Jit ruak pandiak tabiak drah tagok glong di tỉnh Bến Tre

Salam uan Nyaom roya Đảng bộ tỉnh Bình Phước tui kuhria hu rah tabiak dalam klau harei, meng harei 1 tal  harei 3 bilan 10, UB bhap bini tỉnh Bình Phước birau ba tame pandar Pasak điều hành thông minh, ngan saong phun jien buh tame ngak 20 tỷ đồng. Pasak hu 10 kadha duh ka bruk ngak di urang ngak praong dalam tỉnh tui dom bruk ngak yau: yaok kuhria kinh tế -xa hoi; tui iek bruk ngak di karja, dịch vụ công; tacei jalan ngak bruk gah jalan mbak, y tế, pato pakai…Langiu di nan, mbiah tal ini tỉnh hu ngak salah blaoh 20 danak dak uan raok Nyaom roya, yau dak dak pabak, ngak veik tapuk sajarah tỉnh Bình Phước vaktu 1930-2020; Dom danak dak hạ tầng hu peih ngak yau: jalan raya 13 pambuak Chơn Thành saong pabah negar Hoa Lư, jalan pambuak dom khu công nghiệp gah pei ban Đồng Xoài; danak dak 5 jalan pambuak khu công nghiệp – dịch vụ đô thị Đồng Phú.

Meng akaok thun tal ni, jit ruak pandiak tabiak drah tagok glong di tỉnh Bến Tre. Taeng adit blaoh, dalam  tỉnh ni  hu  149 urang ruak pandiak tabiak drah , rilo jang 22 urang duh song adit dahlau, tui nan meng akaok thun tal ni hu labaih  2.700 mbang urang ruak ; dalam nan hu  44 urang ruak trak,  oh hu urang halei metai. Ni lac sa dalam 10 tỉnh dok rah tabiak khang jit ruak ni di gah merong. Urak ni, karja song dom gah, kapul nyaom song bhap bini  tỉnh Bến Tre dok samar pacang caga jit ruak piah khik caga pren yava ka bhap bini.

Dalam dom bruk pahadar 255 thun harei ndih tapui, hadar 200 thun harei plang lahik di Danh nhân ilamu dunya - Đại thi hào bangsa Nguyễn Du, page 25/9, di ban Hà Tĩnh peih bruk ginum biai ialmu ngan saong kadha “Sap Viet dalam dalikan Kiều”. Var ginum biai hu tỉnh Hà Tĩnh pambuak saong Hội Kiều học Việt Nam peih ngak piah brei mboh ilamu, manak saong prein khang di dalikan Truyện Kiều; meyom bruk ngak cih vak di thi hào Nguyễn Du dalam bruk patagok saong roh duah hadah krah siam mekre di sap Việt dalam tuk tavak Truyện Kiều, rik daong khan pambak, khik ramik akhan huroh sap Việt. Var ginum biai  lac piah khan thau dom bruk roh duah birau ka Truyện Kiều tui jalan akhan huroh, sap ndem.  Jeng dalam var ini, kadung jien khik ramik saong patagok yaom drap ar Nguyễn Du saong  Truyện Kiều hu tabiak mbaok. Ini lac kadung jien hu padang tui halan hatian, piah khik ramik saong patagok ilamu drap ar di Nguyễn Du saong Truyện Kiều.

Harei 25/9, di Hà Nội, Kapul  Oxfam di  Việt Nam pambuak bruk song  Viện langyah patagok  kinh tế xã hội palei pala  song sang bac  Đại học Hà Nội peih mbang ginum biai peih ngak danak dak “ dam dara hu mbaok ngak brei salih bruk iek likei kamei oh  samu gauk saong jhul patagok bruk likei kumei samu gauk di Việt Nam”. Danak dak, kayua  Liên minh Châu Âu dong  hu peih ngak dalam  4 thun (2020-2024) di  3 tỉnh, ban lac : Hà Nội, Đà Nẵng song ban raya Hồ Chí Minh. Danak dak peih ngak dom bruk piag salih hatai sahneng song bruk ngak di dam dara ka 3  bruk meng kan mai , lac: iek lap kumei jang likei, taong yaom biar bruk pal akaok di urang kamei  song hatai sahrng oh njauk ka urang likei song urang kamei . Tui nan,  1 ribau dam dara  lac sinh viên di 5 sang bac  đại học song dom nyaom dam dara  dalam bhap bini hu paglong ilamu piah ngak brei salih jalan sahneng iek lap kumei jang likei

Công an ban sit Tân Uyên, tỉnh Bình Dương brei thau, anak bruk uranaih njauk urang rampeik rampai rah tabiak rilo di labik ini, đơn vị hu tabiak panuac khan brei thau, tui nan khin taong abih manuac sia tuk mboh uranaih yau njauk urang rambeik samar khan brei jabat công an thau. Meng kaok thun 2020 mbiah tal ini, di ban sit Tân Uyên rah tabiak 9 mbang rambeik rambai saong 9 urang njauk duis.  Ralo dom bruk nan kayua oh caik hatai, sangka di baoh sang dalm bruk iek anek bik, pato pakai anek saong njauk iek dom blah web hu asar kadha oh siam di angaok mạng.

Dom urang njom Covid-19 di Mỹ urak ni lac labaih 7 triệu urang, meblah labaih  20%  tong abih urang di dunya  . Tui kuhria di Mỹ hu labaih  40 ribau urang njom bahrau yaok harei. Jabat pasang iek ruak kik  Mỹ cong khin bruk ni trun ala  10 ribau sa harei, dahlau di tuk ruak cúm meda yam tame bilan  10 tal. Bruk peih pambah mbang dom sang bac song dom bruk main sambai dalam tuk padeih lễ meng bloh jeng ngak ka urang njom bahrau tagok rilo . Dang hadei di Mỹ urak ni jeng lac  Ấn Độ hu  5 triệu 700 ribau urang njom, dalam tuk nan  Braxin lac  4 triệu 600 ribau urang.

Dom urang ilamu Australia daok ngak dom roh duah piah thau ka bruk urang ruak Covid-19 mbuan njom ruak Parkinson. Dalam roh duah  birau ini, dom urang ialmu y tế mboh lac virus SARS-CoV-2 meda tame dom tế bào glo akok, ngak lahik khứu giác, kurang oxy tagok glo akok saong hadei nan meda ngak ruak talei thần kinh di dom urang ruak Covid-19. Dalam tuk camerep di ruak Parkinson, labaih 90% urang ruak lahik khứu giác, drei yau dom urang ruak Covid-19 urakini.

Tổng thống Putin hu ba angan tabiak piah pilih ruah pok brei giải Nobel hòa bình thun 2021. Nhà văn Nga Sergey Komkov lac urang payua panuac likau tal  Ủy ban Nobel pok brei  ong Putin, tui panuac brei thau di Hãng tin TASS harei  24-9. Meng thun 1901, Ủy ban Nobel yaok thun  jao giải Nobel hòa bình ka dom urang song kapul nyaom hu rik dong praong ka bruk sron mbon di dunya. 318 urang song kapul nyaom hu ba angan tabiak piah pilih ruah pok brei giải Nobel hòa bình thun 2020. Dahlau ong Putin, Tổng thống Mỹ Donald Trump jeng 2 mbang hu ba angan piah pilih ruah pok brei giải Nobel hòa bình 2021 kayua 2 nghị sĩ meng Thụy Điển song Na Uy./.

Urang lang: Hani Pha – Ái Nghiêm – 26/09 08:11:34

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân