Cập nhật ngày: 16/6/2014

# Pachreih tui danak dak “Ba gauk pamaong tal tasik bien Dong”, dom harei tapa, grauk palei dalam taneh ia hu peih ngak dom bruk njauk caik hatai:

Di ban Đà Nẵng, dom harei tapa, kapul thư pháp Ái Diệp Gallery Việt Trí Đà Nẵng saong dom ayut hu mai tal âu thuyền Thọ Quang saong dom palei ngak ikan dalam ban ini piah alin hadiah jaik 1.000 ao phông ka bhap bini nao tasik. Sa-ai  Nguyễn Ái Diệp, urang kumei thư pháp di kapul brei thau:

Bang: Drei bhian tui pang duah thau ka tasik  bien Dong, hatung hatian tuk halei jeng pamaong tal kaoh pulao tasik. Yau nan ye, dahlak sahaneng tal bruk mbat tagok ao piah alin ka mikva nao tasik, caong khin brei thau hatung hatai di drei ngan saong tasik Bien Dong. Dahlak jak ba dom ayut, dom guak gar di drei hu takik rik takik, hu rilo rik rilo, baoh taneh tuk halei jeng pamaong tal tasik bien Dong.

 

# Klah rabha hasit kan kandah saong amaik, ame, diuk, anek di dom urang khik iek tasik daok ngak bruk di bhum tasik Hoàng Sa, Báo Lao Động hu kaoh tabiak 320 triệu đồng meng kadung jien hatai ameh báo Lao Động piah ravang, alin pandap tal sang dom urang ngak bruk khik iek tasik di chi đội 3, kapul kiểm ngư bhum 2 hu raidiuk kan kandah.

 

# Meng harei 17 tal harei 20/6 tal, Nyaom biai mbang ka sa di kapul urang ilamu bruk Hành động Mìn pahla tui jalan pambuak bruk quoc phong hu peih tabiak di Ha Noi. Nyaom biai mbang ini  pataom tame taong yaom bruk daok rah tabiak saong caik veik dom kanjak jhak kayua mbom min saong pandap patuh daok kandaong veik hadei di mesruh metak, saong bruk meriak gauk di dom taneh ia ASEAN saoing khu vực; ilamu di dom taneh ka bruk pasiam veik dom kanjah jhak kayua mbom min pandap patuh…Đại tá Đỗ Mai Khanh, Phó Viện pambuak bruk dunya ka bruk quoc phong, mentri quoc phong brei thau:

Bang: Ini lac nyaom biai mbang camereip ka bruk mìn piah jhul pasamar bruk pasiam veik dom kanjah jhak  kayua mbom min daok kandaong oh lac di Viet Nam saong dom taneh ia hu mbom min kandaong. Tapa nan ba mbuan lagaih piah dom kapul nyaom, dom taneh ia iek bruk daong ngak pahala jeng hu rik daong ka raidiuk bhap bini hu siam mekre salamat.

 

# Ủy ban mặt trận negar tỉnh Sóc Trăng barau peih nyaom biai brei thau adat hukum ka labaih 500 chức sắc, urang tu hành dom agama saong dom urang hu angan je di bhapbini bangsa takik dalam tinh. Nyaom biai ini hu daong ka dom urang nan thau cambaih dom asal kadha piah khan veik ka dom phật tử, giáo dân dalam labik thờ tự, baoh sang, bhapbini saong menuac urang labik daok,

 

# Muyim Nghệ An birau taduan mek 107 janih pandap di Chi hội ilamu meng kan Sông Lam alin brei. Dom pandap nan hu bingula gheih mekre brei mboh ilamu meng kan di yaok samar patao dalam sajarah dakrai Viet Nam yau: tamo, gaok haluk, phen tanye  samar Đông Sơn;  gaok glah, bình, lan samar Hán; jaluk jam samar Lý Trần; siuk samar Tây Sơn…

 

 # Pasak Thông tin Xúc tiến Du lịch tỉnh Ninh Thuận hu peih bruk tamat tan bac sap Nga cấp tốc thun 2014. Tapa 2 bilan pato pakai, hu 110 urang tui bac. Tal bac hu peih tabiak piah cakrok saong paglaong chat luong menuac ngak ka gah du lich dalam tinh, duh ka bruk du lich dak harei dak hu rilo tuai damuai taneh ia langiu, dalam nan lac tuai Nga.

 

# Piah pacang caga saong patrun patakik dom urang nagk suan adat hukum, khik kajap an ninh trật tự di labik daok, Ban tacei jalan pacang caga kol toi pham huyện Châu Thành, tỉnh Hậu Giang hu peih bruk padang ngak “pabah mbang an ninh trật tự” pacang caga kol toi phạm pambuak saong bruk padang ngak jalan mbak palei pala. Mbiah tal urak ini, dalam huyện Châu Thành padang hu 132 Pabah mbang an ninh”.

 

Khaw tin dunya

# Barau ini, di tinh Kampong Cham, gah Công binh bol bala Campuchia peih bruk padang ngak sang mBan Giám hiệu sang bac Công binh Đê Chô. Ini lac sa dalam 20 công trình kayua mintri Quốc phòng Việt Nam daong ka bol bala Campuchia dalam thun ini. Dalam thun 2014, mintri quoc phong Biet Nam meda daong jaik 20 danakdak padang ngak hạ tầng cơ sở, pandap panda yaom labaih 50 tỷ đồng ka bol bala Campuchia.

 

 # Baoh sang di 7 urang camereip nao kapal haok Malaixia MH370 lahik di bilan 3 meng blaoh hu taduan jien boi thuong meng hãng kapal haok Malaixia. Tui nan, baoh sang di yaok urang nan hu taduan 50 ribau đola. Bruk bayar jien ka taong abih dom tuai damuai hu peih ngak hadei di tuk dom bruk dom kadha pambuak tal kapal haok MH370 hu salah bloh.

 

# Hãng ô tô Tô-y-ô-ta di Nhật Bản barau tabiak panuac brei mek veik 2 triệu 270 ribau sruh ridaih di dunya kayua suan kỹ thuật di kadung khí, meda ngak ghuah. Urak ini, hu jaik 650 rabau ridaih di Nhat Ban saong 1 triệu 620 ribau ridaih di dom taneh ia karei mbuan si ghuah meng bruk suan ini. Dahlau di nan, hang ini taduan hu harak khiếu nại meng urang blei di Nhat Ban ka bruk kik dalam ridaih adah pui kayua loi kadung khi./.

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân