1# Harei kabroi (9/7), Tổng Bí thư Nguyễn Phú Trọng saong kapul urang jakar pakat glaong Việt Nam hu nao ravang Đại sứ quán Việt Nam di Hoa Kỳ. Ndom biai pak ini, Tổng Bí thư Nguyễn Phú Trọng caong lac Đại sứ quán Việt Nam di Hoa Kỳ ngak siam bruk daong jhul pakhang talei pambuak taong abih bruk di VN saong Hoa Kỳ.

 

2/ Patui danak dak ngak bruk di TT, harei akbroi, kapul lambaok pakat glaong QH VN kayua ong Huỳnh Ngọc Sơn, Ủy viên Trung ương Đảng, Thượng tướng, Phó akaok Quốc hội ba akaok hu nao rivang ong Kim Yêng Nam, akaok Ủy ban thường vụ nyaom meyai bhap bini tối cao Cộng Hòa dân chủ bhap bini Triều Tiên. Ong Huỳnh Ngọc Sơn brei thau hatai bui sambai mbang akaok meti hu ba akaok kapul kapat glaong QHVN tapa rivang taneh ia TT njauk saong tuk dua taneh ia pahadar 65 thun harei padang talei pambuak bruk ngoại giao.

 

  3#  Phó Thủ tướng Hoàng Trung Hải jao ka mintri ngak nong saong patagok palei pala tacei pato Tổng Công ty Lương thực Miền Bắc peih bruk blei khik piah sara thun ngak 2015 di urang ngak sara, khik caga bruk blei khik piah hu kuhria tal san luong sara di yaok puk palei saong brei bleicaik dahlau di puk palei hu sara daok kandong labaih biak rilo.

  

4/ harei kabroi, akaok mintri y tế NTKT saong kapul ngak bruk hu nao rivang, ngak bruk saong tỉnh Sóc Trăng. Di mbang ngak bruk saong urang dang akaok tỉnh saong lambaok gah y tế tỉnh ST, akaok mintri y tế NTKT taong yaom glaong dom jak jeng bo gah y tế di tỉnh ST mek hu dalam tukvak tapa, abih di nyu nan lac tỉnh hu ralo bhap bini bangsa takik diuk rai, Cơ sở hạ tầng y tế hu buh jiren tame padang ngak siam di grap dom puk palei, bhum atah bayah, langiu di nan, tỉnh peih ngak hu siam bruk iek ruak meng BHYT.

5# Thủ tướng rajaei barau brei daong dom tỉnh : Thừa Thiên - Huế, Quảng Nam, Quảng Ngãi pasiam dom khat lahik kayua hajan, ia xua. Cambaih laih, Thủ tướng rajaei brei kaoh tabiak 20 tỷ đồng meng kadung jien dự phòng  trung ương thun 2015 piah daong tỉnh Thừa Thiên - Huế 5 tỷ đồng, tỉnh Quảng Nam 5 tỷ đồng, tỉnh Quảng Ngãi 10 tỷ đồng piah pasiam dom bruk ye : glut jaleih labik bhapbini daok, cong trinh ia saong jalan palei pala…Mban tacei pato pacang caga xua ribuk Trung ương hu trách nhiệm ka bruk njauk asal kadha saong số liệu pathau khan.

6/ Di pabah lamnge ĐNẵng, Tổng Công ty Sông Thu dalam Tổng cục Công nghiệp quốc phòng- mintri Quốc phòng hu jao 2 kapal cảnh sát takik số hiệu CSB 9004 saong CSB 8002 ka kapul cảnh sát tasik VN. Ini lac kapal dui, daong cứu hộ akaok meti hu ngak dalam taneh ia, pabak bruk ruah duah, cứu hộ, daong urang taong cap ikan, tuần tra khik caga chủ quyền, an ninh

7# Piah ka tuai damuai “ mbuan gaok, mbuan pataom tame, mbuan pasang iek” harei kabroi Tổng Công ty Điện lực gah kreh negar tabiak mbaok pasak pasang iek tuai damuai labik gah kreh negar – Tay Nguyen. Pasak pasang iek tuai damuai hu ba padang ngak barau, ginup cơ sở dữ liệu di 13 Công ty Điện lực thành viên. Hệ thống tổng đài meda taduan mek gam sa tuk 120 mbang ieu, langyah dom kadha tangi sua di tuai damuai pambuak tal : lich brei menyek, duah iek asal kadha ka blei pablei menyek, salih asal kadha tuai damuai, tu van pandar menyek…. Ong Trần Đình Nhân, akaok Hội đồng quản trị gam ngak Tổng Giám đốc Tổng Công ty Điện lực gah kreh negar brei thau:Dom urang pak ini lac kapul urang ranaih umo, hu pakacah can ban, sami samal. Dahlak jia lac dom urang ini meda daong ka pasak pasang iek tuai damuai caong khin ka pandar menyek di labik gah kreh negar - Tây Nguyên”. 

Patui di ini dom khau tin dunya:

8/ Di tỉnh Campot, Campuchia barau peih bruk pala phun thun 2015 piah patagok bruk hajao taneh klak tasaoh, saong paglaong akaok saneng di bhap bini dalam bruk khik caga glai. Ini lac mbang ka 24 CPC peih bruk pala phun.

 

9# Gah Lương Nông Liên hợp quốc (FAO) brei thau, urak ini hu labaih 11 trieu menuac urang di Đông Phi daok caong daong kayua bruk ngak nong, pandap mbang menyum saong an ninh padai brah meda jhak nao. Dom chuyen gia di Fao sahaneng mboh dahlau ka thun 2015, bruk patagok ngak nong saong ngak tabiak padai brah, pandap mbang menyum di Chau Luc ini oh siam lagaih kayua lingik jhak gam saong srau kadau chinh tri di dom taneh ia ye Burundi, Somalia, Nigeria...saong bruk jit ruak Ebola di Guinea, Liberia saong Sierra Leone jeng ngak ka padai brah pandap mbang menyum  takik jang saong kurang khang.

 

10/ harei kabroi, NB saong Mỹ hu pambuak veik dom bruk ginum meyai dua gah ka hiệp định pambuak bruk xuyên TBD (TPP), dahlau di tuk dom akaok mentri 12 taneh ia thành viên hu mbaok tame ginum meyai TPP peih sa nyaom meyai praong tui kuhria hu rah tabiak di puac bilan 7 ini di Hawai piah pamaong tal sa thỏa thuận praong jang./.

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân