Yaok bruk ngak suan gah pacang caga bala meng langik tasik njauk taong phạt 1 dalam dom jalan lac cảnh cáo atau phạt jien

Tui Sarak 104/2017/NĐ-CP, yaok bruk ngak suan gah pacang caga bala meng langik tasik, mek pandar saong khik caga công trình thủy lợi, ar pacang, menuac urang, kapul nyaom ngak suan njauk taong phạt 1 dalam dom jalan lac cảnh cáo atau phạt jien.

Tui bruk ngak suan praong atau sit, trak atau hanjul, gah chức năng meda mek veik harak adat dalam sa tukvak halei nan, mek dom pandap hu pandar piah ngak suan. Yaom phạt jien rilo di abih ka yaok bruk ngak suan gah pacang caga bala meng langik tasik lac 50 triệu đồng; yaom phạt jien rilo di abih ka yaok bruk ngak suan gah mek pandar saong khik caga công trình thủy lợi, ar pacang lac 100 triệu đồng.

Lingiu di bruk taong phạt yau nan, menuac urang, kapul nyaom ngak suan meda pacap brei ngak pasiam veik dom khut khat yau ye: pacap brei ngak veik yau tuk camereip di nyu; yah klaak abih atau yah klaak meneing labik padang ngak oh hu harak adat atau padang ngak oh njauk haong harak adat; pacap brei ngak pasiam veik bruk njom nerak ia dalam công trình thủy lợi; pacap bayar veik jien laba mek hu meng bruk ngak suan...

Daok bruk oh daong atau oh khan brei thau chip piah gah karei mai daong menuac, ghe gilai gaok bala angaok tasik, kraong, danao, bingun tuk daong hu atau khan brei thau hu min oh ngak ye phạt jien meng 5-10 triệu đồng. Bruk njauk cấp cứu chip min oh pambuak bruk tuk gah cứu hộ mai tal, ngak palai pajoa ka gah cứu hộ ye njuak phạt jien meng 20-40 triệu đồng. Daok bruk khin pathau khan suan ka khat lahik meng bala di langik tasik, njauk phạt jien meng 3-5 triệu đồng.

Phạt jien meng 5-10 triệu đồng urang ngak suan 1 dalam dom bruk yau ini: Pandar suan bruk, ngak lahik jien, pandap daong saong daong oh njauk menuac, daong oh samar drah.

Lingiu di nan, dom bruk ngak suan ngak brei kandah bruk ngak saong ngak khut bruk pacang caga bala meng langik tasik, oh kuhria công trình khí tượng, thủy văn Sarak tacei lac phạt jien meng 3-15 triệu đồng./.

Urang lang: Thu Thảo – 27/10

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân