Cập nhật ngày: 16/7/2014

# Harei kabroi, Thu tuong Nguyen Tan Dung hu var ngak bruk saong urang pan akaok Mentri jien padai, Mentri Công thương ka bruk điều hành yaom xang menyek 6 bilan kaok thun 2014 saong jalan điều hành yaom xang menyek dalam tukvak anak tal. Tui pathau khan di Mentri Jien padai saong Mentri Cong thuong, dalam 6 bilan akok thun, yaom xang menyek di dunya oh tani tanat, tuk tagok, tuk trun min bhian tagok glaong. Thủ tuong Nguyen Tan Dung jeng hu jao brei ka jabat Rajaei pasang iek, ramik ngak pasiam dom asar kadha dalam dự thảo Sarak salih ka Sarak 84/2009/NĐ-CP piah Thủ tuong Rajaei mbaok tangin brei ba tame pandar piah bruk điều hành yaom xang menyek njauk saong yaom di darak pasar, hu cambaic laic, tani tanat.

# Di ban raya Hồ Chí Minh, ông Nguyễn Thiện Nhân, Ủy viên mintri Chính trị, akaok Ủy ban Trung ương Mặt trận negar Việt Nam hu ngak bruk saong mBan glang iek sarak daong ka urang buh pren yava ka cách mạng dalam 2 thun 2014-2015 di ban raya. Di var ngak bruk, ong Nguyễn Thiện Nhân hu pang pathau khan ka bruk peih ngak danakdak pataom glang iek sarak daong ka urang buh pren yava ka cach mang dalam dua thun 2014 - 2015 di ban raya Hồ Chí Minh. Akaok Ủy ban Trung ương Mặt trận negar Việt Nam Nguyễn Thiện Nhân ndom lac : Biak caong lac anak tal, tuk kol drei peih ngak praong, kol drei ngak siam bruk khan brei thau piah ka bhapbini halei daok mban tui urang calei ka drei; daok dom sang njaom jru mek kalik kruac, ka mesruh metak atau binh van. Lavik mai dom urang nan mboh drei oh ka hu mbang tui sarak ini, min meyah dom urang nan mboh hu njauk brei ka drei thau. Bruk dar phor oh var klak hu”.

# Mentri Thông  tin saong Truyền thông birau peih Nyaom biai Pasram ka bruk pathau khan ka tasik saonmg kaoh pulao Viet Nam 2014 ka dom urang ngak praong, urang jakar dom Sở khaw tin brei thau saong urang vak di dom Rayo papar sap papar binguk dalm taneh ia. Dom urang lambaok vakil hu pang dom kadha dom bruk daok rah tabaik di tasik bien Dong urak ini; Jalan sahaneng, jalan ngak di Đảng saong Karja drei ka bruk ngak po kaoh pulao tasik saong langyah dom kadha daok meriak gauk di tasik Bien Dong; Nyaom biai jeng hu khan brei thau dom asar praong dalam Công ước di LHQ ka Hukum tasik thun 1982 saong Tuyen bo ứng xử dom gah ka tasik bien Dong DOC jeng yau tacei pato jalan ba khaw tin pathau khan ka tasik, kaoh pulao Viet Nam di dom rayo papar sap, papar binguk saong dom jalan ba khaw tin di puk palei.

 

# Liên đoàn lao động ban ine Hà Nội peih var ndom biai ka bruk bien dong, daong dom urang jakar chien sy bhum canh sat tasik 1. Jaik 300 urang jakar cong doan dom pakat di ban ine Ha Noi mai pataom mbaok. Di var ndom biai, dom urang jakar hu pang pathau khan ka bruk Trung Quoc padang gian khoan Hai Duong 981 suan hukum dalam bhum dac quyen kinh te di Biet Nam; jalan sahaneng, jalan ngak di Dang saong Karja drei, taphia nan, brei thau bruk anak tal tui kuhria mboh dahlau. Var ndom biai piah daong ka urang jakar cong doan dom pakat di ban ine thau cambaih dom bruk daok rah tabiak di tasik biển Đông urak ini. Taphia nan, jhul khang pathau khan, paglaong hatai anit taneh ia, rik daong khik kajap chu quyen bien gioi di negar. Lien doan lao dong ban ine Ha Noi jeng hu brei 200 trieu dong daong ka urang jakar chien sy canh sat bhum tasik 1.

 

 # Harei kabroi 15/7, Hoi dong bhap bini tỉnh Bình Thuận mbang 9 peih mbang nyaom ka 9. 6 bilan akaok thun ini, yaom lac gaok biak rilo kan kandah, tỉnh Bình Thuận jeng daok ngak hu saong rilo jang bruk ba tabiak gah kinh te xa hoi. Bruk cak rok patagok sumu 8,6%, bruk ngak cong mboh daok patagok veik. Abih di nyu nan lac, dalam tuk Trung Quoc padang gian khoan suan hukum dalam bhum tasik negar drei nan ye dalam mbang nyaom ini, Hoi dong bhap bini tỉnh Bình Thuận brei ginum biai rilo asar kadha ka koah pulao tasik, bruk taong chap ikan di urang nao ngak mbang di tasik.

 

 # Dalam 33 xã hu tỉnh Quảng Ngãi pilih ruah ngak iek bruk peih ngak danakdak bruk ngak negar padang ngak palei pala barau di thun 2015, tal urak ini, bahrau hu meteh dom xa ngak hu meng 12 tal 16 tieu chi. Kan kandah praong di abih jeng lac phun jien. Tui panuac caong khin di dom puk palei, abih tih phun jien buh tame dalam 2 thun 2014 – 2015 di 17 xa lac labaih 1 ty 200 triệu dong, piah pataom tame ngak dom tieu chi gah jalan mbak, sang bac, sang ilimo. 

 

# Uy ban bhap bini ban Da Nang saong Cong ty World Marathon Tour Inc (Mỹ) birau peih bruk ginum biai yaih khan ka Giai Marathon dunya Đà Nẵng 2014 rah tabiak di harei 31 bilan 8 anak tal. Tui kuhria dahlau, Giai pachreih hu labaih 4.000 uarng nduac Marathon chuyên nghiệp pakat dunya saong dalam taneh ia. Mbang pakacah ini hu 3 asar kadha, nan lac: marathon 42, 195km, meteh marathon 21, 0975 km saong nduac 5km. Nduac meng Mblang bein Biển Đông saong gilac mai veik labik ini, ndaun tapa jalan dulich Võ Nguyên Giáp - Trần Phú - Hoàng Sa - Trường Sa, tapa tatua Rồng saong tatua Thuận Phước. Pakacah marathon dunya Da Nang nan lac asar kadha ngak bruk di Hiệp hội Marathon dunya yau nan ye taong abih dom urang pakacah brei rik jien tame piah pakacah.

 

Khaw tin dunya

#  Rajaei Lào daok padang jalan ngak piah cakrok glai tal thun 2020, mat do che phu tagok tal 70%.  Lào lac taneh ia dalam ASEAN hu sanya kayua sa bhum hijao. Tukvak tapa, dom gah chuc nang di Lao hu pambuak bruk saong dom jabat di dunya tabiak bruk khik caga saong cakrok glai tui 3 jalan ye : khik caga taong abih glai, khik caga glai caik piah saong glai akaok tabung; khik caga glai ngak kaya pandap.

 

# Hãng tin karja Malaixia brei thau, takik di abih 2 urang metai saong 19 urang lahik dalam mbang karam gilai pajeng jaik 100 urang tame In-đô-nê-xi-a suan hukum rah tabiak langiu tasik gah meraong Malaixia. Tui jabat daong bala Malaixia, gilai ini thaok tame sa gilai di Jabat ngak bruk gah hukum tasik taneh ia ini saong tabaleik karam. Dua urang metai 61 urang hu daong, dalm nan 19 urang karei lahik oh kaduah mboh. Gah daong bala daok kham merat duah dom urang njuak bala nan. Urak ini Malaixia hu labaih 10 ribau urang ngak daok ngak bruk suan hukum di dom sang mac saong đồn điền.

# Urang jakar ngak praong Philippin (Philippines) brei thau, ribuk Rammasun daok khang tagok saong de doa tapak dom bhum tapeng tasik gah timul pulao Lu-dôn (Luzon) saong angin khang meda tagok tal 150km/sa tuk gam saong triều cường glaong labaih 3 mét. Tui kuhria, ribuk praong Rammasun tuh tame bhum ini di melam kabroi 15-7 saong nao tapak tal ban ine Manila. Thứ trưởng quốc phòng Philippin Alếch-xan-đơ Pa-ma (Alexander Pama), akaok điều hành Hội đồng khik ramik trun takik  bala meng lingik tasik di negar brei thau, urak ini, taneh ia daok dalam bruk bao dong bhong anak ribuk praong Rammasun./. 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân