Khaw tin 10h30 saong 14h30, harei  3/7/2015

# Melam kabroi ( 2/7), Thủ tướng Nguyễn Tấn Dũng saong kapul urang jakar pakat glaong Việt Nam hu nao tal Tokyo (Nhật Bản) piah hu mbaok tame nyaom biai pakat glaong Mekong - Nhật Bản mbang yaka 7 tui panuac daa di Thủ tướng Nhật Bản Shinzo Abe. Tui danakdak 2 harei (3-4/7) rah tbiak nyaom biai, Thủ tướng Nguyễn Tấn Dũng saong dom urang dang akaok dom taneh ia tiểu vùng Mekong saong Nhật Bản hu mbaok tame mbang nyaom pakat glaong Mekong-Nhật Bản mbang yaka 7 gam rilo bruk praong karei karei. 

/ Jeng dalam harei nan, di jabat ngak bruk rajaei, phaok Thủ tướngVũ Văn Ninh dang akaok mbang nyaom hu pang dom mintri, ngành pambuak tal pathau khan ka bruk pasang iek sarak bangsa tukvak 2011 – 2015 saong đề xuất sarak dalam tukvak 2016 – 2020. Brei panuac kết luận mbang nyaom, phaok thủ tướng Vũ Văn Ninh ndom lac: Tuk patabiak sarak ngan saong bhum kan kathaot oh pachreih bhap bini rik daong meyah pachreih bhap bini tabiak ngak công trình brei daong bhap bini hu jien mek tame bruk ngak di kol drei nan lac yau nan oh njauk lac ngak saoh. Ini lac bruk dahlak khin ndom nao ndom mai. Tuk ini dahlak caong khin mintri jien padai brei tacei pato ka dom puk palei tuk parabha dom nguồn lực meyah pachreih bhap bini brei caik hatai sangka ngan saong urang kan kathaot jui pachreih ba.

# “Urang dang akaok dom puk palei njauk drak samal pasang iek, langyah catang dom urang paplaih patau ridaih tuai ngak khut praong, ngak duh hatai bhapbini di puk palei saong urang ndik radaih tapa labik nan. Kayua ini lac tinh mang anek menuac, oh njauk lac bruk mein di dom urang quậy phá. Nan lac tacei pato di Uy vien mintri chinh tri, phaok Thủ tướng Nguyễn Xuân Phúc, akaok Ủy ban An toàn giao thông negar dalam nyaom biai trực tuyến pakat negar ka bruk khik caga trat tu an toan giao thông 6 bilan akaok thun 2015, rah tabiak pagaiy harei kabroi (2/7. Phó Thủ tướng Nguyễn Xuân Phúc jeng hu tacei tabiak dom tavak tavaiy dalam bruk khik caga trật tự an toàn giao thông saong tacei pato dom mintri ngành puk palei njauk pasang iek veik bruk pathau khan piah hu kein laba jang. 

/ Thủ tướng rajaei brei daong labaih 150 tỷ đồng ka 8 tỉnh saong 3 công ty di mintri ngak nông saong patagok palei pala meng phun jien dự phòng kadung jien trung ương thun 2015 piah pasiam veik dom khut khat kayua pandiak bhang saong njom mbak vụ đông xuân thun 2014 – 2015. Jien daong ka 8 tỉnh saong 3 công ty hu parabha nan lac: Sơn La; Nghệ An; Hà Tĩnh; Quảng Ngãi; Đắk Nông; Hậu Giang; Bạc Liêu; Cà Mau saong Công ty thủy lợi Bắc Hưng Hải, công ty thủy lợi Bắc Nam Hà; Công ty  thủy lợi Dầu Tiếng - Phước Hòa.

# Kayua pambak meng bruk El-Nino, taneh phun pala khat lahik kayua tua riya di dom tinh, ban hu : Nghệ An, Quảng Trị, Ninh Thuận, Bình Thuận, Khánh Hòa di bilan đông xuân 2014 - 2015 saong bilan hè thu 2015 jaik 54 rabau 833ha. Dalam nan abih tih taneh oh pala drak hu kayua kurang ia di dom puk palei jaik 47 rabau ha, rilo meng lac taneh padai. Daok bruk raong glang, tua riya ngak metai 1 rabau 810 kaya raong, rilo meng lac pabe, pabo. Bruk njauk caih hatai nan lac tua daok ngak kurang ia ngak mbang ngak huak di bhapbini.

/ Hadei jaik sa bilan hu hajan, ruak đốm nâu (daok ieu lac bimao tắc kè) hu tamuh tabiak veik di bhum pala phun thanh long di tỉnh Bình Thuận. Kuhria tal urak ini (2/7) dalam tỉnh hu labaih 5.000 ha njauk njom ruak đốm nâu. Chi cục khik caga phun pala tỉnh Bình Thuận urak ini daok jhul pakhang bruk pathau khan, tacei pato jalan pacang cakak ruak đốm nâu palai kaik thanh long; tacei pato urang nông cakak tỉa, pataom dhar, baoh ruak saong am cuh meng jalan ủ saong chế phẩm BIO-ADB.

#  Di cụm pakacah ka 27 kayua Đại học Đà Nẵng dang akaok, dalam harei pakacah ka 2 hu 358 thí sinh oh hu mbaok, klak pakacah. Yaom lac hu brei thau cambaih quy che pakacah, min rilo thi sinh jeng ngak suan. Salah blaoh mon pakacah vat ly bair harei kabroi 2/7, rilo thi sinh brei thau lac, de pakacah njauk saong bruk bac di anek saih.. Thí sinh Ngô Đình Dũng, pakacah di labik pakacah sang bac Trung học phổ thông Trần Phú- ban sit Đà  Nẵng brei thau : biar harei ini dahlak pakacah mon Lý, đề njauk saong dom hagaiyt anek saih bac, biak mbuan. Dom ayut trung , yeu jeng ngak hu, daok adei ngak hu abih. Abih tih dề hu 50 câu, tui sahaneng adei ngak njauk jaik 30 tal 40 câu. Dalam duk pakacah oh hu bruk srau kadau, gru giám thị iek biak catang.)

Patui di ini dom khau tin dunya:

/ Biar harei kabroi 2/7, di pasak hội nghị parang iek dunya Lào, ban ine Viên Chăn, rah tabiak nyaom darak pablei salih Việt – Lào 2015. Ini lac bruk ngak kayua mintri công thương Việt Nam saong mintri công thương Lào peih tabiak. Nyaom darak pachreih hu ralo doanh nghiệp Việt Nam saong Lào tame, hu abih tih jaik 200 doanh nghiệp, tut angan parang iek labaih 250 gian hàng. Labik di Việt Nam hu labaih 120 gian hàng di 100 doanh nghiệp hu chất lượng, thương hiệu saong hu angan je.

# Thái Lan barau brei pandar yaok triệu tấn brak ngak ethanol saong nhiên liệu sinh học. Ini lac sa quyết định di Thái Lan piah daong yaok trieu tan brah klak daok kandon dalam kho di taneh ia ini dalam tuk rajaei Thái Lan daok blei barau dom janih brah dalam bilan yuak. Ini hu maong lac sa bruk kan kandah di rajaei Thái Lan kayau taneh ia ini oh meda duah hu jalan tabiak karei ka yaok trieu tan brah klak oh siam kayua tồn kho lavik thun. 

/ Tui gah y tế dunya, jaik 360 triệu urang angaok dunya njauk tangaoh. Bruk tiếp cận saong công nghệ daong thính lực di dom taneh ia harei ini hu mbuan lagaih jang ralo duk saong dahlau daih. Min di dom taneh ia kan kathaot, bruk hu sa mac trợ thính nan lac bruk kan kandah. Barau ini, sa kapul sinh viên kỹ thuật di Áchentina hu duah mboh pandap daong thính thực, hoạt động tapa sa ứng dụng angaok phon thông minh. Phần mềm hu angan lac iu-sao ini mek hu dom âm thanh di jaik taphia, hadei di nan điều chỉnh tần số piah tương thích saong urang pandar njauk tangaoh./.

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân