Padang ngak Danak dak Tổ hợp Đô thị padeih padei saong pasram padhih di Mũi Kê Gà, huyện Hàm Thuận Nam, tỉnh Bình Thuận

Thường trực HĐ bhap bini ban Hà Nội tabiak bruk iew pataom ginum biai oh yau bhian mbang di harei 25/9 piah pabak urang jakar ngak bruk di ban. Tui nan, brei padeih ngak akaok UB bhap bini ban ngan saong ong Nguyễn Đức Chung, palih ruah ong Chu Ngọc Anh, phó bí thư Thành ủy, ngak  akaok UB bhap bini thành phố Hà Nội. Dahlau di nan, harei 28/8, ong Nguyễn Đức Chung njauk Jabat an ninh pasang iek di Mentri Công an ba tabiak langyah saong chap khik. Ong Chung hu HĐ bhap bini ban Ha Noi palih ruah ngak akok UB bhap bini ban Hà Nội di harei 4 bilan 12 thun 2015.

Pasak pasang iek ruak kik  tỉnh Lâm Đồng dok peih bruk pasang iek, yaok pataom dom urang oh ka klaauk atau klauk oh ka ginup vắc xin pacang caga ruak bạch hầu dalam danak dak klauk jru peih prong piah peih bruk klauk pabak, khik ka uranaih hu klauk ginup jru. Dalam mbang ni, Gah y tế hu peih bruk klauk jru vắc xin bạch hầu-uốn ván ka  42.300 uranaih di tong abih  dom  xã, phường, ban sit, abih di nyu lac dom uranaih di bhum  atah bayah, labik pabak song  dịch vụ y tế dok takik. Hu thau, dalam bilan  8 song akaok bilan 9, tỉnh Lâm Đồng hu  2 urang ruak  bạch hầu di huyện Đam Rông.  Ong Nguyễn Quốc Minh, Akaok  pasak pasang iek ruak kik tỉnh Lâm Đồng hu panuac kakei dom puk palei kham merat jak ba bhap bini ba uranaih nao klauk  vắc xin pacang caga  bạch hầu, klauk ginup saong klauk njauk harei.

Kapol Nam Group saong dom gah pambuak bruk ngak mbang suai lavik birau peih bruk padang ngak Danak dak Tổ hợp Đô thị padeih padei saong pasram padhih angaok  tasik Thanh Long Bay pak di Mũi Kê Gà, huyện Hàm Thuận Nam, tỉnh Bình Thuận. Danak dak nan padang ngak di taneh praong 90.3 ha, tui kuhria hu ba tame pandar di thun 2023, ngan saong 16 labik padeih padei siam gheih abih saong sa pasak pasram pandih ngaok tasik.

Beir harei 22/9, Công an tỉnh Long An brei thau bruk pasang iek, duah thau tuk camereip pagam tal bruk ngak suan, pagam pambak tame agama, ngak pahla mek angan rong uranaih metui medar piah duah duah kein laba di "tịnh thất Bồng Lai" (hadei ni salih angan jeng "Thiền am bên bờ vũ trụ" di xã Hòa Khánh Tây, huyện Đức Hòa. Ni lac labik kayua muk Cao Thị Cúc (ndik tapui thun 1960) song ong Lê Tùng Vân (ndik tapui thun 1932) padang tabiak. Min, tapa pasang iek di jabat  công an, urak ni di sang muk Cúc hu 18 urang dok, dalam nan hu  6 uranaih jeng hu amaik pajeng gam daok tui, oh lac uranaih metui medar, oh hu labik dok, abih di nyu rilo meng lac anek pajeng song kamuan pajeng di ong Vân.Tuk vak tapa, labik ni pagam pambak tame bruk rong uranaih metui medar  piah ieu bruk daong di bhap bini dok dalam song langiu negar  piah mek jien. Hòa Thượng Thích Minh Thiện - Trưởng Ban trị sự giáo hội phật giáo tỉnh Long An hu harak ndom lac “Tịnh thất Bồng Lai” oh hu adat di Ban trị sự Giáo hội Phật giáo tỉnh".

Melam kabroi 22/9, Công an ban sit Tân Uyên, tỉnh Bình Dương brei thau, oh hu bruk sa saih Sang bac tiểu học Thái Hòa B, phường Thái Hòa, ban sit Tân Uyên njauk urang chap panduak yau bruk khan di mạng xã hội. T.G.N lac anek saih jangan, bhain padeih bac oh hu bruk hagait meng kreh thun bac 2019-2020. Thun bac birau ini, baoh sang likau ka N brei nao bac gilac veik. Min kayua takre ma-in, oh khin nao bac nan ye N sahaneng tal bruk chap pandauk, meyai lau( ndem saoh) baoh sang bruk 2 urang karei pajeng nao. Panuac meyai lau ka bruk adei N chap pandauk samar hu ba tagok angaok mạng ngak ka rilo amaik ame haduh hatai.

Dunya hu jaik  32 triệu urang njom COVID-19. Jabat khik ramik pandap mbang song jru tavao (FDA) Mỹ tui kuhria samar brei thau dom tanut siam bahrau, catang jang dalam bruk brei adat pandar jip vắc xin COVID-19, ngak patrun sa  vắc xin meda ba tame pandar  dahlau di mbang palih ruah  akaok bilan  11 di  Mỹ. Dalam tuk nan, Tổng thống Nga hu panuac ieu peih nyaom biai  pambuak gauk ngak  vắc xin song dom negar daok caik hatai sangka.

Sa tòa án Trung Quốc harei 22/9 brei thau lac ong Nhậm Chí Cường nan lac urang ngak mbang praong gah pablei salih taneh di Trung Quốc saong lac urang bhian ndem puac tapak Chủ tịch Trung Quốc Tập Cận Bình - 18 thun guk kayua bruk ngak suan "tham nhũng, mbang jien saong bleik saleik mek pandap karja ngak ka drei". Bruk ba tabiak ka ong Nhậm mek jaik 50 triệu nhân dân tệ sumu 7,4 triệu USD meng kadung jien karja saong mbang jien tagok tal 1 trieu 250 ribau nhân dân tệ, tui pathau khan di Tòa án bhap bini trung cấp ka 2 Bắc Kinh.

Dalam harak ndom puac hu thaot veik payua tal mbang ginum biai pakat glong di  Đại hội đồng Liên hợp quốc di tuk pahadar 75 thun harei padang tabiak, Tổng thống Hàn Quốc Mun Chê-in brei thau ni lac tuk piah yah klaak  “bruk kan kandah dui atah” angaok palao Triều Tiên, bruk mesruh metak njauk padeih “abih song miat miat”. Ong Mun Chê-in ndom lac bruk ni meda khik caga siam mekre di bhum Đông Bắc Á, ba mai dom salih bahrau siam mekre ka dunya song peih pambah mbang ka bruk oh hui hạt nhân song siam mekre suai lavik angaok palao kaoh Triều Tiên./.

Urang lang: Ái Nghiêm – Hani Pha – 23/09 10:41:55

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân