kajar, bhum bangsa takik saong bhum ceik hu dom salih barau biak cambaih laih, rai diuk di bhap bini dak harei dak hadah hadai, baoh sang kan kathaot yaok thun trun meng 3 tal 4%, cơ sở hạ tầng jalan mbak, thủy lợi, điện, sang bac, blai y tế hu padang ngak siam, taneh  ngak mbang pala drak, taneh daok, ia pandar hu langyah siam.

 

5/ Kapul chữ thập đỏ tỉnh Kiên Giang bahrau peih bruk pok meyaom urang halan hatain brei darah thun 2014. Kapul chữ thập đỏ tỉnh Kiên Giang brei thau, pachreih bruk halan hatain brei darah, dalam thun 2013 rilo kapul nyaom, menuac urang dalam tỉnh hu brei labaih 13.750 đơn vị darah, samu  4.719 lít darah, mek hu 123% dut song bruk ba tabiak, tagok 23% dut song tukvak ni thun dahlau. Bruk njauk caik hatai sangka nan lac tỷ lệ brei darah halan hatain hu 98%, hu dom kapul nyaom boh sang halan hatain brei darah meng 30 tal 70  mbang song rilo menuac urang brei darah meng 20 tal 40 mbang. Jeng dalam mbang ni, tỉnh KG hu pok meyaom 64 menuac urang, kapul nyaom naih hgeih dalam bruk halan hatain brei darah.

 

6/ Di ban raya HCM barau rah tabiak mbang jao giải pakacah “bac bruk ngak – tương lai saong sap ndom di ayut” kayua Tổng cục pato bruk ngak di mintri lao động – thương binh saong xã hội hu pambuak bruk saong hội đồng Anh di VN peih tabiak. Daok dalam dự án “kỹ năng saong cơ hội bruk ngak” di hội đồng Anh, bruk pakacah nan lac sáng kiến piah rik daong paglaong akaok saneng di xã hội, abih di nyu nan lac dom ayut dam dara ka yaom glaong di bruk bac bruk ngak, tacei bruk ngak saong pasram megru paglaong kỹ năng, ilamu bruk ngak. Meng bilan 1 thun 2014, bruk pakacah hu peih tabiak tal 200 sang bac CĐ, trung cấp bruk ngak dalam taneh ia saong dalam 2 bilan taduan hu 38 tác phẩm payua mai pakcah di 22 kapul anek saih.

 

 7/ Melam bloh song mesup harei ni hu rah tabiak 2 mbang dit blong tapak fi-fa cúp, mbang dit ka sa di đội tuyển Ác-hen-ti-na song đội tuyển Thụy Sĩ; mbang dit ka 2 đội tuyển Bỉ song đội tuyển Mỹ. Di mbang dit ka sa,  đội tuyển Ác-hen-ti-na mbang Thụy Sĩ song tỷ số 1-0 tame tứ kết. Mbang dit ka 2 đội tuyển Bỉ mbang đội tuyển Mỹ song tỷ số 2-1, tapa nan hu mbaok di  tứ kết .

 

Patui di ini dom khau tin dunya:

8/ Tờ Lợi ích pakat negar di Mỹ (The National Interest ) harei kabroi hu đăng kadha vak di Ha-ry Ka-zi-an-nis, tui nan Trung Quốc daok âm mưu ramik veik chiến lược di biển đông, ngan saong dom jalan ngak barau piah pakhang labik dang di drei, yau bruk ba padang giàn khoan dalam bhum tasik di VN. Yaom lac dunya phản đối khang, TQ daok patabiak bản đồ barau, ba jaik taong abih dom bhum tasik pulao di biển đông tame lac “chủ quyền” di bắc Kinh. Tui urang vak, bruk ini lac jalan piah TQ salih barau thực tế angaok baoh taneh saong angaok tasik, ba dư luận saong akaok saneng dunya tui  jalan sahneng di eng taneh ia drei.

 

9/ Di Nhà hát Khán giả trẻ di ban klak labaih 1000 thun Yarôxláp di Liên bang Nga bahrau rah tabiak melam nghệ thuật tamat “Dom harei ilamu VN di LB Nga” hu peih ngak di 3 ban nan lac Mátxcơva, Sanh Pêtécbua song Yarôxláp. Ngan song tiết mục peih mbaok, doh tamia “Hương sắc VN” ndung mbak ilamu bangsa, dom nghệ sỹ, ca sỹ di sang doh Ca múa nhạc Việt Nam taduan hu bruk pok meyaom di dom ayuh sahabah Nga song rilo urang VN doh atah palei negar meng lavik mai oh ka hu maong iek dom  ilamu mai meng palei negar./.

 

10/ Tui harak pathau khan barau abih di Hiệp hội du lịch Em-bra-tua, giải dit blaong World Cup 2014 hu ba mai ka nền kinh tế Braxin jaik 15 tỷ đôla, ba labaih 1 triệu bruk ngak saong ba mai ngoại tệ ka Braxin. Ong Vi-cen-tô Ne-tô, urang dang akaok jabat xúc tiến du lịch Braxin lac: giải pakacah hu ba mai ka 1 triệu bruk ngak barau dalam ralo gah yau sản xuất, du lịch, dịch vụ giải trí, pablei pandap, ralo jang 15% dalam abih tih bruk ngak meng akaok thun tal ini. Dalam nan hu tal 800 bruk ngak barau hu tính chất suai lavik. Ini lac bruk mboh di anak meta./.  

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân