Bahrau dalam dom harei, di ban Đà Nẵng hu jaik 20 urang njom Covid- 19 dalam rahra, asal njom mbak ka oh thau cambaih. Anak bruk hu viek dom urang njom bahrau, bhap bini pandar dom sruh radaih hu rilo manuac yau ye kapar haoh, radaih apui, radaih pajeng tuai … njauk caik hatai bruk pacang caga jit ruak kayua nan lac labik pataom rilo manuac, bruk khik paatah di gauk oh khik hu.

Gah y te pruh jru pametai anek ruak di radaih hu rilo manuac

Tuk ndik radaih hu rilo manuac, rilo urang gam nao saong gam pan gaok dom labik haong gauk, nan ye bruk mbuan njom mbak biak glaong mayah oh hu jalan pacang caga njauk.

Dahlau di nan, harei 11/3, Mintri Y tế hu tabiak panuac kakei dom tuai nao radaih hu rilo manuac saong pandar radaih pambuak gauk, daong pabak ilamo piah thau bruk pacang caga jit ruak Covid-19.

Tui nan, Mintri Y tế ba tabiaki dom bruk njauk ngak di dom tuai nao radaih hu rilo manuac piah plaik jit ruak Covid-19 hu dom bruk yau ni:

Tuk mboh sa dalam dom bruk yau pandiak,patuk, pandik tankaong, kan suak yava bhap bini njauk takik ndik radiah hu rilo manuac; cuh pataih pacang pambah ka nyu njauk tuk njauk pandiak, patuk, pandik tankaong, kan suak yava.

Pacang sir pambah, dung meng siuk ba-ar, khan baai atau kuk kieng tuk patuk, dhur phal, klaak siuk ba-ar pandar blaoh tame kadung hariek piah klaak tame thùng hariek njauk labik.

Bhian rao tangin ka nyu njauk meng sabon (mayah hu) atau meng janih ia pametai anek ruak hu mangaok 60% nồng độ cồn, abih di nyu lac hadei tuk patuk, dhur phal, klaak siuk ba-ar; tabiak truh radaih hu rilo manuac.

Oh gaok tangin tame mata, kadung, cambuai.

Takik mbang huak, ndom mayai di mangaok radaih hu rilo manuac.

Oh cuh ia pabah di mangaok radaih saong dom labik hu rilo manuac yau ye mblang radaih apui, mblang radaih, mblang kapar haoh, nhà ga.

Mayah mboh rup drei atau tuai nao gam bo pandiak atau patuk, kan suak yava njauk khan ka urang khik ramik radaih thau piah hu jalan daong samar drah. Bhap bini njauk paih taom gaok jaik haong urang mboh patuk atau pandiak, kan suak yava nao gam radaih hu rilo manuac.

Tuk tamat mbang nao, mayah mboh sa dalam dom bruk yau pandiak, patuk, pandik tarekaong, kan suak yava, bhap bini njauk ieu phone tal jalan pandiak di Mintri Y tế di labik phone ka: 19009095 atau 19003228 piah hu tacei jalan saong brei thau ka radaih nao blaoh, nao tal labik y tế piah iek ruak, taong ruak samar drah./.

Urang lang: Thu Thảo - 30/07

 

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân