Yaok sang di Đà Nẵng hu brei 5 thẻ tame darak pasar dalam 15 harei, dalam nan hu thẻ harei chẵn saong harei lẻ

Tal maong 6h mesup ini (12/8), taneh ia drei hu gac 3 urang njom Covid-19 hu brei nao daok pa-atah chip hadei di tuk tame negar. Dom urang ruak meng japon mai Việt Nam harei 10/8/2020 angaok sruh kapal haoh VN331. Urak ini dom urang ruak hu brei daok patah, taong ruak di sang iek ruak Bệnh Nhiệt đới Trung ương cơ sở 2. Yau nan, urak ini Việt Nam hu abih tih 866 urang njom COVID-19, tdalam nan hu 321 urang njom meng negar lingiu tame hu brei daok paatah chip. Dom urang ruak bahrau gam tal Đà Nẵng kuhria meng harei 25/7 tal urak ini, lac 405 urang. Jeng dalam mesup ini, Thứ trưởng Mintri Y tế Nguyễn Trường Sơn, urang pan akaok kapal thường trực pacang jit COVID-19 di Mintri Y tế daok di Đà Nẵng  brei thau ka urang metai ka 17 kayua COVID-19 kuhria meng di tuk jit praong rah tabiak di Việt Nam. Urang ruak ka 431 lac likei, umo 55 thun, daok di Liên Chiểu – Đà Nẵng, metai tuk kreh melam kayua viêm phổi trak kayua COVID-19, urang ruak nan jeng hu dalam rup ruak me-ik saradang type 1, suy thận tukvak puac di abih, sốc nhiễm trùng, suy đa tạng.

Dalam dom harei meng harei 12 tal 14/8, hu 7 mbang par  meng mblang kapan haoh dunya  Đà Nẵng ba tuai du lịch mai  ban  Hà Nội song ban raya Hồ Chí Minh. Dalam nan, jalan par Đà Nẵng- Hà Nội ba 828 tuai song jalan par Đà Năng-TP Hồ Chí Minh ba 625 tuai. TPHCM hu peih bruk taduan 625 tuai mai mblang kapan haoh Tân Sơn Nhất (mai TPHCM 438 urang song dom tỉnh, ban lac 187 urang). Urak ni,  tong abih dom tuai mai TP.Hồ Chí Minh mboh âm tính. Ngan song bhap bini di dom tỉnh, ban karei, Ban raya brei thau piah  tỉnh, ban ba urang nao brei dok karei, ngan song bhap bini  di ban rây HCM brei dok karei chip pak di labik di ban song quận, huyện. Ban raya khik caga pren khang song peih ngak siam brei dok atah di gauk ka dom kapul nyaom menuac urang.

Meng harei ini, yaok sang di Đà Nẵng hu brei 5 thẻ tame darak pasar dalam 15 harei, dalam nan hu thẻ harei chẵn saong harei lẻ. Tui nan, UBND dom quận, huyện hu brei bruk dang tabiak peih parabha bruk nao darak di rahra tui jalan lac yaok 3 harei, yaok sang hu nao pasar 1 mbang.  Yaok thẻ tame darak tok hu pandar 1 mbang, di darak halei jeng hu dalam ban Đà Nẵng. mBan khik iek dom darak hu pataom mek veik thẻ tuk rahra tame darak saong khik veik tui yaok harei piah duh ka bruk duah thau dịch tễ tuk caong hu. 

Kapul menyim jhik pet TPHCM brei thau, harak pambuak bruk jhik di dom  doanh nghiệp (DN) dok di ban raya  gam gam trun, meda samu  40% dut song tuk vak ni thun 2019Makna lac kayua kan kandah di jit Covid-19, dom drak pasa meng kan yau Mỹ, châu Âu (meblah tal 70-80% pablei tabiak negar langiu di  Việt Nam) yau dang sa labik, harak pambuak bruk bhum châu Á sit sot. Rilo DN menyim jhik oh hu harak pambuak bruk hu yaom glong yau  veston, sơ mi cao cấp, dalam tuk janih patiah pacang mbaok song pandap khik caga hu mong lac pandap khang di rilo DN ye yaom patrun khang kayua labaih pandap panda ni di dunya. Tui yaok pataom, meyah lac bruk oh samar pasiam veik, hu labaih  60% tal  70% DN sit song mbiah dang anak bruk kreik pambah mbang.

Piah pandar hu siam di abih dom prein khnag siam lagaih gah langik tasik, taneh riya... rik daong jhul patagok kinh tế - xã hội kak haong khik caga alam môi trường khang kajap, tỉnh Ninh Thuận daok pataom tame roh duah, ba pandar khoa học – công nghệ tame bruk sản xuất.Tỉnh Ninh Thuận hu ba taong abih kỹ thuật – công nghệ tame dom janih phun pala praong yau ye nho, meda, nha đam, măng tây, phun jru... di bhum palei pala saong bhum ceik ngan saong taneh praong abih tih  167 ha; pandar công nghệ bahrau tame raong kaya ikan ka dom sang rahra ngan saong taneh praong 50 ha. Lingiu di nan, tỉnh hu ba công nghệ brei ka labaih 600 sang tame danak dak ngak  nho pandar ilamu glaong, pala njauk angaok ia, pandar màng papaok khí quyển biến đổi (MAP) piah khik dom janih njam patam baoh krtaoh, pandar vi sinh dalam raong hadang piah pablei, công nghệ laze ngak samu mbaok hamu, pruh ia patak pataom.

Tổng thống Vladimir Putin harei kabroi hu panuac lac, mintri Y tế Nga bahrau brei adat ka janih vaccine camereip di dunya  piah pacang jit ruak COVID-19 kayua virus SARS-CoV-2 rah tabiak. Ni lac janih vaccine kayua Viện Gamaleya di Moscow roh duah song patagok gam song mintri  Quốc phòng Nga. Yau nan, Nga jeng sa negar camereip di dunya roh duah jak jeng vắc-xin ni. Tui ong Putin, bruk ngak tabiak dom janih vaccine di Nga peih ngak dalam harei jiak di ni, dalam tuk bruk klauk jru jeng lac halan hatain, bruk ni lac njauk ngak piah ka dom urang cong khin meda klauk hu vaccine ni.

Argentina lac 1 dalam dom taneh ia opandar aval di abih bruk pa-atah di gauk saong dalam dom bilan camereip patrun hu bruk njom mbak dalam bhap bini. Min dalam labaih 1 bilan ini mai tuk rajaei brei pacadu bruk pa-atah di gauk, dom urang njom bahrau tagok biak samar. Dalam dom adit jaik ini, dom urang njom bahrau yaok harei lac labaih 5.000 urang, hu harei tagok tal labaih 7.000 urang. Tui yaok pataom, taneh ia Nam Mỹ ini hu 260.911 urang njom COVID-19, dalam nan hu 5.004 urang metai.

Yaom meh di drak pasa pablei salih New York (Mỹ) trun khang dalam harei 11/8 hadei di tuk dom ngak mbang taduan khaw tin Nga ngak tabiak siam vaccine pacang jit COVID-19. Yaom meh kỳ hạn di bilan 12 patrun tal 93,4 USD, samu 4,58%, trun tanut 1.946,3 USD/ounce dalam tuk tamat mbang pablei salih. Yau nan ye, yaom meh hu patrun rilo di abih dalam sa harei meng di bilan 3 meng bloh. Langiu di nan, yaom meh njauk rilo kateik greik tuk chứng khoán dunya song jien laba  trái phiếu Mỹ jeng tagok./.

Urang lang: M. Phương - Hani Pha - 12/08 10:29:18

 

 

 

 

 

 

 

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân